Booking.com

達爾湖嘅水上菜市場茶實係當地一個蔬菜批發市場,每日朝早大約5點鐘,當地菜販以小艇載著一批批蔬菜到湖中特定位置聚集及交易,直到大約朝早7點鐘完結。


1960年一位從日本到喀什米爾遊覽嘅攝影師,將他在菜市場拍攝到的照片刊登在日本一本旅遊雜誌上,從此這個菜市場開始受到各方旅遊人仕注意,到今日這個水上菜市場便成為外國遊客到訪達爾湖嘅其中一個熱門遊覽項目。

因為呢個菜市場早上7點鐘已經開始收市,除非你對蔬菜有無比嘅熱誠,否則一般人段唔會倒塔咁早躝起身走去睇人賣菜咁無聊。所以一般香港嘅旅行團通常都唔會安排團友去參觀呢個菜市場。

茶實我地第一日到達船屋嗰陣,已經問過船屋個屋主可唔可以幫我地安排 Shikara 去睇呢個菜市場,但屋主因為唔想同當地接

Yeah ~ 又做成單刁,數錢!
(非設計對白)
待我地個團嘅 Agent 有利益衝突,於是將個波交咗比我地個領隊。我地跟住問領隊可唔可以同船屋屋主單聲批準佢同我地報價,可惜領隊話呢個係當地個 Agent 話事佢唔可以介入,要傾我地就要同個 Agent 傾。嚟到呢道我已經知道如果我想靠同個團有關嘅人仕帶我地去睇個菜市場唯一可以做嘅就係接受個 Agent 嘅開天殺價。於是呢條 path 我已經知道可以放棄。



不過領隊結果都幫我地知會咗個 Agent,當日下午個 Agent 啊頭都有走嚟我地船屋道同我地報價,盛惠 US$ 40 ;我地話佢知決定唔去打發咗佢走。



咁昨日睇完日落之後我地同個船伕議價,佢開價 rs600,其實如果我同佢講價的話應該可以便宜一半,不過我想比多少少甜頭以免佢覺得冇肉食朝早唔起身甩底,於是呢程船 rs600 成交,即係話就算我唔講價自己叫船都比個 Agent 報個價便宜三倍有凸,~~ 食水認真深!



我地一行四個人朝早六點準時出露台等船伕嚟接我地,可能今朝多咗人企響個露台道附近啲人注意到,冇幾奈我就聽到遠處有人叫我地 ~~ "Shikara? Shikara?"。唉 ~~ 你昨日朝早肯叫一聲咁今日你咪做得成我地生意囉,天意。



船伕佢遲到咗少少,6:15am 咁上下至嚟到我地船屋門口。朝早天未光個氣溫比較低,我著住件 Poly Fleece 個身都仲震震地,好彩個船伕都幾周到響船上準備咗張氈比我地。



原來菜市場個位置離我地船屋唔係太遠,廿分鐘都唔駛我地就到達。我地影相影到七點零鐘就叫船伕送我地番船屋。

嗱嗱嗱~做生意嘅嘢,唔o岩講到o岩,冷靜~

回程沿途看見湖面開始起霧,又是另一番美景。

 

大約七點半咁上下我地就番到船屋食早餐。