鳳凰古城.虹橋 - 張家界自由行 - Day 4

Blog in Progress
陀江霧景係鳳凰其中一個出名的景色,不過要碰 o岩天氣至欣賞得到。雖然明知機會唔大,但今日都 6 點晨早起身去虹橋碰碰運氣。

早上 6 點的鳳凰市,天還未光路上亦沒有亮起街燈,但漆黑的道路已經見到滿街都是幹活的人群。我都冇諗到條路咁黑都會唔開街燈所以冇帶電筒落樓,不過借住經過汽車的車頭燈同身邊行人的電筒都免強睇到路行。



沿著虹橋中路行到虹橋,已經見到有幾個拍友起晒腳架等運到。可惜呢日陀江並沒有起霧。於是便沿著陀江行去跳岩方向欣賞風景拍拍照。









到 9 點鐘咁上下便打的去汽車站買定下午 2:30 番張家界市的大巴車票,然後先番酒店食早餐。食完早餐番房收拾行理 check-out 同寄放行理響櫃位,之後再出動。

本來諗住去參觀沈從文故居,不過去到發覺原來沒有單獨參觀故居的門票,要參觀故居便必需買去沈從文故居、熊希齡故居等景點的套票。因為距離巴士出發時間只得兩三個鐘唔夠時間去咁多地方,於是只得繼續在附近走走拍拍。





可惜今次行程唔夠時間,如果響鳳凰可以 stay 多 1 至 兩 day 可以考慮去去山江苗寨一日遊,鳳凰山江鎮逢初三、初八有市集舉行,到時鎮內特別熱鬧同可看到苗俗婦女穿上傳統服飾趕市集,有興趣的話可以響當地酒店問問有冇 o的 local tour 可以安排。

南方長城亦係一個想去但唔夠時間去的地方。南方長城位於鳳凰縣瘳家橋鎮、阿拉鎮,是銅仁到鳳凰必經之地,可從鳳凰乘坐班線車抵達,車費為四元錢,門票為45元/位。到達鳳凰後,在汽車站乘坐鳳凰到阿拉的班車,車費大約3元,到南長城下車。



講番自己個行程,我地行行 o下有個船家走過來兜生意,於是去玩 o左陣陀江泛舟。





泛完舟已經差唔多食飯時間,響虹橋中路有間叫大使飯店,係當地算幾出名,呢間飯店響虹橋中路開 o左 一間主店同一間分店,我地就去 o左間分店開飯。




食完飯再爭取時間響附近買手信,薑糖、湘西苗族銀飾、蠟染畫都係當地出名的特產。買完 o野之後就番酒店提行理去汽車站上巴士走人。

我地兩點半上巴士,晚上七點零番到張家界市。響張家界市又係求其刨個快餐就截的士去機場。響機場道有賣 o的一包包鵝肉、牛肉乾,可以買 o黎做手信。班機 9:30 起飛差唔多 12 點到深圳機場。

響深圳機場有程通宵大巴出旺角太子,響機場大堂有櫃位買飛,哥晚出到太子成兩點幾三點,成個行程就此結束。


留言

  1. 我同友人9月中會去
    這裡的準備篇及行程篇都非常有用,尤其是大陸在旅遊資訊既綜合程度非常低...

    thank you 哂!

    回覆刪除
  2. hi i just yahoo about 張家界 and found your blog, really impressive and i really like ur blog.
    as i m planning to go during this coming christmas holiday around 5 days trip , do you think its a good time to go ? and how long did ur trip take ?

    回覆刪除
  3. 當時我地都係聖誕假嗰幾日去,12/25 出發,12/29 回程,實際玩咗四日,三日係張家界一日係鳳凰。如果時間許可我會想係鳳凰留多一至兩日。
    我覺得當地風景最靚應該係夏季,不過大熱天時係張家界行幾日山會幾辛苦。聖誕呢段時間去就天氣開始凍但未落雪,如果遲多個零月去就有雪景睇。
    開心寫呢個 blog 幫到你,預祝你旅途愉快。 :D

    回覆刪除

發佈留言