我哋大約晏晝四點零鐘到達仁川機場。查實到步呢日嘅天氣相當唔錯，我哋落機嗰陣望出窗外仲見住個橙紅色嘅落日；排隊過海關跟手拎番件行李，出到入境大堂陣時個天都差唔多黑齊。
到步第一件事我哋先要搵巴士搭去東大門呢一晚住宿嘅地方。喺網上有好多途徑可以搵到由仁川機場去首爾各程機場巴士嘅資料；例如仁川機場嘅官方網站、各大旅遊討論區同博客等；不過我覺得最正嗰個選擇都係去韓巢地圖度搜尋巴士路線資料。
韓巢地圖除咗可以睇到條巴士線每一站嘅站名同行車時間外，仲可以喺佢個地圖睇番條巴士線係點行，同每個站嘅位置。
我哋今次就坐呢部 6002 號機場巴士去東大門。
機場大堂 5B 出口就係呢程巴士嘅第一站，出口度有個賣巴士車票嘅櫃位，車費大人盛惠每位 W10,000，小童每位 W8,000。
呢晚我哋落腳嘅係一間舖號叫東大門市場 24 號旅館嘅旅舍；呢間旅舍嘅位置剛好喺呢程機場巴士嘅東大門綜合市場站同仁興之門站中間。本來我哋係諗住穩陣啲喺綜合市場站按鐘落車嘅；因為沿途巴士廣播每個站名我哋都聽得清楚係邊個站，於是乎個個都太老定冇望實個 GPS 地圖，結果就係去到綜合市場站陣時聽唔到個廣播俾架巴士飛咗站都唔知。好彩過咗綜合市場站之後望咗一望個 GPS 地圖，醒水識喺仁興之門站落車，唔使一個二個拖住隻重一重嘅旅行篋行一大段冤枉路
。我哋喺仁興之門站落車，再步行十零分鐘，就到達呢晚要入住嘅旅舍嘞。
查實出發前我已經喺部手機嘅地圖度記低咗呢間旅舍嘅位置，不過當時就點都冇辦法透過地圖街景睇到間旅舍嘅門口喺邊。去到現場先知原來間旅舍所在嘅位置真係非常之隱蔽，係要由嗰個位置大街個位穿過一條好窄嘅巷仔先去到間旅舍嘅門口。嗰度附近冇一間舖頭知道呢間旅舍嘅存在，我哋周圍問人都毫無頭緒；嗰晚我哋結果搵咗差唔多半個鐘先搵到間旅舍喺邊
。
間旅舍係開喺一橦大厦嘅五樓度，橦大厦又冇電梯，入住同離開時要將啲行李托上托落，都相當囉命。旅舍啲房間好細，係細到要打開啲旅行篋拎嘢都有難度嗰隻；不過呢間旅舍就勝在室內地方乾淨同房租夠平
。
喺旅舍放低晒啲行李可以出去行街食飯已經差唔多夜晚八點，查實當時我哋一個二個都嗌晒肚餓。雖然大伙兒已經饑寒交迫
，但我哋都仲未有得食飯住；因為今晚要先趕去睇咗東大門設計廣場呢個 LED 玫瑰花燈海展覽；食完飯至去睇嘅話，恐防去到萬一太夜熄咗燈冇得睇，咁就喊都無謂嘞 
。
呢個 LED 玫瑰燈海查實係 10 月初一個名錶品牌舉行新品發佈會搞嘅展覽活動嚟，佢哋將二萬朵 LED 白玫瑰插滿成個東大門設計廣場 4 樓平台。原本開放期係到 11 月中，不過個展覽太受歡迎，閉幕日期一次又一次押後；我哋今次都算幾好彩，剛好趕得切喺佢年尾閉幕前幾日去到東大門，可以順道睇到呢個咁特別嘅展覽
。
呢度個展場都幾人頭湧湧；我哋快快手手搵位影完相，就行過對面馬路 Migliore 嗰邊搵食嘞。
原本我哋今日係諗住試吓嗰度間新村食堂嘅，不過去到見到間舖拆緊，唔知佢係裝修定摺埋嘞。幫襯唔到呢間，大伙兒就轉場去附近另一間食韓燒嘅名店，姜虎東白丁碳火烤肉店嘞。
可能我哋去到嗰陣已經過晒晚飯時間，入到去雖然見到間舖頭仲相當旺場，不過都唔使點等就有位俾到過我哋。一坐低我嘅第七感已經感覺到間舖頭啲店小二個個都將自己嘅小宇宙燃燒到超越阿賴耶識嘅境界
；由 set 枱派碟起爐教我哋點餐到上菜，整個過程沒有半分多餘嘅動作，快如疾風動如雷，唔使九秒九成枱烤肉就擺咗喺我哋面前。
查實嚟韓國之前一路都幾擔心呢度啲嘢食樣樣都辣啲小朋友會食唔慣；不過呢餐嚟到韓國嘅第一餐飯我哋大人同啲小朋友都食得相當滿意。唯一美中不足嘅就係佢哋用嚟包住啲烤肉嘅菜葉撈晒調味汁料；咁做食起上嚟雖然會好味啲，但係作為一個遊客，食嘢嚟講味道此終都係次要，點計我都係比較想好似啲韓劇主腳咁用手將啲烤肉搵塊菜葉包起一啖放入個咀度咁玩先至過癮家嘛
。
事關明日要一早起身準時去搭開去滑雪場嘅巴士唔遲得，今晚我哋都唔可以行得太夜要早啲番旅舍沖涼休息；我哋食完餐晚飯，喺 Doota 附近行咗陣厾咗兩串魚板就番旅舍休息，抖足精神準備明日嘅行程。
到步第一件事我哋先要搵巴士搭去東大門呢一晚住宿嘅地方。喺網上有好多途徑可以搵到由仁川機場去首爾各程機場巴士嘅資料；例如仁川機場嘅官方網站、各大旅遊討論區同博客等；不過我覺得最正嗰個選擇都係去韓巢地圖度搜尋巴士路線資料。
韓巢地圖除咗可以睇到條巴士線每一站嘅站名同行車時間外，仲可以喺佢個地圖睇番條巴士線係點行，同每個站嘅位置。
我哋今次就坐呢部 6002 號機場巴士去東大門。
機場大堂 5B 出口就係呢程巴士嘅第一站，出口度有個賣巴士車票嘅櫃位，車費大人盛惠每位 W10,000，小童每位 W8,000。
呢晚我哋落腳嘅係一間舖號叫東大門市場 24 號旅館嘅旅舍；呢間旅舍嘅位置剛好喺呢程機場巴士嘅東大門綜合市場站同仁興之門站中間。本來我哋係諗住穩陣啲喺綜合市場站按鐘落車嘅；因為沿途巴士廣播每個站名我哋都聽得清楚係邊個站，於是乎個個都太老定冇望實個 GPS 地圖，結果就係去到綜合市場站陣時聽唔到個廣播俾架巴士飛咗站都唔知。好彩過咗綜合市場站之後望咗一望個 GPS 地圖，醒水識喺仁興之門站落車，唔使一個二個拖住隻重一重嘅旅行篋行一大段冤枉路
。我哋喺仁興之門站落車，再步行十零分鐘，就到達呢晚要入住嘅旅舍嘞。查實出發前我已經喺部手機嘅地圖度記低咗呢間旅舍嘅位置，不過當時就點都冇辦法透過地圖街景睇到間旅舍嘅門口喺邊。去到現場先知原來間旅舍所在嘅位置真係非常之隱蔽，係要由嗰個位置大街個位穿過一條好窄嘅巷仔先去到間旅舍嘅門口。嗰度附近冇一間舖頭知道呢間旅舍嘅存在，我哋周圍問人都毫無頭緒；嗰晚我哋結果搵咗差唔多半個鐘先搵到間旅舍喺邊
。間旅舍係開喺一橦大厦嘅五樓度，橦大厦又冇電梯，入住同離開時要將啲行李托上托落，都相當囉命。旅舍啲房間好細，係細到要打開啲旅行篋拎嘢都有難度嗰隻；不過呢間旅舍就勝在室內地方乾淨同房租夠平
。喺旅舍放低晒啲行李可以出去行街食飯已經差唔多夜晚八點，查實當時我哋一個二個都嗌晒肚餓。雖然大伙兒已經饑寒交迫
，但我哋都仲未有得食飯住；因為今晚要先趕去睇咗東大門設計廣場呢個 LED 玫瑰花燈海展覽；食完飯至去睇嘅話，恐防去到萬一太夜熄咗燈冇得睇，咁就喊都無謂嘞 。呢個 LED 玫瑰燈海查實係 10 月初一個名錶品牌舉行新品發佈會搞嘅展覽活動嚟，佢哋將二萬朵 LED 白玫瑰插滿成個東大門設計廣場 4 樓平台。原本開放期係到 11 月中，不過個展覽太受歡迎，閉幕日期一次又一次押後；我哋今次都算幾好彩，剛好趕得切喺佢年尾閉幕前幾日去到東大門，可以順道睇到呢個咁特別嘅展覽
。呢度個展場都幾人頭湧湧；我哋快快手手搵位影完相，就行過對面馬路 Migliore 嗰邊搵食嘞。
原本我哋今日係諗住試吓嗰度間新村食堂嘅，不過去到見到間舖拆緊，唔知佢係裝修定摺埋嘞。幫襯唔到呢間，大伙兒就轉場去附近另一間食韓燒嘅名店，姜虎東白丁碳火烤肉店嘞。
可能我哋去到嗰陣已經過晒晚飯時間，入到去雖然見到間舖頭仲相當旺場，不過都唔使點等就有位俾到過我哋。一坐低我嘅第七感已經感覺到間舖頭啲店小二個個都將自己嘅小宇宙燃燒到超越阿賴耶識嘅境界
；由 set 枱派碟起爐教我哋點餐到上菜，整個過程沒有半分多餘嘅動作，快如疾風動如雷，唔使九秒九成枱烤肉就擺咗喺我哋面前。查實嚟韓國之前一路都幾擔心呢度啲嘢食樣樣都辣啲小朋友會食唔慣；不過呢餐嚟到韓國嘅第一餐飯我哋大人同啲小朋友都食得相當滿意。唯一美中不足嘅就係佢哋用嚟包住啲烤肉嘅菜葉撈晒調味汁料；咁做食起上嚟雖然會好味啲，但係作為一個遊客，食嘢嚟講味道此終都係次要，點計我都係比較想好似啲韓劇主腳咁用手將啲烤肉搵塊菜葉包起一啖放入個咀度咁玩先至過癮家嘛
。事關明日要一早起身準時去搭開去滑雪場嘅巴士唔遲得，今晚我哋都唔可以行得太夜要早啲番旅舍沖涼休息；我哋食完餐晚飯，喺 Doota 附近行咗陣厾咗兩串魚板就番旅舍休息，抖足精神準備明日嘅行程。
留言
發佈留言