Booking.com

城市宮殿 (City Palace) 建於齋浦爾舊城區,舊城內每條街道都可通往城市宮殿。城市宮殿融合拉賈斯坦 (Rajasthan) 與蒙戈爾式的建築風格,目前仍屬於馬哈拉加 (Maharaja) 王公賈辛格 (Jai Singh) 家族所有。城市宮殿建於1726年,1959年部份開放為博物館,部份區域仍為賈辛格家族後裔所居住。

進入宮殿後第一個吸引遊客眼球的建築物就是穆巴拉克宮殿 (Mubarak Mahal),宮殿陳列有歷代馬哈拉加王室家族的服飾、樂器、武器、印度玻璃器皿、歷代手稿、繪畫等。其中最引人注目的,是馬德侯‧辛格 (Madho Singh) 一世的一件斗篷式錦緞長袍,長袍闊4呎長7呎,從長袍個尺碼可以想像其壯碩嘅身型。



參觀過穆巴拉克宮殿後,通過 Rajendra Pol 可進入私人大廳 (Diwan-I-Khas)。



在私人大廳中庭可以看見兩個可能係世界上最大的水甕。水甕以白銀和黃金鑄造,容量有1,800加倫。可能驚飲咗啲冇細菌嘅水會肚痛嘅關係,當年齋浦爾王公馬德侯‧辛格二世前往英國倫敦參加愛德華王子加冕典禮時,特登揾人鑄造呢兩個水甕盛載啲恆河水去英國飲用。每個水甕容量足夠一個人飲用半年。呀王公去完個 trip 番嚟之後就將依兩個水甕放響宮殿入面一直冇再用過。



私人大廳四周被紅色的高牆包圍。一道小門通往內院 (Pritam Niwas Chowk)。



響宮殿各出入口不時會出現一些穿著盛裝頭上戴着孔雀裝飾嘅守衛。當然佢地唔會無情白事著到咁 cutey 出嚟周圍行。如果想同佢地影相係要比小費嘅。有時見到佢地身邊有些有趣景物想影番張相都要好小心等佢地行開,以免被佢地誤會我舉機影緊佢跟住走嚟問我收錢。



私人大廳內院由四道在十八世紀建成的門扉所環繞,四道門分別象徵四季節氣,其中雕飾精細孔雀圖案的一道門代表雨季。此一庭院原是昔日皇室舉行舞會之處,門扉上的樓臺是歌者唱歌的地方。

 

庭院後面的月之宮殿(Chandra Mahal),目前仍是皇家住所,並未對外開放。

行完城市宮殿,個團本來安排了一個自費行程去雲石印度廟 (Birla Temple Jaipur) 參觀。呢個自費行程收費每位 US$20,但其實嗰道應該係免費入場嘅。因為覺得唔係咁值,於是我地就響城市宮殿道同領隊單咗聲然後離團自己出去行街。城市宮殿入面有間幾乾淨企理嘅 cafe,我地入去坐咗陣飲杯嘢,之後便離開宮殿去我地嘅下一個行程,齋浦爾市內觀光。