哩日倒塔咁早六點幾鐘就要起身，梳洗完跟手喺酒店房食埋個快嘅早餐，七點前就出咗門口，去搭明洞 4 號線開去安山站嘅鐵道列車。
啲小朋友要去玩樂天世界，所以哩日去大阜島嘅行程查實我係單槍匹馬咁上陣。哩程地鐵要坐 29 個站，列車頭一段都係喺地下行駛，過咗十零個站之後，就比較多路段係喺地面上行駛嘞。
哩日嘅天氣十分唔錯
，坐到八點鐘咁上下旭日初升，我就喺車廂入面欣賞咗一個靚靚嘅日出美景嘞。
八點半鐘咁上下終於到達安山站；哩日預咗會喺大阜島逗留到日落，回程番到嚟安山站應該天都黑齊；於是嚫朝早陽光充沛，先喺回程同去程兩邊巴士站影定啲資料相。
等緊巴士嗰陣剛好有部去仁川機場嘅巴士到站；查實出發前我係有考慮過喺逗留韓國最後嗰日先嚟哩度玩，跟住由安山直接搭車去機場番香港的說。不過出發前見天文台預報嗰幾日嘅天氣唔錯，心諗嚟到有機會睇埋個靚嘅日落，所以先改變計劃俾足一日時間過嚟玩。
喺巴士站等咗廿零分鐘就上到巴士嘞；哩條巴士線唔係太繁忙，哩日全日坐過嗰幾轉巴士都唔使罰企有位坐。
大約一個鐘車程，架巴士就駛到大阜島哩邊嘅終點站 탄도 站，車上所有乘客亦會喺哩個車站度落車，之後架巴士會嚟個 U-Turn 駛過對面馬路；由大阜島終點站番安山站嘅話就要喺對面哩個巴士站度等車嘞。
上面個地圖就記低咗哩度個去程同回程巴士站嘅位置。喺哩度落咗巴士之後，向住海邊方向遠遠可以望見三座風力發電風車，哩幾座風車就係我哩日行程嘅第一站，樓愛島 ~ 消失的海路。
由巴士站落車步行幾分鐘會經過一個停車場，喺停車場度我都見有唔少當地韓國人一家大細專登渣車過嚟哩度觀光。哩個停車場後面有座安山漁村民族展覽館 (안산어촌민속박물관)，我去到嗰日係一月一日撞啱間展覽館放假休館入唔到去參觀
。由停車場向住海邊方向行過去，就會見到三座風力發電風車嘞。
哩三座風車後面有個叫樓愛島 (누에섬) 嘅小島 (啲日本網站譯哩個島做蚕島)；大阜島岸邊有條小徑可以步行或者渣車通往樓愛島同埋哩三座風力發電機組。
哩條小徑有樣幾好玩嘅特點，就係每日潮漲陣時哩條小徑都會有段時間會俾啲海水淹沒；有個日文網站都幾搞嘢
，用出埃及記、摩西奇蹟 (旧約聖書の「出エジプト記」に書かれている「モーゼの奇跡」… 海が割れて道が出現したという話。韓国の「海の道」は、これを連想させる風景だ) 嚟形容哩個咁特別嘅景象。
因為潮漲陣時通往樓愛島嘅哩條小徑會被海水淹沒，由岸邊通過小徑往返樓愛島同幾座風力發電機組嗰陣，就要注意安全哩個問題嘞。是關如果喺正潮漲嘅時段過咗去樓愛島嗰邊，喺潮水淹沒小徑之前番唔切對面岸，就要等到潮退之後先可以再次通過哩條小徑番過對面岸。
萬一唔小心正當黃昏時段咁樣上咗對面個小島，又剛啱入夜之前都仲未潮退，夜媽媽漆黑一片咁留咗喺個小島上面等潮退先至可以行番過去對面岸，到時個景況我估會幾得人驚吓
。
正因為有哩個安全嘅問題，啲人就喺哩度岸邊整咗個電子水牌，提醒嚟哩度玩嘅遊人每日潮漲同潮退嘅時段；嚟哩度最安全嘅玩法應該係 ~ 喺正值潮漲嘅時段就最好唔好過去小島嗰邊；要過去嘅話最好等過咗潮漲高峰，喺正值潮退嘅時段先好過去。
哩個網站有個安山市嘅潮汐表，入面可以搵到安山市最近一個月嘅每日潮汐預測；諗住過去玩嘅話，嚟之前就最好參考番表入面啲潮漲同潮退嘅高峰時間嚟計劃個行程嘞。
做得風力發電站嘅地方，可想而知哩度會有幾大風；加上零下五六度嘅氣溫，冬天嚟哩度行嘅感覺就好似入咗去一個打緊八號風球嘅雪櫃冰格一樣
。嗰日我每行過一個風車都要先搵個背風嘅位置曬一陣太陽暖一暖個身先可以行去下一個風車度。結果一段短短嘅小徑我來回足足搞咗成個幾鐘先行完。
樓愛島哩邊比較清靜，附近好少食嘢嘅店舖；我之後要去嗰頭啲街道比較旺容易啲搵嘢食。到晏晝十二點幾，我就行番過去巴士站嗰邊等車，搭巴士過咗去下一個要去嘅地方先再搵餐廳食飯嘞。
啲小朋友要去玩樂天世界，所以哩日去大阜島嘅行程查實我係單槍匹馬咁上陣。哩程地鐵要坐 29 個站，列車頭一段都係喺地下行駛，過咗十零個站之後，就比較多路段係喺地面上行駛嘞。
哩日嘅天氣十分唔錯
，坐到八點鐘咁上下旭日初升，我就喺車廂入面欣賞咗一個靚靚嘅日出美景嘞。八點半鐘咁上下終於到達安山站；哩日預咗會喺大阜島逗留到日落，回程番到嚟安山站應該天都黑齊；於是嚫朝早陽光充沛，先喺回程同去程兩邊巴士站影定啲資料相。
等緊巴士嗰陣剛好有部去仁川機場嘅巴士到站；查實出發前我係有考慮過喺逗留韓國最後嗰日先嚟哩度玩，跟住由安山直接搭車去機場番香港的說。不過出發前見天文台預報嗰幾日嘅天氣唔錯，心諗嚟到有機會睇埋個靚嘅日落，所以先改變計劃俾足一日時間過嚟玩。
喺巴士站等咗廿零分鐘就上到巴士嘞；哩條巴士線唔係太繁忙，哩日全日坐過嗰幾轉巴士都唔使罰企有位坐。
大約一個鐘車程，架巴士就駛到大阜島哩邊嘅終點站 탄도 站，車上所有乘客亦會喺哩個車站度落車，之後架巴士會嚟個 U-Turn 駛過對面馬路；由大阜島終點站番安山站嘅話就要喺對面哩個巴士站度等車嘞。
上面個地圖就記低咗哩度個去程同回程巴士站嘅位置。喺哩度落咗巴士之後，向住海邊方向遠遠可以望見三座風力發電風車，哩幾座風車就係我哩日行程嘅第一站，樓愛島 ~ 消失的海路。
由巴士站落車步行幾分鐘會經過一個停車場，喺停車場度我都見有唔少當地韓國人一家大細專登渣車過嚟哩度觀光。哩個停車場後面有座安山漁村民族展覽館 (안산어촌민속박물관)，我去到嗰日係一月一日撞啱間展覽館放假休館入唔到去參觀
。由停車場向住海邊方向行過去，就會見到三座風力發電風車嘞。哩三座風車後面有個叫樓愛島 (누에섬) 嘅小島 (啲日本網站譯哩個島做蚕島)；大阜島岸邊有條小徑可以步行或者渣車通往樓愛島同埋哩三座風力發電機組。
哩條小徑有樣幾好玩嘅特點，就係每日潮漲陣時哩條小徑都會有段時間會俾啲海水淹沒；有個日文網站都幾搞嘢
，用出埃及記、摩西奇蹟 (旧約聖書の「出エジプト記」に書かれている「モーゼの奇跡」… 海が割れて道が出現したという話。韓国の「海の道」は、これを連想させる風景だ) 嚟形容哩個咁特別嘅景象。因為潮漲陣時通往樓愛島嘅哩條小徑會被海水淹沒，由岸邊通過小徑往返樓愛島同幾座風力發電機組嗰陣，就要注意安全哩個問題嘞。是關如果喺正潮漲嘅時段過咗去樓愛島嗰邊，喺潮水淹沒小徑之前番唔切對面岸，就要等到潮退之後先可以再次通過哩條小徑番過對面岸。
萬一唔小心正當黃昏時段咁樣上咗對面個小島，又剛啱入夜之前都仲未潮退，夜媽媽漆黑一片咁留咗喺個小島上面等潮退先至可以行番過去對面岸，到時個景況我估會幾得人驚吓
。正因為有哩個安全嘅問題，啲人就喺哩度岸邊整咗個電子水牌，提醒嚟哩度玩嘅遊人每日潮漲同潮退嘅時段；嚟哩度最安全嘅玩法應該係 ~ 喺正值潮漲嘅時段就最好唔好過去小島嗰邊；要過去嘅話最好等過咗潮漲高峰，喺正值潮退嘅時段先好過去。
哩個網站有個安山市嘅潮汐表，入面可以搵到安山市最近一個月嘅每日潮汐預測；諗住過去玩嘅話，嚟之前就最好參考番表入面啲潮漲同潮退嘅高峰時間嚟計劃個行程嘞。
做得風力發電站嘅地方，可想而知哩度會有幾大風；加上零下五六度嘅氣溫，冬天嚟哩度行嘅感覺就好似入咗去一個打緊八號風球嘅雪櫃冰格一樣
。嗰日我每行過一個風車都要先搵個背風嘅位置曬一陣太陽暖一暖個身先可以行去下一個風車度。結果一段短短嘅小徑我來回足足搞咗成個幾鐘先行完。樓愛島哩邊比較清靜，附近好少食嘢嘅店舖；我之後要去嗰頭啲街道比較旺容易啲搵嘢食。到晏晝十二點幾，我就行番過去巴士站嗰邊等車，搭巴士過咗去下一個要去嘅地方先再搵餐廳食飯嘞。
留言
發佈留言