達爾湖嘅水上菜市場茶實係當地一個蔬菜批發市場，每日朝早大約5點鐘，當地菜販以小艇載著一批批蔬菜到湖中特定位置聚集及交易，直到大約朝早7點鐘完結。

食完飯，下午嘅節目又係 shopping。個團嘅 Shikara 三點零鐘就嚟到船屋門口，接我地去當地 Agent 嘅指定商店購物。我後來聽一位團友講，程船途中該位團友想去其他商店參觀但船伕話佢知佢係唔可以放團友去其他嘅商店。我地去嗰間商店主要售賣手飾盒，之前一晚都有個賣同類手飾盒嘅小販上過我地船屋兜售，呢間舖開嘅價的確係比我地昨晚個小販便宜，我朋友都買咗幾個飾盒番香港。

今朝本來諗住六點鐘起身，因為計劃明日朝早去水上菜市場打個白鴿轉，想今朝早啲起身睇吓咁早有冇 Shikara 會經過我地船屋，如果冇嘅話就要今日下午約定船仔天朝嚟接我地。點乜知原來達爾湖係有 morning call 嘅服務；一到朝早5點鐘湖上嘅居民就會開始早晨念經，我響船屋道兩個朝早都係比啲念經嘅聲音嘈醒。

達爾湖 (Dal Lake) 係喀什米爾最美麗同最大嘅湖泊，素有「東方瑞士」之稱。湖泊長6公里、寬3公里，是由 Gagribal、Loknt 和 Bod Dal 三個湖組成。

喀什米爾 (Kashmir) 係南亞次大陸西北部 (青藏高原西部和南亞北部的交界處) 的一個地區，曾為英屬印度的一個邦。面積228,478平方公里。第二次世界大戰後，印度和巴基斯坦從英國獨立，原英屬印度內部的喀什米爾土邦嘅當地王公希望加入印度，但當地居民多信奉伊斯蘭教，卻希望加入巴基斯坦，因此歸屬難定。

今朝都可謂全個旅程最辛苦嘅一朝早；全團人四點幾已經要響酒店大堂集合。 領隊一邊幫我地打點行理上旅遊巴，酒店就有人分派大大個早餐餐盒比我地上車食。不過咁早起身我都幾肯定今日成個上午我都應該唔會有咩嘢胃口，為免浪費食物我只係響個餐盒道拎咗隻蕉上車。

遊覽印度金三角，如果想行吓當地嘅市集，首選當然係首都德里。德里 Connaught Place 附近嘅姜帕特大街 (Janpath Street)、或 Dariyaganj 附近嘅月光市集 (Chandni Chowk) 都係唔錯嘅選擇。可惜因為去喀什米爾班機延誤嘅關係，在德里嘅行程當中結果都偷唔到時間去這些市集一行。幸好在齋浦爾把握了唯一的機會離團到當地嘅市集走了一轉，親身走進印度人日常生活感受當地嘅風土民情。

城市宮殿 (City Palace) 建於齋浦爾舊城區，舊城內每條街道都可通往城市宮殿。城市宮殿融合拉賈斯坦 (Rajasthan) 與蒙戈爾式的建築風格，目前仍屬於馬哈拉加 (Maharaja) 王公賈辛格 (Jai Singh) 家族所有。城市宮殿建於1726年，1959年部份開放為博物館，部份區域仍為賈辛格家族後裔所居住。

離開水上宮殿見時間差唔多諗住都應該到食飯時間，點知原來要上完堂至有飯食，個團先安排我地去地氈廠參觀。地氈呢家嘢聽聞喀什米爾比較出名，所以我地個領隊都建議如果唔係認真見到心頭好都唔好隨便出手住。

齋浦爾為印度北部拉賈斯坦邦的首府，齋浦爾會成為「粉紅城市」，源自於公元1876年，齋浦爾市政府為迎接殖民主人英國的威爾斯王子 (日後成為英王愛德華七世) 到訪，將整個舊城的建築物，全部漆成粉紅，外加白色邊框，以代表歡迎王子到訪。

勝利宮位於愛加拉西面， 位置就近愛加拉與齋浦爾之間的公路，所以旅行團通常會從愛加拉出發往齋浦爾途中順道前往。古城法塔赫布爾‧西格里 (Fatehpur Sikri)，即「勝利」之意，因此亦稱為「勝利宮」。

愛加拉城堡 (Agra Fort) 位於亞穆納河畔 (Jamuna)，是印度最重要的堡壘之一。早於1080年便有文獻提及它的存在，當時的德里蘇丹於此統治公國，但直至蒙戈爾王族於十六世紀中入主之後，經幾位君王先後改建及增建，愛加拉堡自此變成牢不可破的城堡。先有阿克巴大帝 (Akbar) 於1556年起，把原有的磚堡以紅沙岩大規模改建，又增建了雕樓、吊橋閘門等，堡壘於是呈現出今天所見的宏偉外貌。

今次個古仔應該由第二日夜晚講起。話說我地行完顧特卜高塔之後就坐旅遊巴去愛加拉，去到愛加拉已經差唔多夜晚九點，到達酒店後導遊第一時間幫我地安排晚餐。今次我地響愛加拉入住的酒店舖號叫 Jaypee Palace Hotel，酒店外觀建築幾新淨，房間洗手間毛巾用具等都乾淨企理，係啲水龍頭同塊厠所板感覺舊少少，不過整體水準都算 okay，酒店 google map 坐標為 27.1543683333333, 78.070925。

顧特卜高塔位於舊德里市南面，其實新舊德里並沒有明顯分界，如果你響德里見到周圍馬路寬闊建築物美倫美煥咁你就係身處新德里；如果你見到周街雀鳥動物搶食垃圾建築物破爛再摸摸自己發覺一臉灰塵咁你就係身處舊德里。

今朝差唔多九點上旅遊巴，十點幾到達德里機場，準備坐 11:45 am 班內陸機出發去喀什米爾。 到達機場前香港個導遊已經同我地講今次去喀什米爾我地團航班有更改，張電子機票入面啲資料係唔o岩嘅。去到機場因為張電子機票資料唔對，於是成團人只可在機場門外等候。開始時我地成團人都未知出事，傾吓影吓相行吓等吓半個鐘等吓又半個鐘，見個香港導遊起勢咁騰嚟騰去就開始覺有啲問題嘞。

第一日其實冇行程，本來印航班機下午六點起飛，點知班機 delay 咗成兩粒幾鐘，結果差唔多成九點至起飛，去到德里機場出到酒店都已經夜晚成點幾鐘 (香港同德里有兩個半鐘時差)。今次響德里入住一間 叫 Jaypee Vasant Continental Hotel，位置好近機場，酒店房間洗手間毛巾同用具都算乾淨，只係洗手間面盤厠所板感覺舊少少，但整體水準都算 okay。

今次跟 X 泰去咗個 8 日印度團，行程包括喀什米爾、德里、齋浦爾同愛加拉。準備工夫 - 跟團茶實就冇乜嘢需要準備，都係交團費出簽証唱錢。如果經旅行社出簽証通常收 HK$ 470，自己親身到金鐘統一中心辦簽証的話會便宜啲 - HK$ 315。