Booking.com

其實我自己比較想坐火車去,如果坐火車去張家界,可以響廣州上 19:24 班火車次日早上 09:30 到達張家界。因為行程計劃行完張家界後會去鳳凰古城玩兩日,坐火車的話可以響鳳凰古城坐約一粒鐘車去吉首,18:58 上火車 次日 10:40 番到廣州。

可惜同行友人唔想目訓火車,結果都係決定坐飛機去。

香港坐飛機去張家界有兩個選擇,其一 : 港龍每日有一班機來回香港到長沙,不過由長沙要坐 8 個鐘車至到張家界,程車太甘所以唔考慮。

順便釘張長沙、張家界、吉首位置圖參考 o下。



我今次結果坐南方航空深圳至張家界班機,南航每日有班機由深圳 19:10 起飛 到張家界,機程大約個零鐘,我比較想坐火車其中一個原因係唔多鍾意要咁夜響個陌生地方搵車搵酒店。

搵 o左一輪訂機票的途徑有幾個 :

一係中旅社有得代訂南航機票,不過個 markup 比較貴。

如果想方便又平的話我估一間叫深圳忠誠機票服務中心可以考慮,網址 http://www.szzcjp.com/

方便係因為可以經匯豐過數比佢地,同佢地應該響香港有 office。出電子機票。不過因為身邊冇親朋真係幫襯過呢間公司,唔多肯定呢間公司係唔係真係咁忠誠,所以都係決定直接去南航個網站訂 - http://www.csair.com/cn/index.asp

只要響佢地個網站登記個新 account,再響個網上系統開張新 order。不過提一提,我 本來諗 11 月尾訂 12 月尾機票,經濟又唔好,又唔係旺季機位應該唔緊張,結果原來 o的機位都 Full 得好快,我本來想 25 Dec 去 30 Dec 番,到上去開 order 時至見 24, 30, 31 Dec 都冇機,結果今次只可 25 Dec 出發,29 Dec 番,同訂唔到 o的超平快樂飛機票。都係太老定之過。

直接出南航機票比較麻煩係找數,我選擇經找換店過數去南航國內個銀行戶口找數。方法係當你響個網站入 o左張 order,之後跟個 instruction 打電話去 8620-282-88888,講比服務員知你個 order number,同你想直接過數。

網站有指示你可以過數去邊個 bank account,我響牛頭角道搵 o左間叫許氏兄弟的找換店,可以兩小時過數去廣州工商銀行。

過完數再打電話過去南航通知佢你已過數,個服務員會叫你半個鐘後再 call 佢,同問你個 email address,佢 check 實你已成功過數後會 send 番個 mail 比你通知你每個機位的票號,上機前兩小時到機場辦登機手續便 okay。