德里 - 印度之旅 2009 Day 1

第一日其實冇行程，本來印航班機下午六點起飛，點知班機 delay 咗成兩粒幾鐘，結果差唔多成九點至起飛，去到德里機場出到酒店都已經夜晚成點幾鐘 (香港同德里有兩個半鐘時差)。今次響德里入住一間 叫 Jaypee Vasant Continental Hotel，位置好近機場，酒店房間洗手間毛巾同用具都算乾淨，只係洗手間面盤厠所板感覺舊少少，但整體水準都算 okay。





本來第二朝應該坐內陸機飛去喀什米爾玩兩日 (係本來，之後另有古仔)，喀什米爾斯里納迦嘅主要交通工具係一種叫 Shikara 嘅水上的士，因為帶住大件行里上船落船會幾唔方便所以旅行社安排可將大件行里放響德里，只帶兩天用的輕便行里去斯里納迦。於是返到酒店就快快執行理沖涼爭取時間瞓足精神準備明天正式行程。