呢一日我哋全日都係玩滑雪。朝早我哋喺酒店房自己煮早餐食，食完就落 Dragon Plaza 買 Day Time 2 ~ 10:00-16:30 時段嘅 Lift Pass 同租滑雪用具；由朝早到晏晝我哋都係逗留喺滑雪場度。
喺 Dragon Plaza 度有 locker，入兩個 W500 銀仔就用得，滑雪嗰陣可以將對鞋同啲隨身物品鎖喺 locker 度。著住啲滑雪用具都唔行得遠，晏晝嗰餐我哋就喺 Dragon Plaza 個 canteen 度搞掂。
晏晝滑完雪我哋就諗住再去橫溪搵吓有冇其他嘢好食嘞。昨晚我哋就坐的士去橫溪食飯，呢次就試吓坐龍平嘅免費穿梭巴士過去。
喺龍平有兩條免費嘅穿梭巴士線，其中一條線來往橫溪，呢條線每隔個零兩個鐘就有一班車。另一條線就來往江陵，呢條線啲班次就冇咁密，一日得 5 班車。江陵係龍平東面嘅一個市嚟，因為嗰度東面面臨日本海，沿海嘅沙灘又長又靚，係南韓人夏天去游水同睇日出嘅一處勝地嚟。江陵有巴士開去雪嶽山，所以嗰度亦係去雪嶽山其中一個熱門嘅中途站嚟。
上面係龍平來往橫溪嘅巴士時間表，而下面就係龍平來往江陵嘅巴時間表嘞。
我哋呢日滑完雪，番酒店房換好衫，就行過去 Tower Plaza 出面個停車場，準備搭 18:20 班穿梭巴士去橫溪搵食嘞。我哋大約夜晚六點出到個停車場，已經見到兩部橙紅色嘅穿梭巴士停喺度等緊啲人上車。我哋呢個鐘數上到架車啲座位已經差不多坐滿，之後上車嘅都要罰企
。
呢程車大約半個鐘，程巴士喺橫溪有幾個中途站，佢嘅總站係嗰度一個長途汽車客運站對出一個郵局嘅門口嚟；之但係我見車上面啲人都係喺呢個總站之前嘅一個站落車；反正今次嚟到都係諗住四圍撞搵嘢食，於是我哋都跟大隊喺呢個站落車嘞。落咗車我哋就四圍行吓搵地方食飯；我見呢度好多店舖都係食韓燒嘅，不過連續兩晚都係食韓燒嘅我哋點都想搵啲第二啲款式嘅嘢試吓。
嗰度好多食肆都有啲咁樣嘅餐牌貼咗喺門口度；呢啲餐牌好多都有中文翻譯，日文同英文我見都有但感覺上好似中文比較多。
行過幾間食肆，有炸雞有韓燒，最後就係見到呢個餐牌。我哋呢幾日舟車勞動，滑雪呢啲活動又咁大運動量，實在係好需要食番啲有榮養嘅食物補充番吓啲榮養嘅。咁大伙兒見到呢個咁有榮養嘅餐單，仲要有仁參雞食咁補身，當然係二話不說衝入去開飯啦
。
我哋入到去，啲店小二帶我哋入咗間榻榻米房坐低，間房入面掛住啲餐牌係全韓文我哋完全睇唔明；跟住店小二再帶我哋睇出面走廊個餐牌，我哋睇完呢個餐牌先知 ~ 呢間咁有榮養嘅食府原來係食狗肉嘅
！
查實喺韓國開狗肉餐廳係合法嘅，當地好多老一輩嘅人都認為狗肉係滋補嘅食材，所以狗肉湯煱又叫補身湯。不過就算話點補身都好狗肉呢家嘢我哋實在係接受唔到囉
。結果真係十萬個唔好意思，戇居居咁入咗人哋間舖頭度搞完一大輪又冇幫襯 
。狗肉唔啱食咁唯有再行吓搵吓有乜其他選擇嘞。
行吓行吓我哋行到附近一條都幾多嘢食嘅街道，條街有間紫菜包飯店，有間食刀削麵，有間中華料理 …… 我哋最後就撞咗入去一間食牛蹄煱嘅小店嘞。
上面個地圖就記錄咗呢晚我哋去食飯嗰條街嘅位置喺邊度嘞。由個地圖度都可以睇到我哋昨晚食韓牛嗰間大關嶺韓牛村嘅位置；查實呢間韓牛村離開去橫溪程穿梭巴士總站個郵局唔係好遠，由龍平去嗰度食韓牛嘅話坐穿梭巴士過去一樣可以。
呢間小店由一位阿豬媽打骰；呢度由大廚、水吧、店小二到收銀都係由呢位阿豬媽一手包辦，相當厲害。
呢間小店啲餐牌都有中韓文對照，手指指再加啲身體語言點幾個餐完全冇難度
。
我哋呢晚就點咗啲牛蹄同牛頭肉湯煱試吓。嗰度仲有啲豬血腸火煱同湯飯，同埋炒牛雜之類嘅菜單。
呢間小店唔算係太煩忙嗰隻，我哋食飯嗰陣間唔時會有一兩個客人入去食飯；見佢哋同老板娘都有傾有講，又有個著住套西裝咁；我估佢哋都係啲喺附近住，放咗工嚟呢度食埋晚飯先番屋企嘅熟客嚟。
查實呢餐唔算話係特別好食，只係不過不失家常便飯咁嘅一餐。不過去旅行除咗要食到嗰啲又出名又有當地特色嘅華麗美食之外，我都幾恨可以走入去啲當地人平時放咗工會走入去嘅平凡小店，試一試佢哋日常生活中會食得到嘅平凡味道。
食完晚飯我哋繼續喺附近行多陣，行吓啲便利店買吓嘢食咁；行行吓又撞咗入間裝璜都唔差嘅麵包店，咁又買咗幾個包第二朝做早餐。
行吓行吓差唔多到 9 點，我哋就過去橫溪個長途巴士客運站對出間郵局度等巴士番歸；架穿梭巴士亦準時 9 點到站。
番到龍平查實都已經幾夜吓。不過雖然天都黑齊，但係滑雪場呢度依然都仲係相當熱鬧
。
龍平滑雪場呢度入夜後有幾場滑雪時段，最早一場由 18:30 玩到 22:00。
晏啲有場 Night Ski 由 21:00 玩到 00:30。
再大癮啲嘅玩埋場 Twilight Ski，由 23:00 玩到 02:30 都冇問題。
我原本出發前係諗住呢次滑雪點都搵一晚玩吓 Night Ski 嘅；不過呢一晚去橫溪食飯陣時感覺呢度夜晚真係凍得非常之得人驚吓；經過呢晚我當堂肴晒底
，結果呢次行程都冇玩過滑夜雪。
我喺滑雪場行咗陣影吓相，跟住慢慢行番過去酒店嗰邊；呢日嘅行程活動亦就此完結嘞。
喺 Dragon Plaza 度有 locker，入兩個 W500 銀仔就用得，滑雪嗰陣可以將對鞋同啲隨身物品鎖喺 locker 度。著住啲滑雪用具都唔行得遠，晏晝嗰餐我哋就喺 Dragon Plaza 個 canteen 度搞掂。
晏晝滑完雪我哋就諗住再去橫溪搵吓有冇其他嘢好食嘞。昨晚我哋就坐的士去橫溪食飯，呢次就試吓坐龍平嘅免費穿梭巴士過去。
喺龍平有兩條免費嘅穿梭巴士線，其中一條線來往橫溪，呢條線每隔個零兩個鐘就有一班車。另一條線就來往江陵，呢條線啲班次就冇咁密，一日得 5 班車。江陵係龍平東面嘅一個市嚟，因為嗰度東面面臨日本海，沿海嘅沙灘又長又靚，係南韓人夏天去游水同睇日出嘅一處勝地嚟。江陵有巴士開去雪嶽山，所以嗰度亦係去雪嶽山其中一個熱門嘅中途站嚟。
| 龍平 (용평) 至 橫溪 (횡계) | ||||||
| 9:00 | 11:00 | 13:00 | 15:00 | 17:00 | 18:20 | 19:30 |
| 20:30 | 21:40 | 22:40 | 0:30 | 1:20 | 3:00 | |
| 橫溪 (횡계) 至 龍平 (용평) | |||||||
| 5:20 | 6:20 | 7:20 | 8:00 | 8:30 | 9:40 | 10:20 | 12:00 |
| 14:00 | 15:30 | 16:20 | 17:40 | 18:50 | 20:00 | 21:00 | 23:00 |
上面係龍平來往橫溪嘅巴士時間表，而下面就係龍平來往江陵嘅巴時間表嘞。
| 龍平 (용평) 至 江陵 (강릉) | ||||
| 9:10 | 13:00 | 17:10 | 22:40 | 0:30 |
| 江陵 (강릉) 至 龍平 (용평) | ||||
| 7:30 | 11:20 | 15:20 | 19:00 | 23:10 |
我哋呢日滑完雪，番酒店房換好衫，就行過去 Tower Plaza 出面個停車場，準備搭 18:20 班穿梭巴士去橫溪搵食嘞。我哋大約夜晚六點出到個停車場，已經見到兩部橙紅色嘅穿梭巴士停喺度等緊啲人上車。我哋呢個鐘數上到架車啲座位已經差不多坐滿，之後上車嘅都要罰企
。 呢程車大約半個鐘，程巴士喺橫溪有幾個中途站，佢嘅總站係嗰度一個長途汽車客運站對出一個郵局嘅門口嚟；之但係我見車上面啲人都係喺呢個總站之前嘅一個站落車；反正今次嚟到都係諗住四圍撞搵嘢食，於是我哋都跟大隊喺呢個站落車嘞。落咗車我哋就四圍行吓搵地方食飯；我見呢度好多店舖都係食韓燒嘅，不過連續兩晚都係食韓燒嘅我哋點都想搵啲第二啲款式嘅嘢試吓。
嗰度好多食肆都有啲咁樣嘅餐牌貼咗喺門口度；呢啲餐牌好多都有中文翻譯，日文同英文我見都有但感覺上好似中文比較多。
行過幾間食肆，有炸雞有韓燒，最後就係見到呢個餐牌。我哋呢幾日舟車勞動，滑雪呢啲活動又咁大運動量，實在係好需要食番啲有榮養嘅食物補充番吓啲榮養嘅。咁大伙兒見到呢個咁有榮養嘅餐單，仲要有仁參雞食咁補身，當然係二話不說衝入去開飯啦
。我哋入到去，啲店小二帶我哋入咗間榻榻米房坐低，間房入面掛住啲餐牌係全韓文我哋完全睇唔明；跟住店小二再帶我哋睇出面走廊個餐牌，我哋睇完呢個餐牌先知 ~ 呢間咁有榮養嘅食府原來係食狗肉嘅
！ 查實喺韓國開狗肉餐廳係合法嘅，當地好多老一輩嘅人都認為狗肉係滋補嘅食材，所以狗肉湯煱又叫補身湯。不過就算話點補身都好狗肉呢家嘢我哋實在係接受唔到囉
。結果真係十萬個唔好意思，戇居居咁入咗人哋間舖頭度搞完一大輪又冇幫襯 。狗肉唔啱食咁唯有再行吓搵吓有乜其他選擇嘞。 行吓行吓我哋行到附近一條都幾多嘢食嘅街道，條街有間紫菜包飯店，有間食刀削麵，有間中華料理 …… 我哋最後就撞咗入去一間食牛蹄煱嘅小店嘞。
上面個地圖就記錄咗呢晚我哋去食飯嗰條街嘅位置喺邊度嘞。由個地圖度都可以睇到我哋昨晚食韓牛嗰間大關嶺韓牛村嘅位置；查實呢間韓牛村離開去橫溪程穿梭巴士總站個郵局唔係好遠，由龍平去嗰度食韓牛嘅話坐穿梭巴士過去一樣可以。
呢間小店由一位阿豬媽打骰；呢度由大廚、水吧、店小二到收銀都係由呢位阿豬媽一手包辦，相當厲害
。呢間小店啲餐牌都有中韓文對照，手指指再加啲身體語言點幾個餐完全冇難度
。我哋呢晚就點咗啲牛蹄同牛頭肉湯煱試吓。嗰度仲有啲豬血腸火煱同湯飯，同埋炒牛雜之類嘅菜單。
呢間小店唔算係太煩忙嗰隻，我哋食飯嗰陣間唔時會有一兩個客人入去食飯；見佢哋同老板娘都有傾有講，又有個著住套西裝咁；我估佢哋都係啲喺附近住，放咗工嚟呢度食埋晚飯先番屋企嘅熟客嚟。
查實呢餐唔算話係特別好食，只係不過不失家常便飯咁嘅一餐。不過去旅行除咗要食到嗰啲又出名又有當地特色嘅華麗美食之外，我都幾恨可以走入去啲當地人平時放咗工會走入去嘅平凡小店，試一試佢哋日常生活中會食得到嘅平凡味道。
食完晚飯我哋繼續喺附近行多陣，行吓啲便利店買吓嘢食咁；行行吓又撞咗入間裝璜都唔差嘅麵包店，咁又買咗幾個包第二朝做早餐。
行吓行吓差唔多到 9 點，我哋就過去橫溪個長途巴士客運站對出間郵局度等巴士番歸；架穿梭巴士亦準時 9 點到站。
番到龍平查實都已經幾夜吓。不過雖然天都黑齊，但係滑雪場呢度依然都仲係相當熱鬧
。龍平滑雪場呢度入夜後有幾場滑雪時段，最早一場由 18:30 玩到 22:00。
晏啲有場 Night Ski 由 21:00 玩到 00:30。
再大癮啲嘅玩埋場 Twilight Ski，由 23:00 玩到 02:30 都冇問題。
我原本出發前係諗住呢次滑雪點都搵一晚玩吓 Night Ski 嘅；不過呢一晚去橫溪食飯陣時感覺呢度夜晚真係凍得非常之得人驚吓；經過呢晚我當堂肴晒底
，結果呢次行程都冇玩過滑夜雪。我喺滑雪場行咗陣影吓相，跟住慢慢行番過去酒店嗰邊；呢日嘅行程活動亦就此完結嘞。
留言
發佈留言