韓國冬日滑雪自由行 2015 - 平昌鱒魚節 (평창송어축제)

年紀大機器壞,以前去到滑雪場連踩四五日可以面不改容,家陣實在係冇咁嘅體力再咁樣玩法 。於是今次計劃去龍平玩呢幾日當中,其中一日我哋會放低塊滑雪板,出走去玩玩當地一個節興活動 ~ 平昌鱒魚節 (평창송어축제)。

韓國冬日滑雪自由行 2015 - 橫溪覓食記

呢一日我哋全日都係玩滑雪。朝早我哋喺酒店房自己煮早餐食,食完就落 Dragon Plaza 買 Day Time 2 ~ 10:00-16:30 時段嘅 Lift Pass 同租滑雪用具;由朝早到晏晝我哋都係逗留喺滑雪場度。

韓國冬日滑雪自由行 2015 - 龍平滑雪 & 橫溪 (횡계) 大關嶺韓牛村 (대관령한우타운)

我哋今朝十一點零鐘到步,但酒店嗰邊要到晏晝兩點至可以 check in ;冇計唯有放低啲行李先去食晏。我哋喺 Dragon Plaza 搵咗間中華料理醫肚;食完飯行番去酒店 Check in 同換衫,再番到滑雪場嗰陣查實都已經幾晏吓。雖然有啲蝕鐘,但我哋都照玩咗 12:30 - 16:30 嗰場嘅滑雪時段。

韓國冬日滑雪自由行 2015 - 龍平滑雪渡假村

先講吓呢度龍平滑雪渡假村係點環境。我哋到步落車嘅地方係呢度一個穿梭巴士停車場;喺呢個停車場會見到兩隻唔同顏色嘅巴士;紫色呢隻 Purple Bus 就係我哋由首爾坐過嚟龍平嘅巴士,相信主要係用嚟行長途線嘅巴士嚟。

韓國冬日滑雪自由行 2015 - 向龍平進發

喺講呢日嘅行程之前,先講吓我哋今次去龍平嘅交通安排。我哋大約十一月頭跟住呢個龍平官方網頁俾嘅電郵地址,出咗封電郵問點買飛搭穿梭巴士去龍平。佢哋嗰邊都覆得好快,第二日就經電郵俾齊成套買車飛嘅資料過我哋。

韓國冬日滑雪自由行 2015 - 東大門

我哋大約晏晝四點零鐘到達仁川機場。查實到步呢日嘅天氣相當唔錯,我哋落機嗰陣望出窗外仲見住個橙紅色嘅落日;排隊過海關跟手拎番件行李,出到入境大堂陣時個天都差唔多黑齊。

韓國冬日滑雪自由行 2015 - 準備篇

今年年尾又嚟一次跨年旅行;今次我哋嘅目的地係韓國。喺呢次旅程嘅頭幾日我哋會先去龍平玩幾日滑雪,同參加當地一個冬日節興活動。之後番去首爾作為基地,從首爾出發再去春川同安山玩嗰度一帶啲景點。

行程前嘅準備方面,首先係要預訂好來回仁川嘅機票,首爾同滑雪場嘅住宿,同埋來回滑雪場嘅交通安排。

Newer Entries » « Older Entries


Tweet