達爾湖 船屋家訪 - 印度之旅 2009 Day 7 上午

差唔多要離開船屋嗰陣，我地船屋嘅廚師叔叔出咗嚟露台同我地道別，咁我同佢吹吹吓水嗰陣廚師叔叔忽然邀請我地去參觀佢屋企。

上面呢位就係我地船屋嘅廚師叔叔嘞 ~~

我即刻走番入船屋叫埋我啲朋友出嚟，齊齊去船屋家訪。



達爾湖好多船屋都同我地住間船屋一樣，家庭式運作，前舖後居，船屋屋主一家就同佢嘅家仃，同家仃嘅家人，齊齊住響船屋後面嘅居室。





我地同屋主家人影相合照，傾咗陣偈，時間亦差唔多，屋主就幫我地手打點行理上船，先去對面團友嘅船屋食午餐。



我地食完呢個 quick lunch 仲有少少時間可以響呢邊船屋周圍參觀吓。呢邊船屋個後欄地方比我地住嗰邊大好多，仲有個幾靚嘅花園。我四圍行行企企影咗陣相，差唔多十一點上番船出碼頭轉車去機場，坐中午班內陸機向德里進發。