Yosemite Park 住宿 ‧ Scenic Wonders Loft Condominiums - 自駕巡遊美國西岸國家公園

今次喺 Yosemite 入住嘅呢間民宿，係我哋成個美國之行當中唯一間位於國家公園園區內嘅民宿嚟。



我哋經 Yosemite South Entrance Station 入咗園區之後再揸多十幾英里嘅車程，就到達呢間民宿所在嘅位置嘞。



呢間民宿舖號叫 Yosemite Large Loft Condominium，經 Booking.com 預訂，租金每晚盛惠 HKD 2,064 大元。



民宿有個閣樓放咗兩張大床，閣樓嗰層設有一個浴廁。



大廳有個開放式廚房，廳則邊亦設有另一個浴廁，大廳有張可以瞓到一個人嘅梳化。



大廳出面有個露台，露台放咗個石油氣烤箱。

呢間民宿算係我哋呢敞行程當中打理得比較乾淨嘅其中一間民宿嚟，民宿嘅床鋪同毛巾都幾乾淨，廚房入面嘅砂煲罌罉杯碟餐具摸落都冇乜油膩嘅感覺，用水沖一沖基本上都可以放心使用，呢個廚房算係今次美國之行用過咁多個廚房當中，少數清潔度可以叫做合格嘅一個嚟。