今次程飛機上落基本上都算準時，上機幾個鐘之後就開始派晚飯，落機前幾個鐘派多次早餐，全程機大約 13 個鐘，差唔多同日晏晝三點鐘我哋就到達洛杉磯國際機場；嗰邊機場入境都真係幾繁忙吓，條人龍又長啲海關員工又緊張，過關成個過程感覺自己好似隻鴨仔係咁俾啲職員趕嚟趕去。
洛杉磯 Tom Bradley International Airport 嘅入境大堂就喺地下嗰層，我哋出咗海關之後重要等埋兩個零鐘後坐另一班機到步嘅團友，所以大把時間喺個機場度慢慢 Hea。
呢個機場入境大堂啲陳設都幾舊吓又冇乜鋪頭好行，成個機場嘅格局有啲啲似舊陣時啟德機場嗰種感覺。
到大約晏晝六點鐘我哋就等齊人可以出發去攞車嘞，喺洛杉磯國際機場有十間租車公司提供免費穿梭巴士接載佢哋啲客仔往返機場大樓同佢哋公司設置喺機場附近嘅租車場，呢十間公司分别係 Advantage、Alamo、Avis、Budget、Dollar、Enterprise、Hertz、Fox/Payless、National 同 Thrifty。我哋一行出入境大堂就已經見到 Rental Car Shuttles 嘅巴士站標誌，睇落各大租車公司啲穿梭巴士嘅班次都幾密，我哋一路等車一路都有其他公司嘅巴士埋站，我哋等咗五分鐘左右就上到 Hertz 嘅巴士嘞。
巴士嘅車程都要十零分鐘，到晏晝六點半我哋先到達 Hertz 嘅服務大樓；嗰陣見成個接待處都冇乜人，原本諗住可以兩嘢就搞掂啲手續跟手出車走人嘅，可惜幫我哋搞出車手續嗰位銷售職員同我哋玩嘢，嘥咗我哋唔少時間
。
事情是咁的 ~ 話説我哋原本出發前上 Hertz 嘅網站度預訂咗佢哋一部 Toyota 4Runner - 5 Passenger Standard SUV (Group L) 嘅車，網站寫明呢個 Group L 啲車嘅容量係 5 座位，可以容納 3 件大行李同兩件細行李嘅。
不過當我哋喺櫃位度出車嗰陣，櫃位嗰個銷售職員就俾咗張圖我哋睇，張圖列咗幾部佢話係 Group L 嘅車款，話我哋訂嗰個 Group L 啲車只係有兩件行李容量嘅車款可以揀，然後就叫我哋加多港幣千幾銀去升級其他容量比較大嘅車款
。
查實出發前揾資料嗰陣，我都睇過唔少有關美國啲租車公司屈客加單嘅投訴個案；我見多數呢類嘅投訴都係屈吓啲客去買啲冇必要買嘅保險項目，好似呢次咁直頭俾部規格完全唔同嘅車俾個客，我喺網上都未見過。
見個櫃位職員咁玩法最初當然係條氣唔順同佢理論吓啦，嗰陣我哋有電話上到網，我上返 Hertz 個網站撳返我哋租嗰個 Group L 車組嘅規格俾佢睇，同佢講冇理由出大車俾細車再要求個客俾錢加返大部車喎，不過傾完一輪嗰位職員最初只係肯同我哋出停車場睇吓佢肯放俾我哋嗰部細車放唔放得落我哋啲行李。
去到停車場睇車，基本上望一眼已經可以確定嗰部車係放唔晒我哋四個人加四隻篋嘅，去到呢度查實我已經打算放棄唔再同個職員詏落去；一來由嗰個位置去其他租車公司有一定距離，我哋拖住隻篋去揾另一間租車公司有一定難度，加上嗰陣都已經黃昏六點幾，如果咁晏先去其他租車公司揾車，萬一中間有乜阻滯拖到天黑我哋都未揾到車嘅話會幾麻煩，此終洛杉磯嘅治安唔係太好；所以當時我都係諗住返去櫃位同佢 Chur 多兩句，都唔得嘅話就加錢出部夠大嘅車算數。
不過好彩喺呢個爭詏嘅過程中嗰位職員比我哋早咗少少投降
，行返去櫃位途中嗰位職員忽然指住一部 Hyundai Santa FE Sport 話可以俾我哋試試夠唔夠大。我哋放晒四隻篋入車尾箱試過部車夠大冇問題，跟手就同嗰位職員返櫃位辦手續俾錢出車嘞。
出車嗰陣嗰位職員依然未放棄 Chur 我哋加單，首先佢介紹我哋買一隻叫 Prepay the Fuel 嘅 option，佢話買呢個 option 著數嘅地方係可以用比較平嘅油價同佢哋先買定一缸油，咁就唔使打返爆個油缸先至交車，又著數又方便咁話喎。
呢個 Option 嘅標價係每加侖氣油收 US$ 3.04，一來當時我對美國西岸嗰邊嘅油價水平完全冇印象，你標嗰個油價平過市面幾多我根本無從比較，加上之前你同我玩到咁大，你叫我點信你推啲 options 會真係抵買
。
睇返後來嘅十一日行程，當時以我所見好多大啲嘅城鎮一般 Regular 嘅油價都係每加侖 US$ 2.5 左右，貴過 US$ 3 嘅通常都係啲郊外公路中嘅油站，所以 Hertz 呢個 Option 所標出嚟嘅油價喺西岸嘅好多地方嚟計查實都唔算平。我哋今次係喺三藩市度交車嘅，我哋喺三藩市近漁人碼頭嘅一個油站入過一次油，嗰次入油每加侖嘅價錢係三個幾，的確係貴過呢個 Prepay the Fuel Option 個價少少嘅，不過因為個油價差額唔大，我哋交車嗰陣如果唔係用到缸油好盡嘅話查實呢個 Option 都係唔值得買。
同嗰位職員講咗唔要呢個 Option，佢再印張新單出嚟嗰陣又鬼鬼鼠鼠唔聲唔聲加多個 Emergency Sickness Protection Option 落張單度，真係俾佢吹到啤一聲
。
結果由揀車講數起計，前前後後都出咗七八張單先真係出到張啱嘅單俾我哋科水出車。
後來返到香港我再上 Hertz 嘅網站睇返，我哋出到嗰部 Hyundai Santa FE Sport 就係家陣佢哋網站 Group L 嘅樣板車款嚟；咁啫係話查實我哋當日攞到呢部車應該唔係咩特殊嘅安排，根本嗰位職員一開始就可以跟訂單出呢部車俾我哋，呢部車亦係佢哋 Group L 嘅大路車款嚟；明顯地佢一開始就已經打算玩嘢屈客，後來見我哋都唔係矇吓矇吓嗰隻，亦清楚自己預訂車款嘅規格，最後我哋同佢詏完一輪佢都驚監粗屈落去之後俾人投訴要跟手尾，見勢色唔對就放手俾返部啱規格嘅車俾我哋。
雖然今次 Hertz 呢位職員屈客嘅手法有啲過份，不過都持平返少少講返句，唔計差啲俾佢屈到加單嘅呢件事，出到部車之後基本上 Hertz 嘅服務都冇乜大問題嘅。我哋出嗰部車大約行咗二萬英里唔算係太舊，部車揸咗十日一路都性能良好；我朋友喺三藩市交車嗰陣唔少心漏咗個銀包喺部車度，嗰邊啲職員執返個銀包之後都主動揾返我朋友俾返個銀包過佢，以呢啲表現嚟睇我覺得都可以加返佢哋少少分嘅
。
講完今次出車嘅一啲經驗，跟住講返個行程嘞，上面個地圖就記錄咗呢晚我哋去過啲地方嘅位置。出車之後我哋首先返民宿放低啲行李，原本我諗住有機會日落之前返到民宿，之後再去附近嘅 Hermosa Beach 睇個靚嘅日落再喺嗰頭食埋晚飯嘅，可惜一來我哋離開機場嘅時間比預期晏咗，加上出車嗰吓同 Hertz 嗰位職員玩角力賽浪費咗唔少時間，結果我哋返到民宿嗰陣已經天都黑齊
。
睇唔成日落，同行朋友建議去 L.A. 嘅 Korean Town 附近一條叫 S Vermont Ave 嘅韓國街度食韓燒。我哋揸車去到嗰頭已經夜晚十點，查實嗰陣都有少少擔心太夜去到啲鋪頭打晒烊會摸門釘。好彩去到原來條街都重好熱鬧泊滿晒車，我哋重要等一陣先有位俾我哋開餐。
呢間韓燒舖號叫 Park's Barbeque，鋪頭雖然好旺場坐滿晒人，不過樓面啲店小二亦好勤快，我哋坐低點好餸之後啲店小二兩三吓手勢就已經幫我哋起好爐上埋菜
。
食韓燒嚟講，牛肉就當然唔少得喇；佢哋啲牛肉嘅質素同份量都相當不俗。之後嘅行程入面我哋喺超市度都見過啲差唔多厚不過大塊少少嘅牛肉都係賣 HK$ 70 咁上下，美國嘅牛肉原來都幾抵食。
呢個燒魚鍋嘅賣相都相當唔錯，不過啲味就鹹咗少少；有同行朋友唔食牛，於是再整多客燒豚肉。
我哋食完晚飯揸車返民宿嗰陣又發生咗一段少插曲，事情是咁的 ~ 話說嗰晚我哋喺一條粗心大意嘅公路度行行吓一個唔覺意就駛咗入一條 Metro Express Lane 嘅行車線度；先簡單講吓 Metro Express Lanes 喺乜東東嚟，Metro Express Lanes 係喺 I-110 同 I-10 兩條公路上設立嘅收費行車線，如果車上坐少過三個乘客嘅話駛入 Metro Express Lanes 就要收費。駛入 Metro Express Lanes 之前車上要先安裝一個有效嘅 FasTrak transponder，如果好似我哋咁入咗 lane 但車上又冇 FasTrak transponder 嘅話就要準備收罰單嘞。
查實嗰陣我哋都唔知喺邊個位置開始揸咗入條 Express Lane 入面，總之行行吓忽然間就發現自己已經喺條 Lane 度行梗，嗰條又係雙白線行車線想揸返出去又唔得，結果就只可以一路喺條行車線入面行到有出口為止
。
後來我哋返咗香港兩個月之後先至收到一張由 Metro Express Lanes 寄嚟嘅罰單，呢張罰單就搲咗我哋 US 55 罰款，另外 Hertz 又喺我哋租車碌嗰張信用卡度自動碌走咗 US 30 嘅 Admin Fee ~ 對於好似我哋呢啲去 L.A. 玩自駕又唔多熟路嘅遊客嚟講，Metro Express Lanes 呢種收買路錢嘅玩法實在係玩得相當之咁屈機。
洛杉磯 Tom Bradley International Airport 嘅入境大堂就喺地下嗰層，我哋出咗海關之後重要等埋兩個零鐘後坐另一班機到步嘅團友，所以大把時間喺個機場度慢慢 Hea。
呢個機場入境大堂啲陳設都幾舊吓又冇乜鋪頭好行，成個機場嘅格局有啲啲似舊陣時啟德機場嗰種感覺。
到大約晏晝六點鐘我哋就等齊人可以出發去攞車嘞，喺洛杉磯國際機場有十間租車公司提供免費穿梭巴士接載佢哋啲客仔往返機場大樓同佢哋公司設置喺機場附近嘅租車場，呢十間公司分别係 Advantage、Alamo、Avis、Budget、Dollar、Enterprise、Hertz、Fox/Payless、National 同 Thrifty。我哋一行出入境大堂就已經見到 Rental Car Shuttles 嘅巴士站標誌，睇落各大租車公司啲穿梭巴士嘅班次都幾密，我哋一路等車一路都有其他公司嘅巴士埋站，我哋等咗五分鐘左右就上到 Hertz 嘅巴士嘞。
巴士嘅車程都要十零分鐘，到晏晝六點半我哋先到達 Hertz 嘅服務大樓；嗰陣見成個接待處都冇乜人，原本諗住可以兩嘢就搞掂啲手續跟手出車走人嘅，可惜幫我哋搞出車手續嗰位銷售職員同我哋玩嘢，嘥咗我哋唔少時間
。事情是咁的 ~ 話説我哋原本出發前上 Hertz 嘅網站度預訂咗佢哋一部 Toyota 4Runner - 5 Passenger Standard SUV (Group L) 嘅車，網站寫明呢個 Group L 啲車嘅容量係 5 座位，可以容納 3 件大行李同兩件細行李嘅。
不過當我哋喺櫃位度出車嗰陣，櫃位嗰個銷售職員就俾咗張圖我哋睇，張圖列咗幾部佢話係 Group L 嘅車款，話我哋訂嗰個 Group L 啲車只係有兩件行李容量嘅車款可以揀，然後就叫我哋加多港幣千幾銀去升級其他容量比較大嘅車款
。查實出發前揾資料嗰陣，我都睇過唔少有關美國啲租車公司屈客加單嘅投訴個案；我見多數呢類嘅投訴都係屈吓啲客去買啲冇必要買嘅保險項目，好似呢次咁直頭俾部規格完全唔同嘅車俾個客，我喺網上都未見過。
見個櫃位職員咁玩法最初當然係條氣唔順同佢理論吓啦，嗰陣我哋有電話上到網，我上返 Hertz 個網站撳返我哋租嗰個 Group L 車組嘅規格俾佢睇，同佢講冇理由出大車俾細車再要求個客俾錢加返大部車喎，不過傾完一輪嗰位職員最初只係肯同我哋出停車場睇吓佢肯放俾我哋嗰部細車放唔放得落我哋啲行李。
去到停車場睇車，基本上望一眼已經可以確定嗰部車係放唔晒我哋四個人加四隻篋嘅，去到呢度查實我已經打算放棄唔再同個職員詏落去；一來由嗰個位置去其他租車公司有一定距離，我哋拖住隻篋去揾另一間租車公司有一定難度，加上嗰陣都已經黃昏六點幾，如果咁晏先去其他租車公司揾車，萬一中間有乜阻滯拖到天黑我哋都未揾到車嘅話會幾麻煩，此終洛杉磯嘅治安唔係太好；所以當時我都係諗住返去櫃位同佢 Chur 多兩句，都唔得嘅話就加錢出部夠大嘅車算數。
不過好彩喺呢個爭詏嘅過程中嗰位職員比我哋早咗少少投降
，行返去櫃位途中嗰位職員忽然指住一部 Hyundai Santa FE Sport 話可以俾我哋試試夠唔夠大。我哋放晒四隻篋入車尾箱試過部車夠大冇問題，跟手就同嗰位職員返櫃位辦手續俾錢出車嘞。出車嗰陣嗰位職員依然未放棄 Chur 我哋加單，首先佢介紹我哋買一隻叫 Prepay the Fuel 嘅 option，佢話買呢個 option 著數嘅地方係可以用比較平嘅油價同佢哋先買定一缸油，咁就唔使打返爆個油缸先至交車，又著數又方便咁話喎。
呢個 Option 嘅標價係每加侖氣油收 US$ 3.04，一來當時我對美國西岸嗰邊嘅油價水平完全冇印象，你標嗰個油價平過市面幾多我根本無從比較，加上之前你同我玩到咁大，你叫我點信你推啲 options 會真係抵買
。睇返後來嘅十一日行程，當時以我所見好多大啲嘅城鎮一般 Regular 嘅油價都係每加侖 US$ 2.5 左右，貴過 US$ 3 嘅通常都係啲郊外公路中嘅油站，所以 Hertz 呢個 Option 所標出嚟嘅油價喺西岸嘅好多地方嚟計查實都唔算平。我哋今次係喺三藩市度交車嘅，我哋喺三藩市近漁人碼頭嘅一個油站入過一次油，嗰次入油每加侖嘅價錢係三個幾，的確係貴過呢個 Prepay the Fuel Option 個價少少嘅，不過因為個油價差額唔大，我哋交車嗰陣如果唔係用到缸油好盡嘅話查實呢個 Option 都係唔值得買。
同嗰位職員講咗唔要呢個 Option，佢再印張新單出嚟嗰陣又鬼鬼鼠鼠唔聲唔聲加多個 Emergency Sickness Protection Option 落張單度，真係俾佢吹到啤一聲
。結果由揀車講數起計，前前後後都出咗七八張單先真係出到張啱嘅單俾我哋科水出車。
後來返到香港我再上 Hertz 嘅網站睇返，我哋出到嗰部 Hyundai Santa FE Sport 就係家陣佢哋網站 Group L 嘅樣板車款嚟；咁啫係話查實我哋當日攞到呢部車應該唔係咩特殊嘅安排，根本嗰位職員一開始就可以跟訂單出呢部車俾我哋，呢部車亦係佢哋 Group L 嘅大路車款嚟；明顯地佢一開始就已經打算玩嘢屈客，後來見我哋都唔係矇吓矇吓嗰隻，亦清楚自己預訂車款嘅規格，最後我哋同佢詏完一輪佢都驚監粗屈落去之後俾人投訴要跟手尾，見勢色唔對就放手俾返部啱規格嘅車俾我哋。
雖然今次 Hertz 呢位職員屈客嘅手法有啲過份，不過都持平返少少講返句，唔計差啲俾佢屈到加單嘅呢件事，出到部車之後基本上 Hertz 嘅服務都冇乜大問題嘅。我哋出嗰部車大約行咗二萬英里唔算係太舊，部車揸咗十日一路都性能良好；我朋友喺三藩市交車嗰陣唔少心漏咗個銀包喺部車度，嗰邊啲職員執返個銀包之後都主動揾返我朋友俾返個銀包過佢，以呢啲表現嚟睇我覺得都可以加返佢哋少少分嘅
。講完今次出車嘅一啲經驗，跟住講返個行程嘞，上面個地圖就記錄咗呢晚我哋去過啲地方嘅位置。出車之後我哋首先返民宿放低啲行李，原本我諗住有機會日落之前返到民宿，之後再去附近嘅 Hermosa Beach 睇個靚嘅日落再喺嗰頭食埋晚飯嘅，可惜一來我哋離開機場嘅時間比預期晏咗，加上出車嗰吓同 Hertz 嗰位職員玩角力賽浪費咗唔少時間，結果我哋返到民宿嗰陣已經天都黑齊
。睇唔成日落，同行朋友建議去 L.A. 嘅 Korean Town 附近一條叫 S Vermont Ave 嘅韓國街度食韓燒。我哋揸車去到嗰頭已經夜晚十點，查實嗰陣都有少少擔心太夜去到啲鋪頭打晒烊會摸門釘。好彩去到原來條街都重好熱鬧泊滿晒車，我哋重要等一陣先有位俾我哋開餐。
呢間韓燒舖號叫 Park's Barbeque，鋪頭雖然好旺場坐滿晒人，不過樓面啲店小二亦好勤快，我哋坐低點好餸之後啲店小二兩三吓手勢就已經幫我哋起好爐上埋菜
。食韓燒嚟講，牛肉就當然唔少得喇；佢哋啲牛肉嘅質素同份量都相當不俗。之後嘅行程入面我哋喺超市度都見過啲差唔多厚不過大塊少少嘅牛肉都係賣 HK$ 70 咁上下，美國嘅牛肉原來都幾抵食。
呢個燒魚鍋嘅賣相都相當唔錯，不過啲味就鹹咗少少；有同行朋友唔食牛，於是再整多客燒豚肉。
我哋食完晚飯揸車返民宿嗰陣又發生咗一段少插曲，事情是咁的 ~ 話說嗰晚我哋喺一條粗心大意嘅公路度行行吓一個唔覺意就駛咗入一條 Metro Express Lane 嘅行車線度；先簡單講吓 Metro Express Lanes 喺乜東東嚟，Metro Express Lanes 係喺 I-110 同 I-10 兩條公路上設立嘅收費行車線，如果車上坐少過三個乘客嘅話駛入 Metro Express Lanes 就要收費。駛入 Metro Express Lanes 之前車上要先安裝一個有效嘅 FasTrak transponder，如果好似我哋咁入咗 lane 但車上又冇 FasTrak transponder 嘅話就要準備收罰單嘞。
查實嗰陣我哋都唔知喺邊個位置開始揸咗入條 Express Lane 入面，總之行行吓忽然間就發現自己已經喺條 Lane 度行梗，嗰條又係雙白線行車線想揸返出去又唔得，結果就只可以一路喺條行車線入面行到有出口為止
。後來我哋返咗香港兩個月之後先至收到一張由 Metro Express Lanes 寄嚟嘅罰單，呢張罰單就搲咗我哋 US 55 罰款，另外 Hertz 又喺我哋租車碌嗰張信用卡度自動碌走咗 US 30 嘅 Admin Fee ~ 對於好似我哋呢啲去 L.A. 玩自駕又唔多熟路嘅遊客嚟講，Metro Express Lanes 呢種收買路錢嘅玩法實在係玩得相當之咁屈機
。
留言
發佈留言