大阜島 (대부도) 交通篇 - 韓國冬日滑雪自由行

Blog in Progress
番到首爾之後第一日嘅行程,係去一處叫大阜島 (대부도) 嘅地方度觀光;大阜島係喺京畿道安山市嘅一個島嶼嚟。查實大阜島哩處地方唔係好多外地遊客會去,網上好少有關去哩度嘅資料,結果我出發前都搞咗好奈先搵得齊去哩度嘅交通方法;因此未開始講哩一日嘅行程之前,想先講吓點搭車去哩度。 由首爾去大阜島要先坐地鐵 4 號線去到安山站再轉巴士。今次我由明洞出發,咁啱明洞站都係喺地鐵嘅 4 號線,唔使轉車我就由明洞上車搭 29 個站,大約個零鐘車程,就到達安山站嘞。下面個地圖就記低咗哩個安山站嘅位置。由安山站可以坐一程 123 號巴士去到大阜島哩次我會去嘅兩個景點。


哩程巴士係一條循環巴士線嚟,安山站同我之後會講到嘅兩個景點 ~ 樓愛島同海邊香氣公園,都係喺哩條循環巴士線嘅中途站嚟;坐緊架巴士嗰陣要知幾時到站落車,我基本上係要靠睇住個 GPS 地圖,所以喺個地圖度你會見到我除咗記低咗我落車嗰個站嘅位置之外,我會記低埋要落車個站之前幾個站嘅位置,方便我差唔多到站嗰陣可以準備落車。例如下面個地圖見到,안산역 係安山站回程站,回程到達安山站之前部巴士會先經過 샛뿔、뱅골 同 화훼단지 幾個車站。



坐緊架巴士要知道邊個站落車,去之前我只知道睇 GPS 地圖哩個唯一嘅辦法。但去過哩次實地考察之後,我就知道除咗睇 GPS 地圖之外,查實仲有其他辦法認落車嘅巴士站。哩程巴士線嘅巴士入面都有個報站系統,雖然架巴士唔會站站停,到站冇乘客上落嘅話架巴士就會飛站,不過每到達一個巴士站之前,巴士入面都會有韓文廣播,同時巴士入面有隻咁嘅顯示屏,會顯示就快到達嗰個站、之前個站同埋之後個站嘅站名。



出發前我由 Daum Map 度將哩程 123 號巴士線嘅每個巴士站嘅站名同站編號抄咗出嚟,整咗一個好似下面咁嘅列表。

No. 站名站號 No. 站名站號
1. 푸르지오6차후문17006 69. 탄도18494
2. 해양중학교17347  近樓愛島~消失的海路
3. 푸르지오6.7차아파트17003 70. 화이트비취모텔18505
4. 호수공원17358 71. 불도18456
5. 25시브릿지광장18325 72. 청소년수련원18454
6. 25시글로벌광장18496 73. 경기도평생대학18452
7. 중앙역앞18362 74. 선감장로교회.아침농장18450
8. 중앙역건너편18355 75. 선감마을18448
9. 고잔주공2단지18347 76. 경기창작센터18446
10. 중앙주공5단지18337 77. 보은용사촌.펜션단지18443
11. 안산시청18327 78. 나루터18488
12. 풍림상가18313 79. 나루터18442
13. 안산문화예술의전당18273 80. 서래가든18532
14. 와스타디움.단원구청18223 81. 신당리18438
15. 초지역18176 82. NCC골프장18436
16. 연수원사거리.라성호텔18656 83. 성황당18434
17. 원일주택18635 84. 대동초등학교18531
18. 안산역18116 85. 대부교회18430
近安山站 86. 고유지18428
19. 주유소앞.이마트트레이더스18101 87. 갈마지18637
20. 뱅골18087 88. 대부동주민센터18426
21. 샛뿔18064 89. 대부초등학교18424
22. 능길초등학교18050 90. 대부중고등학교18422
23. 유천아파트25247 91. 북동낚시터입구18420
24. 시흥관광호텔25242 92. 와곡18418
25. 건영1차아파트25229 93. 종현동정보화마을18416
26. 대우아파트25213 94. 안산자동차학원18404
27. 금강아파트25199 95. 북동삼거리18405
28. 이마트25173 96. 구봉도입구18407
29. 중앙도서관25153 97. 대부영광교회18491
30. 주공5단지25137 98. 백사장회센터18409
31. 건영4단지25123 99. 대부관광호텔18503
32. 시화병원25086 100. 방아머리제1주차장18412
33. 계룡2단지25068  近海邊香氣公園
34. 동보아파트25064 101. 방아머리18413
35. 오이도입구25709  방아머리선착장
대부도입구 102. 시화호조력발전소18687
36. 시화호조력발전소18686  대부도입구
방아머리선착장 103. 대부도입구25741
37. 방아머리선착장18414 104. 동남아파트25067
38. 방아머리제1주차장18533 105. 대림아파트25069
近海邊香氣公園 106. 시화병원25084
39. 방아머리18411 107. 세종3차아파트25122
40. 백사장회센터18410 108. 계룡1차아파트25135
41. 대부영광교회18489 109. 중앙도서관25154
42. 구봉도입구18408 110. 이마트25174
43. 북동삼거리18406 111. 대우아파트25211
44. 안산자동차학원18403 112. 건영아파트25227
45. 종현동정보화마을18513 113. 시흥관광호텔25240
46. 와곡18417 114. 유천아파트25245
47. 북동낚시터입구18419 115. 내외전기조명18576
48. 대부중고등학교18421 116. 서안산IC주유소18051
49. 대부동주민센터18425 117. 샛뿔18065
50. 갈마지18636 118. 뱅골18084
51. 고유지18427 119. 화훼단지18103
52. 대부교회18429 120. 안산역18115
53. 대동초등학교18530  近安山站
54. 성황당18433 121. 초지역18175
55. NCC골프장18435 122. 단원구청18214
56. 신당리18437 123. 와스타디움18458
57. 서래가든18439 124. 안산문화예술의전당18272
58. 나루터18441 125. 자유센터18314
59. 나루터18492 126. 안산시청18326
60. 보은용사촌.펜션단지18444 127. 중앙주공1단지18336
61. 경기창작센터18445 128. 고잔주공1단지18346
62. 선감마을18447 129. 중앙역앞18362
63. 선감장로교회.아침농장18449 130. 중앙역18361
64. 경기도평생대학18451 131. 고잔푸르지오3차18535
65. 청소년수련원18453 132. 25시물의광장18495
66. 불도.정문규미술관18455 133. 25시숲의광장18324
67. 화이트비취모텔18506 134. 호수공원18574
68. 탄도18536 135. 푸르지오7차정문17001
近樓愛島~消失的海路 136. 푸르지오9단지17348
 137. 푸르지오6차후문17005

如果因為啲乜原因用唔到 GPS 地圖,都可以睇住哩個列表,留意報站系統,再對照番目的地嘅站名,就知道去到邊個站要落車嘞。



查實巴士上面有啲車窗會貼咗上面哩隻咁嘅車站表;不過一來如果哩啲車窗位置咁啱有人坐咗,我哋哩啲唔識韓文嘅人,要吓吓企喺人哋個乘客面前,睇住人個車窗同個顯示屏,逐隻逐隻韓文符號咁去對邊個站落車,我估到時個感覺會幾尷尬吓 ;二來我將喺安山巴士站見到嗰個站表同哩個車窗版嘅站表對一對,發覺原來貼喺車窗哩個係一個簡化版嘅站表嚟,車窗上面哩個表查實中間冇咗好多個車站;哩程巴士會時不時飛站,如果單靠對車窗哩個站表搵邊個站落車嘅話,我估會好容易對到亂晒到最後落唔切車;所以我覺得去之前將個完整版嘅車站表抄定落部手機度睇會方便同穩陣好多。



喺上面個地圖可以睇到由安山站到大阜島之間嘅哩程巴士線係點行。由首爾搭地鐵到達安山站,一出地鐵站就可以見到一個巴士站,喺巴士站入面可以搵到我哩日要坐嗰條 123 號巴士線嘅停車站。



不過哩個站查實係由大阜島開向安山站方向嘅停車站嚟 ,哩晚我由大阜島回程番到安山站嗰陣先會喺哩個站度落車。



由安山鐵路站開往大阜島方向嘅巴士站查實係喺對面馬路。一出安山鐵路站之後除咗會見到上面講嗰個巴士站之外,亦一眼就可以見到一條行人隧道;由安山站去大阜島嘅話,一出地鐵站應該先要穿過哩條行人隧道,行過去對面馬路個巴士站等巴士先啱



過咗行人隧道之後就可睇到上面哩個巴士站;喺巴士站入面搵到下面哩個 123 號巴士線嘅水牌,確認紅色箭咀指示嘅路線方向係由 안산역 站開去 탄도 站,就可以企定定等巴士埋站嘞



架 123 號巴士嘅外觀就係咁嘅樣嘞。哩程巴士嘅班次唔係太密,大約隔半個鐘先有一班車;由安山站開去大阜島終點站嘅車費係 W1,200。至於由大阜島開番去安山站方向,因為安山站並唔係終點站嚟,所以回程哩段嘅車費會貴少少,要 W1,700。



同香港啲巴士唔同,哩度啲巴士收費比較均真,冇散銀俾嘅話司機會用哩個找錢機找番錢過你



哩次旅程我冇買 T-Money 卡,不過根據我喺網上搵到嘅資料,首爾市同京畿道全區嘅巴士線應該都可以用 T-Money 俾錢搭車的說。

留言

  1. 好彩搵到你呢篇遊記,因為兩個星期後我要去大阜島,仲苦惱緊去唔去到,真係好多謝你嘅分享,thanks you so much!!=D~

    回覆刪除
  2. 寫遊記最開心就係知道篇文章真係可以幫到人 :D。
    大阜島係幾冷門嘅旅遊目的地嚟;查實我都有啲意外,寫完哩篇嘢冇幾奈,咁快就遇到都係想去哩度嘅同道人 :-h。
    如果師兄有機會再上嚟哩個 Blog 度參觀,好有興趣想八吓師兄你諗住去大阜島邊度玩 :P?

    回覆刪除
  3. 哈,我係女仔呢~
    之前去過2次韓國(首爾,濟州島釜山)都係跟團,係13年決定同個friend自己去玩下(首爾內外全州等),,我係喺韓巢網見到大阜島嗰幾個風車幾得意走去影下相,亦打算去埋正東津火車站,珍島唔識去,唔係就去埋,哈~

    回覆刪除
  4. 原來係師姐嚟 :-h。查實我都一樣係喺韓巢網見到啲風車相,俾佢挑起條筋,先四圍搵點搭車過去影相。如果去到嗰日天氣好嘅話,最好留到日落;嗰個位影日落真係冇得頂的說 :D。

    回覆刪除
  5. 師兄, 我諗住出年四五月去大阜島, 你嘅blog資料係我至今網上見到最詳細最有用嘅, 冇得頂, 一定要俾個讚你! =D~

    回覆刪除
  6. 多謝師兄支持 ;) ;查實知道寫嘅嘢幫到人,自己都會好開心架。我估大阜島海邊香氣公園到四月尾陣時應該已經種滿鬱金香,加埋啲七彩風車屋,到時啲景色應該會好靚;天氣暖返啲可以赤腳澗水,就啱潮漲時間又可以喺嗰條消失的海路玩亨功水上飄;真係諗起都想去多次 :x。

    回覆刪除

發佈留言