Booking.com

我哋大約 7 點零鐘番到 Tekapo,第一件事先番旅舍放低啲行理同醫肚。

今次我哋入住呢間旅舍嘅舖號叫 Tailor-Made-Tekapo Backpackers。因為我哋今日到達旅舍嘅時間真係幾晏,櫃位服務員已經放晒工。咁嘅情況下紐西蘭啲旅舍工作人員通常都會將辦工時間前番唔切旅舍 check-in 嘅旅客啲房門鎖匙寫番名同房號,就咁掛條匙係櫃枱當眼地方俾啲旅客自己拎。


在較大的地圖上查看紐西蘭南島自駕遊 2014 - Lake Tekapo

呢間旅舍嘅質素係今次旅程中住過嘅算係比較好嗰類。首先講浴室同洗手間;以我個人嘅標準嚟講,之前一日係基督城住嗰間嘅洗手間同浴室算係可以接受嗰隻,而呢間嘅洗手間同浴室就係用得舒適嗰隻。呢間啲浴室熱水夠熱夠力去水亦暢順,各種設備亦光潔新淨。

 

到個厨房。呢間旅舍個厨房空間亦算寬敞。我哋今次係用呢個厨房煮晚餐嘅,而之前個厨房經過早午餐下午茶用咗咁多轉啲用具都依然保持得幾乾淨。



大廳亦係乾乾淨淨整整齊齊坐得舒服嗰隻。



旅舍啲客房就係分佈係幾幢呢啲咁樣嘅屋仔入面,每間屋都有洗手間同浴室,有啲洗手間浴室係客房出面幾間客房嘅住户輪流用,有啲客房就有獨立嘅洗手間同浴室;屋外面有個都舖得幾靚吓嘅草地。



夏天紐西蘭啲時間特別好使。我哋番房放低啲行理,跟住簡簡單單煮咗個晚餐醫完肚個天都仲未開始黑。正好因為經過一日行程,我哋人同相機都好需要义义電。我哋食完飯就番房休息咗陣等天黑,準備今晚對我哋呢啲城市人嚟講一場與別不同嘅夜生活