哩日係我哋成個冰島行程當中最 Chur 嘅一日,朝早六點幾鐘就要執好行李上車出發。哩日上晝我哋喺 Skaftafell 預約咗個冰川健行,不過喺行冰川之前想先去 Skaftafell 附近一個叫 Svartifoss 嘅地方睇一個玄武岩瀑布。我哋由 Sólheimahjáleiga 嘅民宿出發,沿住一號公路開咗兩個幾鐘嘅車程,大約朝早九點就到達 Skaftafell 嘞。Skaftafell 嘅遊客中心有個好大嘅停車場,如果嚟玩冰川健行嘅話就通常會喺哩個停車場度泊低架車,再去位於停車場四周嘅冰川團辦事處度報團。
冰島夏日環島自駕遊 2016 - Dyrhólaey ‧ Reynisdrangur ‧ Vik
食完飯繼續沿住一號公路進發,大約半個鐘車程就到達我哋哩日入住嘅民宿 Sólheimahjáleiga Guesthouse,下面個地圖就記錄咗由哩間民宿去到 Vik 哩段路之間,我哋到過嘅幾個地方嘅位置。我哋先喺民宿辦理入住手續同放低啲行李,之後再繼續向 Dyrhólaey 進發。
冰島夏日環島自駕遊 2016 - Strokkur Geyser
喺 Strokkur Geyser 景區附近有兩個停車場可以泊低架車再行入景區,其中一個停車場比較近附近一個遊客中心,而我哋就喺比較近景區嗰個停車場度泊低架車;下面個地圖記錄咗哩兩個停車場同 Strokkur Geyser 嘅位置。
冰島夏日環島自駕遊 2016 - Þingvellir (Thingvellir 辛格韋德利國家公園)
買完電話卡同入油卡,我哋沿住 36 號公路向住 Þingvellir 國家公園進發。喺途中經過一個地方見好多車泊咗喺度,見咁多人喺度停低心諗梗係哩度有好嘢睇喇,於是我哋又停喺度跟大隊睇睇哩度有乜正嘢嘞 。
冰島夏日環島自駕遊 2016 - Reykjavik 住宿 ‧ Aurora Apartments
未講哩日嘅行程之前,先講吓我哋喺 Reykjavik 落腳嘅哩間 Aurora Apartments 係點環境。哩間民宿嘅接待處同真正俾人住嘅房舍係分開座落喺唔同嘅街道,而兩邊大約相隔一條街左近嘅距離;哩個接待處亦係食早餐嘅地方嚟,屋租一晚盛惠 ISK 36,036;下面個地圖就記低咗哩間民宿嘅接待處同我哋住嗰間房舍嘅位置。
冰島夏日環島自駕遊 2016 - Sólfarið (Sun Voyager) ‧ Harpa Concert Hall ‧ Hallgrímskirkja
哩日自從落機以後,一直都係天陰陰,不過到我哋喺民宿食完晚飯嗰陣,個太陽就忽然間出返嚟。見又有陽光,加上到夜晚九點幾哩啲時段雷市市中心已經冇晒泊車限制,於是大伙兒一於喺臨瞓前揸車出去兜陣風。
冰島夏日環島自駕遊 2016 - 抵達 Reykjavík.雷克雅維克
我哋坐嘅哩班機係零辰 00:25 嘅夜機嚟,班機準時出發。我哋由香港去赫爾辛基機程大約 14 個鐘,上機冇耐就開始派飯,食完飯冇耐就熄燈瞓覺。哩班芬航班機剛剛轉咗用 A350 客機,機倉個內籠都好新淨吓。
搭客運公車台中自由行 2015 - 草悟道
哩日係今次行程嘅最後一日,晏啲就要去台中機場搭飛機返香港;所以哩日都唔去得太遠,諗住都係喺台中市 hea 一陣磨到夠鐘出機場。食完早餐慢慢執好啲行李,喺飯店櫃位辦好退房手續同擺低件行李,跟住就出發去行街嘞。
搭客運公車台中自由行 2015 - 台中干城站.埔里站.清境の公車攻略 & 合歡山.楓之谷
喺香港發短訊我估九成人都係用 whatsapp,但係發覺台灣哩方面原來同香港幾唔同,嗰邊似乎大部份人都係用 line 發電話短訊;哩幾日搭巴士嗰陣望見當地人啲手機都係開住個 line 嘅畫面;而我亦係要用 line 同預約帶我上合歡山嗰個邱教官團隊嘅人聯絡。
查實喺香港同教官嗰邊預約嗰陣,佢哋已經講咗我知上山當日係晏晝一點喺清境集合上車,而當時我亦已經知會咗佢哋我喺清境將會入住邊間民宿。到去完溪頭返嚟嗰晚,我經 line 再同教官嗰邊聯絡,主要係通知佢哋我喺台中嘅電話號碼,同單聲過佢哋知我大約十二點零鐘會去到清境。
搭客運公車台中自由行 2015 - 溪頭妖怪村
哩日第一個目的地係溪頭嘅妖怪村。喺台中有一程 6883 號公車由干城站出發開往溪頭。哩條公車線喺台中哩邊嘅首班車喺朝早六點幾就開出,尾班車開到晏晝兩至三點。溪頭嗰邊首班車喺朝早八點半開去台中,尾班車就大約到晏晝五點零鐘。
搭客運公車台中自由行 2015 - 大坑情人橋
搭客運公車台中自由行 2015 - 新社花海
哩個朝早喺酒店食完個靚早餐,八點零鐘就出門;第一個目的地係新社花海。新社花海係台中一年一度嘅大型農業博覽活動;哩個活動每年都係喺十一月頭至十二月頭哩段日子舉辦;2015 年嘅舉辦時間就由 11 月 7 日去到 12 月 6 日。