陀江霧景係鳳凰其中一個出名的景色，不過要碰 o岩天氣至欣賞得到。雖然明知機會唔大，但今日都 6 點晨早起身去虹橋碰碰運氣。

下午去鳳凰程車相當不順利。首先原本打算坐下午 2:30 班大巴直去鳳凰。點知去到車站至發覺班大巴已經客滿。呢個故事教訓我地下次坐呢程大巴，最好早上一早先去汽車站買定車票；如果出發之前一日已經在武陵源，甚至可以去車站問問可否早一日預訂車票。冇大巴坐唯有坐中巴先回張家界市，在張家界市轉乘中巴去吉首。提提一樣需要注意的事：由張家界市去吉首呢程中巴每數十分鐘有一班，在室內票站買票後記得要出去出面露天車站找站務員在車票上寫上下一班車個車牌號碼，車開前跟車牌號碼上車 (等同排隊，不過唔洗企定定咁排)。

今日武陵源的行程第一站 - 寶峰湖。早上酒店 check-out 完響櫃位寄放行理，食完早餐便打的出發往寶峰湖，車程十零分鐘。又順便釘個寶峰湖的遊程圖參考 o下。

在武陵源入口跟導遊道別，再行行週邊的小販攤檔，跟著便乘的士去之前預約好的酒店 check-in。呢間酒店無論床舖、洗手間、毛巾、房間內各種用具都光鮮整潔，酒店屬四星級，值得推介。又順便釘個武陵源一帶的地圖。

今日原本我是想從大觀台行去十里畫廊，經臥龍嶺行上天子閣、賀龍公園再乘索道下山，但導遊覺得這向上行的路線太辛苦我們未必頂得順 (應該係跟據我們昨日的表現 ~)，最後決定改以相反方向下行的路線。 計劃從點將台、御筆峰 開始，經賀龍公園、天子閣、天台、臥龍嶺到達十里畫廊，亦因為這個路線改動我們沒機會試坐天子山索道。

食完飯再繼續在袁家界的行程。香港的旅行團多會選行天子閣一帶的路線，參加旅行團的話便比較少機會行袁家界這邊的路線。袁家界的遊人比較梳落，只有在主要觀景台才會見到人群，但在天子閣天台一帶無論在那一條山路都會看見人頭擁擁。

正式行程開始。早餐響酒店食，食完就等之前約好的導遊來接我地。導遊先帶我們行去汽車站上車，汽車站位置可參考之前 張家界自由行 - Book 酒店 1 內資料。個零鐘車程便到達森林公園入口。我地去哥幾日剛好園區免費入場 (過往每年 12 月尾淡季園區入場都會免費)，每人慳番兩舊幾水，只需去票站每人買幾粒 o腎 保險便可入場。

出發呢日基本上冇行程，只係去張家界市酒店落腳。出發第一站要去深圳寶安機場上機，香港去深圳機場有幾個方法，我家住九鐵沿線所以我選擇去羅湖轉巴士 :

如果有用開 Windows Mobile 電話，可以試試 Terracrosser 呢個免費 Google Map 離線地圖。

響森林公園住一晚之後我地計劃會響武陵源住一晚，鳳凰住一晚。我發覺湖南 o的 酒店基本上都唔多會睇公司電郵，我跟酒店網站指示發電郵 填 online form 係完全冇回音的，兩間酒店都要先 send fax 通知我要 book 幾時至幾時乜房同叫酒店覆我電郵 double confirm 佢地收到我個 booking ，之後酒店 o的 人會經 sina 、 163.com 呢 o的 個人郵箱覆我個 booking。

跟住我地會響森林公園入面目訓一晚。張家界主要係行國家森林公園，入場費 $ 248 兩日內任出入，大部份團會響武陵源區落腳，因為近其中一個入口，兩日內入去行山，天黑前出番來酒店，好處係酒店比較舒服，園區外食亦會好 D。張家界森林公園有 5個門票站，武陵源、水繞四門、森林公園、楊家界同天子山。入去要 RMB 248 入場費玩兩日，只要入去後唔出呢 5 個票站，你要響園區內玩幾多日都可以。

今次行程計劃，第一日到達張家界機場都成夜晚 8 點幾 9 點，所以要入張家界市住一晚第朝出發上山。張家界荷花機場離張家界應該數十分鐘車程，機場有一程 4 路公車出張家界市，網上搵到張家界市各路公車路線如下 :

其實我自己比較想坐火車去，如果坐火車去張家界，可以響廣州上 19:24 班火車次日早上 09:30 到達張家界。因為行程計劃行完張家界後會去鳳凰古城玩兩日，坐火車的話可以響鳳凰古城坐約一粒鐘車去吉首，18:58 上火車 次日 10:40 番到廣州。