離開好牧羊人教堂，下一站上 Mount John，轉個角度繼續欣賞 Tekapo 嘅景色。Lake Tekapo 附近有兩條路上 Mount John，可以參考下面個地圖；一條係步行徑，起點係 Lakeside Drive，由嗰道上去來回聽講話要個零鐘咁上下；我未親身行過，真實要幾多時間就唔係太清楚嘞。
在較大的地圖上查看紐西蘭南島自駕遊 2014 - Lake Tekapo
我哋上去陣時最初以為 Lakeside Drive 嗰道都可以渣車上去，去到先知到原來嗰個位置係冇車路上到去嘅。渣車上去嘅話，要由 Tekapo Twizel Road 渣一段路，轉入 Godley Peaks Road，再轉入一條得單線雙程行車嘅山路，先上到去。今次行程主力用緊嗰個 TomTom Map 唔知點解冇呢條路，好彩部手機同時有下載埋呢道個 Offline Google Map 有顯示到呢條路，唔係的話分分鐘搵唔到路上去
。
自己渣車上 Mount John 有兩樣嘢係需要注意吓嘅；首先上去嗰條山路，到夜晚係唔會開放俾公眾人仕使用嘅；所以自己渣車上去參觀的話只可以日頭上去，要夜晚上去就只可以俾錢參加嗰道啲觀星 night tour。第二係上去嗰條山路都幾斜吓同只得單線雙程行車，上落都經常要避車讓對頭車過；如果平時冇渣慣車駕駛技術嘛嘛嘅話上落呢條路可能都會幾頭痕吓。
Mount John 係 Tekapo 嘅最高點，上到去就可以一覽無遺咁睇晒 Tekapo 兩個大湖；嗱各位團友先過嚟呢邊望望呢個細啲嘅湖，佢就係 Lake Alexandrina 嘞
。
再過嚟望一望呢邊個大啲嘅湖
，佢就係 Lake Tekapo，遠遠仲可以見到沿住 Lake Tekapo 個市鎮啲建築物。
山上亦可以俯瞰麥肯奇盆地 (Mackenzie Country) 嘅景色。Mackenzie 呢個名嘅由來原來係有段故嘅。話說 19 世紀陣時有個叫 James Mckenzie 嘅偷羊賊，佢將偷番嚟啲羊收埋咗係呢個盆地道；後來因為佢俾人捉到，啲歐洲嚟定居嘅人先知道呢個地方嘅存在，而啲人亦用咗呢位偷羊賊個名幫個地方命名。
山上面有個天文台，俾錢參加佢地嘅 night tour 就可以夜晚上嚟呢道睇星。
呢間就係當地都幾出名嘅 Astro Cafe，啲遊客上到嚟都鍾意係呢道整番杯咖啡同啲小食，對住個無敵靚景慢慢嘆。不過嚟呢道買嘢食要預足夠時間，可能我哋到步嗰日人多，佢哋出餐都真係出得幾慢吓
。我哋等到佢出到杯嘢飲時已經等唔切坐低慢慢嘆，囉齊啲嘢飲就要急急腳出車，去行程嘅下一站 ~ High Country Salmon Farm。
可能係因為近天文台嘅關係，Mount John 呢道除咗吸引外地遊客外，亦吸引到啲外星遊客嚟觀光。來自星星嘅佢哋仲係嗰道留低大大隻字祝地球人聖誕快樂添
。
啲遊客嚟 Tekapo 旅遊好多時都會順道去一去附近兩個三文魚場參觀同買新鮮三文魚 (兩道個位置都記錄咗係上面個地圖道)。其中一個魚場叫 Mt. Cook Alpine Salmon Farm，位置係經 Tekapo Twizel Road，轉入 Hayman Road 後轉入到 Tekapo Canal Road 附近；而今次我哋就去咗另一間舖號叫 High Country Salmon 嘅魚場；呢間魚場除咗有新鮮三文魚買之外，仲會免費提供啲魚糧俾啲遊客玩吓喂三文魚。
個魚場入口有個收銀櫃位，係個櫃位道就放住一個個裝好啲魚糧嘅膠杯，啲遊客嚟到就可以自己拎個膠杯入去個魚場先玩陣喂魚。
我哋係個魚場先喂咗陣魚再周圍行吓影吓相，之後就番櫃位買三文魚。啲三文魚大部份係一包包預先包好放係一個個保溫箱入面俾啲遊客揀嘅。買 Sashimi 嗰道會提供埋豉油同 Wasabi。想堂食的話櫃位前面有枱有櫈買咗坐低就可以襯新鮮坐低即食。
牙籤比快門快，影呢張相陣時包三文魚已經俾同行朋友督走咗幾舊
，但一包盛惠紐紙 20 大元嘅三文魚大約就係咁上下大包。查實以份量計呢道啲三文魚我又唔覺得真係特別抵食，當然佢哋賣啲三文魚肯定係特別新鮮。可能網上都有幾多去過 Tekapo 嘅遊客提過嚟呢道，傳吓傳吓呢道就變成好似個旅遊景點咁，經過附近的話就點都會想過嚟睇睇。
因為家陣啲油價確實唔平，我個人就認為如果唔係太順路的話查實唔係事必要過嚟呢道買三文魚的說，此終如果要兜太遠路的話啲三文魚點抵食都補唔番啲油錢。如果點都有興趣嚟呢道睇睇，就盡可能計劃行程時就就啲路線同時間俾自己順路經過呢道；要兜遠路或者走回頭專登咁過嚟行一轉，我個人就覺得唔係太值嘞
。
在較大的地圖上查看紐西蘭南島自駕遊 2014 - Lake Tekapo
我哋上去陣時最初以為 Lakeside Drive 嗰道都可以渣車上去，去到先知到原來嗰個位置係冇車路上到去嘅。渣車上去嘅話，要由 Tekapo Twizel Road 渣一段路，轉入 Godley Peaks Road，再轉入一條得單線雙程行車嘅山路，先上到去。今次行程主力用緊嗰個 TomTom Map 唔知點解冇呢條路，好彩部手機同時有下載埋呢道個 Offline Google Map 有顯示到呢條路，唔係的話分分鐘搵唔到路上去
。自己渣車上 Mount John 有兩樣嘢係需要注意吓嘅；首先上去嗰條山路，到夜晚係唔會開放俾公眾人仕使用嘅；所以自己渣車上去參觀的話只可以日頭上去，要夜晚上去就只可以俾錢參加嗰道啲觀星 night tour。第二係上去嗰條山路都幾斜吓同只得單線雙程行車，上落都經常要避車讓對頭車過；如果平時冇渣慣車駕駛技術嘛嘛嘅話上落呢條路可能都會幾頭痕吓。
Mount John 係 Tekapo 嘅最高點，上到去就可以一覽無遺咁睇晒 Tekapo 兩個大湖；嗱各位團友先過嚟呢邊望望呢個細啲嘅湖，佢就係 Lake Alexandrina 嘞
。再過嚟望一望呢邊個大啲嘅湖
，佢就係 Lake Tekapo，遠遠仲可以見到沿住 Lake Tekapo 個市鎮啲建築物。山上亦可以俯瞰麥肯奇盆地 (Mackenzie Country) 嘅景色。Mackenzie 呢個名嘅由來原來係有段故嘅。話說 19 世紀陣時有個叫 James Mckenzie 嘅偷羊賊，佢將偷番嚟啲羊收埋咗係呢個盆地道；後來因為佢俾人捉到，啲歐洲嚟定居嘅人先知道呢個地方嘅存在，而啲人亦用咗呢位偷羊賊個名幫個地方命名。
山上面有個天文台，俾錢參加佢地嘅 night tour 就可以夜晚上嚟呢道睇星。
呢間就係當地都幾出名嘅 Astro Cafe，啲遊客上到嚟都鍾意係呢道整番杯咖啡同啲小食，對住個無敵靚景慢慢嘆。不過嚟呢道買嘢食要預足夠時間，可能我哋到步嗰日人多，佢哋出餐都真係出得幾慢吓
。我哋等到佢出到杯嘢飲時已經等唔切坐低慢慢嘆，囉齊啲嘢飲就要急急腳出車，去行程嘅下一站 ~ High Country Salmon Farm。可能係因為近天文台嘅關係，Mount John 呢道除咗吸引外地遊客外，亦吸引到啲外星遊客嚟觀光。來自星星嘅佢哋仲係嗰道留低大大隻字祝地球人聖誕快樂添
。啲遊客嚟 Tekapo 旅遊好多時都會順道去一去附近兩個三文魚場參觀同買新鮮三文魚 (兩道個位置都記錄咗係上面個地圖道)。其中一個魚場叫 Mt. Cook Alpine Salmon Farm，位置係經 Tekapo Twizel Road，轉入 Hayman Road 後轉入到 Tekapo Canal Road 附近；而今次我哋就去咗另一間舖號叫 High Country Salmon 嘅魚場；呢間魚場除咗有新鮮三文魚買之外，仲會免費提供啲魚糧俾啲遊客玩吓喂三文魚。
個魚場入口有個收銀櫃位，係個櫃位道就放住一個個裝好啲魚糧嘅膠杯，啲遊客嚟到就可以自己拎個膠杯入去個魚場先玩陣喂魚。
我哋係個魚場先喂咗陣魚再周圍行吓影吓相，之後就番櫃位買三文魚。啲三文魚大部份係一包包預先包好放係一個個保溫箱入面俾啲遊客揀嘅。買 Sashimi 嗰道會提供埋豉油同 Wasabi。想堂食的話櫃位前面有枱有櫈買咗坐低就可以襯新鮮坐低即食。
牙籤比快門快，影呢張相陣時包三文魚已經俾同行朋友督走咗幾舊
，但一包盛惠紐紙 20 大元嘅三文魚大約就係咁上下大包。查實以份量計呢道啲三文魚我又唔覺得真係特別抵食，當然佢哋賣啲三文魚肯定係特別新鮮。可能網上都有幾多去過 Tekapo 嘅遊客提過嚟呢道，傳吓傳吓呢道就變成好似個旅遊景點咁，經過附近的話就點都會想過嚟睇睇。因為家陣啲油價確實唔平，我個人就認為如果唔係太順路的話查實唔係事必要過嚟呢道買三文魚的說，此終如果要兜太遠路的話啲三文魚點抵食都補唔番啲油錢。如果點都有興趣嚟呢道睇睇，就盡可能計劃行程時就就啲路線同時間俾自己順路經過呢道；要兜遠路或者走回頭專登咁過嚟行一轉，我個人就覺得唔係太值嘞
。
留言
發佈留言