Booking.com

勝利宮位於愛加拉西面, 位置就近愛加拉與齋浦爾之間的公路,所以旅行團通常會從愛加拉出發往齋浦爾途中順道前往。古城法塔赫布爾‧西格里 (Fatehpur Sikri),即「勝利」之意,因此亦稱為「勝利宮」。

阿格拉勝利宮

與愛加拉堡相似,勝利宮的城牆同樣以紅砂石建成,長達六公里,設有七座城門和無數塔樓。城內各座建築,集合了印度教、回教與佛教的特色,不但外形壯觀,內部結構與造飾,更精細無比。

勝利宮由蒙戈爾阿克巴大帝 (Akbar 1556~1605) 於16世紀興建,為阿克巴精心規劃的新都,三面城牆,長6公里,有7座城門,城內建有皇宮、雕梁畫楝的覲見宮、土耳其蘇丹宮、社交天井、流動涼水池、後宮、陵墓和印度最大的回教寺院 Jama Masjid,動員數不清的工匠,融合伊斯蘭和印度教、耆那教裝置藝術的獨特建築。

阿克巴大帝為慶祝其子迦亨基的誕生,花費16年建造完成法特普西克立城堡,並決定遷都至法特普西克立城。再由於他在遷都之後的第二年又打了一場勝仗
愛加拉勝利宮
,所以將法特普西克立稱為勝利城,皇宮就稱作勝利宮。

話說阿克巴順利地將印度北部納入版圖後,開始為無子繼承皇位一事煩心。據說阿克
後宮佳麗1,600人,信奉著伊斯蘭教、天主教,但這些嬪妃卻未能為他生下兒子,當時一位聖者建議阿克巴娶位信奉印度教的妻子,果真在西元1569年為他產下第一位王子。

阿格拉勝利宮

但在1585年後,因為水源不足的關係,阿克巴不得不遷都回愛加拉,此後一代名城就人去樓空,在山頭上孤獨的聳立著。



離開勝利宮已經4點幾,我們一行人返回旅遊巴,又係一程差不多5個小時的車程,直往我地嘅下一站 - 粉紅城市齋浦爾。

阿格拉

德里、愛加拉同齋浦爾被稱為印度金三角,齋浦爾位於愛加拉西面,呢程車嘅方向正好朝着個靚靚嘅日落景色進發。

阿格拉

到個日頭差唔多收時剛好部車到達中途休息站,團友們又有機會入舖頭睇嘢買嘢。離開中途站再行多兩個鐘頭車,結果今日又係八點幾到達酒店。

今次響齋浦爾我地入住 Holiday Inn ﹒﹒﹒愛加拉 嘩 ~~ Holiday Inn 呀! ~~ 唔好開心住,講真我係第一次見到一間咁似唐樓嘅 Holiday Inn。咁夜返到酒店當然第一時間去茶餐廳食晚餐。嗱我冇打錯字,個餐廳真係有啲茶餐廳嘅 feel。加上響愛加拉餐自助餐實在比較盛大,見到呢餐奀幾倍嘅自助餐各團友包括我都不禁有點失望。不過公平啲咁講,餐飯唔係難食,餐枱餐具亦係乾乾淨淨,此終我地唔係去緊日本瑞士,出發前我原本都只係期望去印度可以食到餐乾乾淨淨入得口嘅飯已經心足,愛加拉餐自助餐其實係有點喜出望外。

食完飯返房休息前我地首先周圍巡一巡睇吓間酒店有乜設施。行出酒店玻璃門有個露天位置通向一個小小的泳池,不過從玻璃門到泳池沿途都係一地雀糞。我響個露天位企咗陣拎部手機出嚟定完位就番上房。間酒店 google map 坐標為 26.9440066666667, 75.8386133333333。

雖然間酒店設施飯餐都比較一般,不過房間反而係今次行程中最有水準嘅一間。其實亦有點好運,我估間酒店可能開始將部份房間番新裝修,而我剛好被編入住新裝修過的房間,所以房內所有設施洗手間等都非常新淨。我朋友入住的房間應該還未裝修,設施看上去就好像比愛加拉入住的那一間差一點。