Te Anau 住宿篇 - 紐西蘭南島自由行

今次係 Te Anau 落腳嘅係一間叫 Bob and Maxine's Backpackers 嘅旅舍，下面個地圖就記低咗呢間旅舍嘅位置。


在較大的地圖上查看紐西蘭南島自駕遊 2014 - Catlins

旅舍住客嘅係一座獨立屋，客房大廳衛浴厨房都係呢間大屋入面。大廳中間有個靚靚燒木嘅暖爐；透過一排落地玻璃可以望到廳外一片廣闊嘅草地。大廳牆上掛滿好多唔同國家嘅國旗，而每間客房側邊亦有個位置掛呢啲國旗；我估如果旅舍主人搵到同住客國籍相同嘅國旗，就會係住客到步前幫佢入住間房換番張啱佢國籍嘅國旗俾佢。



客房地方寛敞，床舖亦乾淨企理。



衛浴間相當闊絡，熱水充足，浴室去水暢通，各樣設備亦光潔新淨。



呢間旅舍嘅厨房應該係今次行程中用得最舒服嘅一個厨房。厨房設備齊全，有大大個嘅焗爐，煮食爐頭亦充足，杯碗厨具亦保持得好新淨清潔。



我哋係呢道煮過兩餐晚飯，第一晚見到啲同屋煮完飯後係爐頭留低咗啲污漬冇抹番乾淨，到第二朝我哋煮早餐陣時已經見個爐頭俾人抹到立立靚；從中亦睇得出屋主係好用心咁打理呢間旅舍。出發前搜集資料陣時已經見有唔少對呢間旅舍嘅好評，而係呢道住咗兩日，亦覺得旅舍主人真係好有心機咁想搞一間整潔乾淨環境舒適嘅旅舍出嚟。個人覺得呢間旅舍係呢倘係紐西蘭嘅行程中住過質素最好嘅一間，值得推薦。