今年四月尾我哋去咗轉美國西岸，主要目標係西岸南部嘅幾個國家公園；未開始講行程之前，先數一數出發前嘅準備功夫。
成世人第一次去美國，所以第一件事先要去美國領事館出簽証。去美國旅遊探親一般都係申請 B1/B2 簽証，攞美國簽証嚟講，第一步先上呢個網站填咗份網上申請表格同上載埋張証件相，跟住去 7 仔交簽證費，俾咗錢跟住領事館嗰邊就會覆個電郵教你上網預約一個時間見領事。
見領事之前，最好要準備齊下面呢啲文件：
搞掂個簽証，跟住就到出機票嘞。今次我哋一行四人會兵分兩路，其中兩個坐國泰直航，去程喺洛杉磯 LAX 落機，回程就喺三藩市 SFO 上機返香港，票價盛惠 HK$ 5,868。另一個小隊去程就坐美國航空直航洛杉磯 LAX ，回程就先經三藩市 SFO 去 JFK 喺紐約留幾日，之後再由紐約經東京成田 NRT 轉機返香港，票價就盛惠 HK$ 4,710。
搞掂張機票跟住就到住宿嘞，今次有一半嘅住宿我哋係經 Booking.com 預訂，另一半就經 Airbnb 預訂。今次美西之行我哋住過嘅民宿同酒店基本上都冇乜點中過大伏，床舖同洗手間嘅衛生狀況大至上都可以接受，咁當然當中有啲會係相當之滿意，有啲就麻麻哋緊緊合格嗰隻喇；嗰邊啲民宿我覺得比較差嘅主要都係個廚房，成個行程我哋住過七間有廚房嘅民宿，真係乾乾淨淨唔使點洗啲廚具就可以放心用嘅廚房都只係數到兩間咁大把；之後講到每日嘅行程嗰陣會再詳細評論吓今次住過嘅每間民宿同酒店。
另外美國人真係好似冇煲熱水飲呢個習俗，我喺嗰邊由民宿到酒店住咗咁多日都只係見過一個電水煲咁大把，所以如果去到有需要煲水而行李篋又有位嘅話，不妨考慮吓帶埋個旅行電水煲過去。
租車方面，基於過往數次租車嘅經驗，都係嗰句除咗比較租金嘅價錢之外，保險亦係一個重要嘅考慮嚟。喺美國租車嚟講，比較重要必須要買足嘅主要係 Loss Damage Waiver (LDW - 保偷車同炒車) 同 Supplement Liability Insurance (第三者責任) 哩兩隻保險。另外一隻 Premium Road Service (主要係保路上爆呔、唔見車匙同冇油嗰陣租車公司會即時揾人幫拖)，我覺得穩陣計都應該要買埋，事關家陣好多新車都冇位放士啤呔，老實講萬一路上爆呔嘅話查實我亦唔認為我哋有能力靠自己換到條呔，租十日車俾多港幣幾嚿水買埋呢隻保險我認為都值得嘅；據我哋租車嗰日嗰位櫃位職員講，佢話買咗 Road Service 之後就算喺沙漠入面落 call 佢哋都有辦法 45 分鐘內去到出事現場幫拖咁話。
至於例如 Personal Effects (PEP) 同 Personal Accident (PAI) 之類保個人財物同醫療嘅保險就基本上同喺香港買嘅旅遊保險啲保障範圍差唔多，呢啲就冇乜必要經租車公司再買嘞。
今次喺美國租車我主要比較過幾間大路嘅公司例如 Dollar、 AVIS、Hertz、Budget 同 Thrifty，Dollar 同 Thrifty 係同一集團嘅子公司，喺兩間公司嘅網站報出嚟個價查實都係一樣。呢兩間公司嘅網站度報出嚟嘅車租表面上係好平吓嘅，不過問題係我只可以喺佢哋嘅網站度揾到車款同車租嘅資料，但就點都冇辦法查到各類保險嘅明碼實價。我估經呢兩間公司租車嘅話，保險嘅價錢要到出車嗰陣先可以經櫃位問到；出外地玩其中一個我會盡量堅守嘅原則就係任何未知真實價錢嘅商品都盡可能唔去落搭，基於呢個原則，呢兩間公司已經可以排除於我考慮嘅範圍之外。
Budget 網上報出嚟嘅車租係包埋 LDW 嘅，Supplemental Liability Insurance 就可以分開報到價，不過嗰陣佢哋網站報唔到啱我哋要求容量嘅車款，出部比較大嘅車又貴啲同驚難揸啲，結果呢間都要排除於考慮之列。
最後我哋真係要取捨嘅查實就係 Avis 同 Hertz 兩間；Avis 嚟講，佢哋嘅車租係包晒 LDW、PAI、PEP 同 Additional Liability Insurance，而包晒呢啲保險出嚟個價錢都比當時我查 Hertz 網站差唔多容量嘅車款平，本來我係諗住去馬揾呢間出車㗎嘞。
而 Hertz 個車租亦係包 LDW、Liability Insurance Supplement、PAI 同 PEC，而佢嘅價錢就比 Avis 貴十幾個巴仙，所以基於性價比嘅考慮，我原本係諗住幫襯 Avis 出車嘅。不過後來同行朋友提一提我原來嗰輪 Hertz 做梗個 promotion 有 10% 折扣同有得賺飛行里數，結果就喺租車嗰一刻鐘轉呔決定幫襯呢間，10 日車租連機場租車付加費同稅項盛惠 US$ 707.73，我哋另外加咗 US$ 89.9 買多個 Premier Road Service 嘅保險。
住同行基本上搞掂，剩返嘅就主要係行程計劃嘅功夫嘞。今次行程計劃同上次去冰島嗰次差唔多，都係出發前先將啲食宿景點等等嘅位置記錄喺 Google Maps 度，臨出發前再將啲位置資料匯入 Maps.Me 呢隻電話 App 度，咁喺電話入面就 Google Maps 同 Maps.Me 兩隻地圖都可以睇到啲位置圖釘嘞。至於離線地圖嘅圖資，以今次行程嘅範圍計就預先喺 Maps.Me 下載定亞利桑那州、內華達州、加利福尼亞州同猶他州嘅圖資，咁電話入面個離線地圖基本上就搞掂。
查實今次行程 Google Maps 同 Maps.Me 兩隻地圖我哋都有用到，喺省城收到流動數據嘅話查實 Google Maps 的確係比較易用同計出嚟啲路線都係比較準確嘅，Google Maps 嘅即時路況資訊亦比較快同準，例如喺市區踫到塞車嗰陣就只可以用 Google Maps 去揾到其他冇咁塞車嘅路線。
不過去到郊區嗰陣 Maps.Me 就比較好用嘞，事關當遠離省城接收唔到流動數據嗰陣 Google Maps 就會武功盡廢，所以出到郊區嘅話就基本上只可以靠 Maps.Me 帶路。
換美金嚟講，我喺尖嘴重慶大廈嗰幾間找換店度格到最平嗰間嘅匯率係 7.765，而喺嗰邊碌卡嘅匯率就大約係 7.911 - 7.935，查實碌卡同俾現金匯率嘅差别都係 2% 左右。
電話卡方面，我哋今次上淘寶淘咗兩張電話卡，兩張都係無限國内通話數據同短訊，一張 20 日嘅就盛惠 RMB 158，另一張 12 日就盛惠 RMB 108。
總結返今次嘅使費，今次十一日十夜嘅行程，我哋平均每人總使費係 HK$15,000 有找，細分返各項使費分類:
時間係 2017 年 4 月尾，喺一個陰晴不定嘅下午，我坐上國泰呢班 CX 882 號班機，出發前往美國加州嘅洛杉磯正式展開今次喺美國西岸嘅旅程。
成世人第一次去美國，所以第一件事先要去美國領事館出簽証。去美國旅遊探親一般都係申請 B1/B2 簽証，攞美國簽証嚟講，第一步先上呢個網站填咗份網上申請表格同上載埋張証件相，跟住去 7 仔交簽證費，俾咗錢跟住領事館嗰邊就會覆個電郵教你上網預約一個時間見領事。
見領事之前，最好要準備齊下面呢啲文件：
- 護照正本
- 預約確認單
- Confirmation Page 列印本
- 7-11 簽證費付款收據
- 公司放假信
- 公司 Employment Letter
- 稅單
- 銀行存摺 (作為入息及資產証明)
- 5 cm X 5 cm 證件相一張
搞掂個簽証，跟住就到出機票嘞。今次我哋一行四人會兵分兩路，其中兩個坐國泰直航，去程喺洛杉磯 LAX 落機，回程就喺三藩市 SFO 上機返香港，票價盛惠 HK$ 5,868。另一個小隊去程就坐美國航空直航洛杉磯 LAX ，回程就先經三藩市 SFO 去 JFK 喺紐約留幾日，之後再由紐約經東京成田 NRT 轉機返香港，票價就盛惠 HK$ 4,710。
搞掂張機票跟住就到住宿嘞，今次有一半嘅住宿我哋係經 Booking.com 預訂，另一半就經 Airbnb 預訂。今次美西之行我哋住過嘅民宿同酒店基本上都冇乜點中過大伏，床舖同洗手間嘅衛生狀況大至上都可以接受，咁當然當中有啲會係相當之滿意，有啲就麻麻哋緊緊合格嗰隻喇；嗰邊啲民宿我覺得比較差嘅主要都係個廚房，成個行程我哋住過七間有廚房嘅民宿，真係乾乾淨淨唔使點洗啲廚具就可以放心用嘅廚房都只係數到兩間咁大把；之後講到每日嘅行程嗰陣會再詳細評論吓今次住過嘅每間民宿同酒店。
另外美國人真係好似冇煲熱水飲呢個習俗，我喺嗰邊由民宿到酒店住咗咁多日都只係見過一個電水煲咁大把，所以如果去到有需要煲水而行李篋又有位嘅話，不妨考慮吓帶埋個旅行電水煲過去。
租車方面，基於過往數次租車嘅經驗，都係嗰句除咗比較租金嘅價錢之外，保險亦係一個重要嘅考慮嚟。喺美國租車嚟講，比較重要必須要買足嘅主要係 Loss Damage Waiver (LDW - 保偷車同炒車) 同 Supplement Liability Insurance (第三者責任) 哩兩隻保險。另外一隻 Premium Road Service (主要係保路上爆呔、唔見車匙同冇油嗰陣租車公司會即時揾人幫拖)，我覺得穩陣計都應該要買埋，事關家陣好多新車都冇位放士啤呔，老實講萬一路上爆呔嘅話查實我亦唔認為我哋有能力靠自己換到條呔，租十日車俾多港幣幾嚿水買埋呢隻保險我認為都值得嘅；據我哋租車嗰日嗰位櫃位職員講，佢話買咗 Road Service 之後就算喺沙漠入面落 call 佢哋都有辦法 45 分鐘內去到出事現場幫拖咁話。
至於例如 Personal Effects (PEP) 同 Personal Accident (PAI) 之類保個人財物同醫療嘅保險就基本上同喺香港買嘅旅遊保險啲保障範圍差唔多，呢啲就冇乜必要經租車公司再買嘞。
今次喺美國租車我主要比較過幾間大路嘅公司例如 Dollar、 AVIS、Hertz、Budget 同 Thrifty，Dollar 同 Thrifty 係同一集團嘅子公司，喺兩間公司嘅網站報出嚟個價查實都係一樣。呢兩間公司嘅網站度報出嚟嘅車租表面上係好平吓嘅，不過問題係我只可以喺佢哋嘅網站度揾到車款同車租嘅資料，但就點都冇辦法查到各類保險嘅明碼實價。我估經呢兩間公司租車嘅話，保險嘅價錢要到出車嗰陣先可以經櫃位問到；出外地玩其中一個我會盡量堅守嘅原則就係任何未知真實價錢嘅商品都盡可能唔去落搭，基於呢個原則，呢兩間公司已經可以排除於我考慮嘅範圍之外。
Budget 網上報出嚟嘅車租係包埋 LDW 嘅，Supplemental Liability Insurance 就可以分開報到價，不過嗰陣佢哋網站報唔到啱我哋要求容量嘅車款，出部比較大嘅車又貴啲同驚難揸啲，結果呢間都要排除於考慮之列。
最後我哋真係要取捨嘅查實就係 Avis 同 Hertz 兩間；Avis 嚟講，佢哋嘅車租係包晒 LDW、PAI、PEP 同 Additional Liability Insurance，而包晒呢啲保險出嚟個價錢都比當時我查 Hertz 網站差唔多容量嘅車款平，本來我係諗住去馬揾呢間出車㗎嘞。
而 Hertz 個車租亦係包 LDW、Liability Insurance Supplement、PAI 同 PEC，而佢嘅價錢就比 Avis 貴十幾個巴仙，所以基於性價比嘅考慮，我原本係諗住幫襯 Avis 出車嘅。不過後來同行朋友提一提我原來嗰輪 Hertz 做梗個 promotion 有 10% 折扣同有得賺飛行里數，結果就喺租車嗰一刻鐘轉呔決定幫襯呢間，10 日車租連機場租車付加費同稅項盛惠 US$ 707.73，我哋另外加咗 US$ 89.9 買多個 Premier Road Service 嘅保險。
住同行基本上搞掂，剩返嘅就主要係行程計劃嘅功夫嘞。今次行程計劃同上次去冰島嗰次差唔多，都係出發前先將啲食宿景點等等嘅位置記錄喺 Google Maps 度，臨出發前再將啲位置資料匯入 Maps.Me 呢隻電話 App 度，咁喺電話入面就 Google Maps 同 Maps.Me 兩隻地圖都可以睇到啲位置圖釘嘞。至於離線地圖嘅圖資，以今次行程嘅範圍計就預先喺 Maps.Me 下載定亞利桑那州、內華達州、加利福尼亞州同猶他州嘅圖資，咁電話入面個離線地圖基本上就搞掂。
查實今次行程 Google Maps 同 Maps.Me 兩隻地圖我哋都有用到，喺省城收到流動數據嘅話查實 Google Maps 的確係比較易用同計出嚟啲路線都係比較準確嘅，Google Maps 嘅即時路況資訊亦比較快同準，例如喺市區踫到塞車嗰陣就只可以用 Google Maps 去揾到其他冇咁塞車嘅路線。
不過去到郊區嗰陣 Maps.Me 就比較好用嘞，事關當遠離省城接收唔到流動數據嗰陣 Google Maps 就會武功盡廢，所以出到郊區嘅話就基本上只可以靠 Maps.Me 帶路。
換美金嚟講，我喺尖嘴重慶大廈嗰幾間找換店度格到最平嗰間嘅匯率係 7.765，而喺嗰邊碌卡嘅匯率就大約係 7.911 - 7.935，查實碌卡同俾現金匯率嘅差别都係 2% 左右。
電話卡方面，我哋今次上淘寶淘咗兩張電話卡，兩張都係無限國内通話數據同短訊，一張 20 日嘅就盛惠 RMB 158，另一張 12 日就盛惠 RMB 108。
總結返今次嘅使費，今次十一日十夜嘅行程，我哋平均每人總使費係 HK$15,000 有找，細分返各項使費分類:
- 今次行程住宿平均每人 HK$ 3,940.6，平均每人每日住宿使費 HK$ 400 有找；
- 租車費就平均每人 HK$ 1,582；
- 油錢平均每人 HK$ 570.3；
- 其他食飯泊車同參加 Local Tour 嘅費用加埋使費平均每人 HK$ 916.4。
時間係 2017 年 4 月尾，喺一個陰晴不定嘅下午，我坐上國泰呢班 CX 882 號班機，出發前往美國加州嘅洛杉磯正式展開今次喺美國西岸嘅旅程。
留言
發佈留言