Booking.com

離開 Sandfly Bay, 開車繼續向 Pilot Beach 進發。奧搭哥半島呢道有好多曲折多彎嘅道路,好多沿住海灣同山邊嘅路段仲要係冇欄杆圍住;我估如果夜晚天黑黑陣時渣車行呢啲路段應該都會幾有壓力吓;我哋今次行程就冇諗住係呢道留得太夜,但如果真係諗住入夜係呢道捕藍企鵝嘅話,我估就要考慮吓夜晚渣車行呢啲路段有冇問題嘞。



下面個地圖就記低咗呢個 Pilot Beach 嘅位置。


在較大的地圖上查看紐西蘭南島自駕遊 2014 - Dunedin

Pilot Beach 呢道係但尼丁其中一個睇藍企鵝嘅熱點嚟;我出發前刨人哋啲 Blog 時都見有人係呢道近距離咁見到啲黃眼企鵝。可能我哋嚟到嘅時間尚早,今次就見唔到任何企鵝嘅蹤影。



雖然今次嚟到睇唔到企鵝,不過呢道都可以近距離咁接觸到啲海獅。 Pilot Beach 呢道有個幾大嘅停車場,我哋泊低架車之後就行落去海邊一個石灘道。



一落到去就即時見到隻毛皮海獅係路邊瞓到隻豬咁樣 。好彩我朋友提一提我唔係真係有可能一個唔覺意一腳踩落佢道。



去到石灘個位就有兩隻活躍少少嘅可以同佢哋影吓相。


當有人影你左邊面


右邊面也轉過來由他影


順便影埋個正面


不防反轉埋個肚髧俾你影埋


等等,pat pat 痕,R~r~先


得,可以繼續影


擺咁多甫士,好攰

查實同隻海獅玩咗陣,覺得佢哋不單止唔驚人,什至係好有好奇心好想同人類玩咁款



呢個就係響 Pilot Beach 個石灘道同啲海獅玩陣時個真正情況。



紐西蘭真係有好多海鷗,近海邊嘅哋方,就必然會見到一大群完全唔驚人嘅海鷗係道打蠆。



係 Pilot Beach 隔離就係皇家信天翁中心 (Royal Albatross Centre),嗰道係世界上唯一一個陸地皇家信天翁嘅聚居地,聚集咗大量嘅信天翁係道孵化雛鳥。呢個中心有個睇信天翁嘅 tour,我哋去陣時呢個 tour 嘅入場費盛惠紐幣 39 大元。



之前都有提過,我哋去到但尼丁呢日係當地一月一日公眾假期;呢一日當地絕大部份嘅舖頭都會關門大吉放假一天;驚住玩得太夜番到市區冇地方食飯,所以我哋呢日係奧搭哥半島都冇諗住玩得太晏;我哋係 Pilot Beach 逗留到晏晝 6 點零鐘見時間差唔多,就出車番旅舍煮飯。



都算黑仔我哋呢餐算係嚟到紐西蘭第一餐認真少少煮嘅晚飯,就碰著全程最唔掂嘅一個厨房。



三文魚、青口同生蠔都係紐西蘭盛產嘅海鮮;之前一日食過三文魚,咁呢餐就試吓用紐西蘭嘅青口做主菜



之前兩晚都踩到夜一夜,多得個公眾假期我哋呢日想唔早少少休息都唔得。不過查實就算冇呢個公眾假期,我哋原定計劃之後嗰兩個朝早啲時間都會比較緊迫,所以點都係要早啲瞓覺差足電,準備明日一早嘅行程。