張家界自由行 - Day 0

Blog in Progress
出發呢日基本上冇行程,只係去張家界市酒店落腳。出發第一站要去深圳寶安機場上機,香港去深圳機場有幾個方法,我家住九鐵沿線所以我選擇去羅湖轉巴士 :
坐東鐵到羅湖,過關後晌【羅湖商業城】樓下坐車(中巴)去機場:

編號 : 機場2線(原有K568線)
路線 : 火車站<>寶安機場
營運時間 : 羅湖開出 06:30am~10:00pm
機場開出 08:00am~11:30pm
車  程:約60分鐘
班  次:約15分鐘/班
單程票價:¥20/位

我同行住九龍港島的便在圓方撘過境大巴 :

乘車路線 香港九龍-深圳機場
候車地點 香港 - 深圳機場(九龍機鐵站)城市候機樓 - 香港九龍機鐵站圓方商場一樓過境巴士站
深圳 : 深圳機場候機樓到達廳A08、B04櫃檯
票價 90元
經過關口 深圳灣口岸(西部通道)特快一地兩檢過關
全程時間 75分鐘-全程高速,中途不停站
時 刻 深圳機場——香港機鐵九龍站:09:30—21:00,每30分鐘一班
香港機鐵九龍站——深圳機場:7:15—19:15,每30分鐘一班 聯繫電話
香港 (852)27353525 / 22303030

另外好似太子、灣仔都有過境巴士去深圳機場,可以試試去砵蘭街售票處問問 :

九龍(太子)06:40—20:20(每20分鐘一班)
香港(灣仔) 07:00-19:00(每20分鐘一班) HK$100
香港售票處 : 太子 砵蘭街364D地下

到達深圳機場先去機場電子客票部辦登機手續,之後響機場刨 o左碗麵再行行企企等上機。班機基本上算準時,夜晚 9 點幾就到達張家界荷花機場。

我地本來以為響機場可以直接上的士車去酒店,但我估可能太夜關係,機場安排一程免費中巴車落機旅客出市區,我地就跟大隊上車,約 10 分鐘車程車我地到市區一間賓館門口,我估如果冇事先安排住宿的便會因利成便入住哥間賓館,機場巴士 o的服務員又可以抽 o下佣。

我地就響賓館門口再打的去 book 好 o個 間酒店。車程中個的士司機無啦啦同我地講話之前一日市內發生 o左 o的民眾暴亂我地要去 o個間酒店已經封 o左冇開,我當堂 O 晒咀,好彩出發前一日間酒店有主動 call 我 double confirm 個 booking,我地冇理個司機照去到酒店,間酒店如常營業。我估個司機應該響道老作,如果我地信佢的話佢就可以改車我地去佢相熟的賓館入住從中抽佣。出發前響網上 research 時都讀過 o的 blog 話湖南區內治安不算得很太平,一部份計程車司機比較狡猾,多數建議長途車程盡量乘公車巴士,避免乘計程車,這方面要小心注意。

酒店 Check-in 完已經 10 點幾,街上店舖已經打晒洋,我地住 o個間酒店一帶有 o的夜市,不過多數熟食檔感覺都不太衛生唔敢幫襯,最後響附近麥記刨個套餐再響附近行一陣就番酒店。

我地住間酒店屬四星級,床舖洗手間毛巾都算乾淨,但個水煲底就有 o的積洗極都唔甩結果哥晚煲唔到熱水飲。整體酒店質素比武陵源同鳳凰同屬四星級的酒店較差。


留言