Booking.com

食完飯,下午嘅節目又係 shopping。個團嘅 Shikara 三點零鐘就嚟到船屋門口,接我地去當地 Agent 嘅指定商店購物。我後來聽一位團友講,程船途中該位團友想去其他商店參觀但船伕話佢知佢係唔可以放團友去其他嘅商店。我地去嗰間商店主要售賣手飾盒,之前一晚都有個賣同類手飾盒嘅小販上過我地船屋兜售,呢間舖開嘅價的確係比我地昨晚個小販便宜,我朋友都買咗幾個飾盒番香港。

買完嘢我地就坐 Shikara 番船屋;茶實當日下午風和日麗,坐住隻 Shikara 響個湖道欣賞吓風景影吓相的確係一件幾舒服嘅事,可惜程船得十零分鐘時間,我地四點零鐘就番到船屋,個團呢日嘅行程亦就此完結。

 

雖然個團之後冇行程,不過活潑好動嘅我當然唔會就咁坐定定等開飯啦。我地番船屋 hea 咗陣,之後就出露台叫 Shikara 出碼頭影日落。好快我地就截到部 Shikara,個船伕開價 rs100,一次半次我都費事同佢講價。出碼頭程船本來十零分鐘,不過途中會有無數小販駛埋嚟兜售貨品,我地睇吓買吓去到碼頭個日頭都差不多落山。











茶實黃昏時份響碼頭一帶行吓街睇吓附近嘅店舖都會幾舒服,不過我地都想響個天黑齊之前上番船,結果都係冇時間行出個碼頭太遠。我地上番之前個船伕條船番船屋,呢程船都係收 rs100,番到船屋我地順便約埋個船伕明日朝早六點鐘去船屋接我地去參觀水上菜市場。