武陵源 - 張家界自由行 - Day 2 (下午)

在武陵源入口跟導遊道別，再行行週邊的小販攤檔，跟著便乘的士去之前預約好的酒店 check-in。呢間酒店無論床舖、洗手間、毛巾、房間內各種用具都光鮮整潔，酒店屬四星級，值得推介。又順便釘個武陵源一帶的地圖。





注意地圖內汽車站位置，該汽車站有直達鳳凰的大巴，有冷氣，一日兩班車，早上8:30同下午14:30各一班。亦有去張家界市的中巴，應該數十分鐘便有一班。

又順帶提提響張家界市的汽車站一樣有程大巴直去鳳凰，網上資料都係話一日兩班，早上8:30同下午14:30各一班。我響張家界市就見到有班車 3點幾開，可能係加班車。不過班車幾點開都好，因為一日的班次有限好易客滿，如果要坐呢程去鳳凰的直巴記得要早上一早去車站買定預售票。我地就係因為太老定上唔到呢班車，個故仔詳情響 Day 3 至講。

沿著武陵路天子酒店對面有多間很不錯的餐館，亦有賣生果的店舖。武陵源的市容比張家界市整潔得多，難怪大部份香港旅行團都會選在武陵源落腳。