由樓愛島哩邊去海邊香氣公園，要坐由大阜島開去安山方向嘅 123 號巴士。下面個地圖就記低咗哩個公園同附近幾個巴士站嘅位置。嗰日我搭巴士去到 방아머리제1주차장 站落車；喺未入去個公園之前，先要搵咗地方醫肚先有氣力繼續行。
大阜島四面環海，本身係一個盛產各類海產嘅漁港嚟，亦因為咁哩度好多食店都係主打食海鮮。我落車位置條大馬路兩旁都有幾多食店；不過可能嗰度冇乜外地人會去，我行過幾間食店都唔見有韓文以外嘅菜牌。毫無頭緒之下，唯有求其撞入一間多啲人坐嘅舖頭，問啲店小二拎個餐牌嚟睇吓有乜好食嘞
。
我見哩度好多客人都係食一隻 shabu-shabu 咁嘅海鮮火鍋，不過我得一個人點唔到咁大份嘅套餐嚟食；個店小二見我一個外地人，都好醒目咁喺個餐牌度指咗三樣啱一個人食嘅餐單俾我揀；好彩我都早有準備部手機裝咗 Google Translate
。我拎住個餐牌坐低，用個 App 嘅 OCR 翻譯功能影相睇吓譯到嗰三個選擇係啲乜東東嚟 ；結果三個選擇翻譯出嚟，得 해물파전 譯做海鮮煎餅哩個我睇得明；咁嘅情況下，就唯有點哩個 W12,000 嘅海鮮煎餅餐嚟食嘞。
查實當時個 Google Tranlate 譯到另一個選擇 회덮밥 係 hoedeopbab，嗰陣時我睇唔明 hoedeopbab 係啲乜東東
；後來番到香港再仔細查吓先知原來 hoedeopbab 係魚生拌飯嚟。
跟餐哩碗嘢最初我以為係用嚟點煎餅嘅調味汁嚟，就好似食燻蹄嗰陣會跟一碗仔酸汁嗰隻咁。不過試咗兩啖哩隻 "調味汁" 之後就開始覺得有啲唔妥嘞，點解哩隻汁咁重酒味嘅
？ 同時間坐我隔離一個韓國女仔拍咗我一拍講咗幾句韓文，再指指我枱面另一碟醬汁，我先醒水哩碗嘢原來係一碗米酒嚟 
。真係冇諗過韓國哩邊就算係午飯時間，普通一個晏晝飯都會有米酒跟餐啲人咁飲得嘅。
記得出發前幾個月睇嗰套韓劇《不要戀愛要結推婚》入面，查實都見過哩隻差唔多顏色嘅米酒。話說套劇入面韓可露同鄭珍雲一齊開咗間餐廳，其中一幕就講韓可露向未來奶奶推薦自己新店入面賣嘅招牌米酒。
後來韓可露忍唔住要教訓嗰個包二奶嘅未來老爺，淋到老爺一身都係嘅亦係用哩隻米酒。
唔知哩間舖頭係咪都好似套韓劇咁，用獨門配方自家釀酒，所以跟餐都會醒碗自家製嘅招牌佳釀俾啲客人試吓咁
。查實碗酒嘅味道都算唔錯，不過碗嘢啲酒味好重，成碗飲晒嘅話我驚嗰日我會番唔到首爾 
，所以都係輕輕啜咗幾啖試吓味就算。
填飽咗個肚，跟住就出發去海邊香氣公園嗰邊行吓幫助消化嘞
。喺我落巴士嗰個位置向東南方向行，首先會經過一個停車場。
穿過停車場之後會見到一個咁嘅空地，空地嘅另一邊就係公園嘅入口嚟。
係哩個入口嘅位置可以望見遠處有幾座風車型嘅建築，沿住入口一條小路，大約步行幾分鐘就去到哩個海邊香氣公園嘞。
幾年前 KBS 拍過一部叫《青春不敗》嘅綜藝節目，大阜島就係哩個節目第二季嘅拍攝場地嚟。
哩個綜藝節目係玩點樣喺漁村入面過啲自給自足嘅生活作為主題。
公園入面到依家都仲可以睇番當時哩個節目拍攝陣時留低嘅宣傳佈景。
當時有啲哩個節目嘅台灣 Fan 屎追星追到嚟大阜島；我都係上網搵到佢哋嚟過之後寫低嘅遊記，先搵到點搭車去大阜島哩度嘅線索。
查實今次喺冬天嚟行哩個公園，睇唔到哩個公園最靚嘅一面
。
是關到咗春暖花開嘅日子，哩個公園就會種滿鮮花；如果可以遲幾個月過嚟，就可以睇到哩度遍地開花襯托住嗰幾座風車建築嘅靚靚景色嘞
。
嗰日見到哩度有幾座風車入面放咗啲畫作，話唔定係啲小型畫展嚟。
不過可能我去到嗰日係一月一日公眾假期，啲風車冇開門所以入唔到去睇
。
行完哩個公園就番去之前食晏嗰個位置等巴士嘞。
哩度望海嗰邊有個沙灘，沙灘遠處都可以望到另一個風力發電站。
大阜島哩度基本上望到海嘅地方都係好大風吹到企都企唔穩嗰隻，亦因為咁哩度海邊見到啲海浪都會係幾壯觀吓。
嗰日到晏晝三點咁上下，我就由海邊香氣公園哩邊再坐番嗰程 123 號巴士番過去頭先睇風力發電站嗰個泥灘；是關嗰日見天色唔錯，所以決定喺大阜島哩邊留晏啲，想話睇埋個日落先回程番首爾。
大阜島四面環海，本身係一個盛產各類海產嘅漁港嚟，亦因為咁哩度好多食店都係主打食海鮮。我落車位置條大馬路兩旁都有幾多食店；不過可能嗰度冇乜外地人會去，我行過幾間食店都唔見有韓文以外嘅菜牌。毫無頭緒之下，唯有求其撞入一間多啲人坐嘅舖頭，問啲店小二拎個餐牌嚟睇吓有乜好食嘞
。我見哩度好多客人都係食一隻 shabu-shabu 咁嘅海鮮火鍋，不過我得一個人點唔到咁大份嘅套餐嚟食；個店小二見我一個外地人，都好醒目咁喺個餐牌度指咗三樣啱一個人食嘅餐單俾我揀；好彩我都早有準備部手機裝咗 Google Translate
。我拎住個餐牌坐低，用個 App 嘅 OCR 翻譯功能影相睇吓譯到嗰三個選擇係啲乜東東嚟 ；結果三個選擇翻譯出嚟，得 해물파전 譯做海鮮煎餅哩個我睇得明；咁嘅情況下，就唯有點哩個 W12,000 嘅海鮮煎餅餐嚟食嘞。查實當時個 Google Tranlate 譯到另一個選擇 회덮밥 係 hoedeopbab，嗰陣時我睇唔明 hoedeopbab 係啲乜東東
；後來番到香港再仔細查吓先知原來 hoedeopbab 係魚生拌飯嚟。跟餐哩碗嘢最初我以為係用嚟點煎餅嘅調味汁嚟，就好似食燻蹄嗰陣會跟一碗仔酸汁嗰隻咁。不過試咗兩啖哩隻 "調味汁" 之後就開始覺得有啲唔妥嘞，點解哩隻汁咁重酒味嘅
？ 同時間坐我隔離一個韓國女仔拍咗我一拍講咗幾句韓文，再指指我枱面另一碟醬汁，我先醒水哩碗嘢原來係一碗米酒嚟 。真係冇諗過韓國哩邊就算係午飯時間，普通一個晏晝飯都會有米酒跟餐啲人咁飲得嘅。記得出發前幾個月睇嗰套韓劇《不要戀愛要結推婚》入面，查實都見過哩隻差唔多顏色嘅米酒。話說套劇入面韓可露同鄭珍雲一齊開咗間餐廳，其中一幕就講韓可露向未來奶奶推薦自己新店入面賣嘅招牌米酒。
後來韓可露忍唔住要教訓嗰個包二奶嘅未來老爺
，淋到老爺一身都係嘅亦係用哩隻米酒。唔知哩間舖頭係咪都好似套韓劇咁，用獨門配方自家釀酒，所以跟餐都會醒碗自家製嘅招牌佳釀俾啲客人試吓咁
。查實碗酒嘅味道都算唔錯，不過碗嘢啲酒味好重，成碗飲晒嘅話我驚嗰日我會番唔到首爾 ，所以都係輕輕啜咗幾啖試吓味就算。填飽咗個肚，跟住就出發去海邊香氣公園嗰邊行吓幫助消化嘞
。喺我落巴士嗰個位置向東南方向行，首先會經過一個停車場。穿過停車場之後會見到一個咁嘅空地，空地嘅另一邊就係公園嘅入口嚟。
係哩個入口嘅位置可以望見遠處有幾座風車型嘅建築，沿住入口一條小路，大約步行幾分鐘就去到哩個海邊香氣公園嘞。
幾年前 KBS 拍過一部叫《青春不敗》嘅綜藝節目，大阜島就係哩個節目第二季嘅拍攝場地嚟。
哩個綜藝節目係玩點樣喺漁村入面過啲自給自足嘅生活作為主題。
公園入面到依家都仲可以睇番當時哩個節目拍攝陣時留低嘅宣傳佈景。
當時有啲哩個節目嘅台灣 Fan 屎追星追到嚟大阜島；我都係上網搵到佢哋嚟過之後寫低嘅遊記，先搵到點搭車去大阜島哩度嘅線索
。查實今次喺冬天嚟行哩個公園，睇唔到哩個公園最靚嘅一面
。是關到咗春暖花開嘅日子，哩個公園就會種滿鮮花；如果可以遲幾個月過嚟，就可以睇到哩度遍地開花襯托住嗰幾座風車建築嘅靚靚景色嘞
。嗰日見到哩度有幾座風車入面放咗啲畫作，話唔定係啲小型畫展嚟。
不過可能我去到嗰日係一月一日公眾假期，啲風車冇開門所以入唔到去睇
。行完哩個公園就番去之前食晏嗰個位置等巴士嘞。
哩度望海嗰邊有個沙灘，沙灘遠處都可以望到另一個風力發電站。
大阜島哩度基本上望到海嘅地方都係好大風吹到企都企唔穩嗰隻，亦因為咁哩度海邊見到啲海浪都會係幾壯觀吓
。嗰日到晏晝三點咁上下，我就由海邊香氣公園哩邊再坐番嗰程 123 號巴士番過去頭先睇風力發電站嗰個泥灘；是關嗰日見天色唔錯，所以決定喺大阜島哩邊留晏啲，想話睇埋個日落先回程番首爾。
留言
發佈留言