番過嚟樓愛島哩邊查實主要有兩個目的，首先係因為見哩日天色唔錯，樓愛島係大阜島哩邊其中一個睇日落嘅絕佳地點嚟，所以諗住番過嚟樓愛島哩邊睇埋哩度嘅日落先回程番首爾；而另一個目的，就係想趁住潮漲嘅哩段時間，睇吓通向樓愛島哩條海路喺海中消失嗰陣嘅景象。
不過由海邊香氣公園番到過嚟，發現哩度潮漲同潮退嘅水位同我最初所想像嘅落差好大；我大約晏晝四點鐘番到過嚟，先發現原來哩個時候嘅潮汐已經下降到整條海路露番晒出海面嘅水位
。留咗喺大阜島哩邊成日，結果都睇唔到哩條海路喺大海中消失嗰一刻嘅景象，實在係有啲可惜 
。
哩個時候嘅風勢細咗好多，同埋已經到咗潮退嘅時段，於是趁住個太陽仲未落山，先過去樓愛島嗰邊打個白鴿轉。
樓愛島對出有條向海嘅小徑，嗰陣都仲可以睇到少少海水浸過條小徑陣時嘅景象。
不過真正喺潮漲高峰陣時見到嘅消失的海路，查實係好玩好多；喺哩個韓國人寫嘅博客入面，網頁最底有幾張相，可以睇到潮漲時海水浸沒條小徑嗰陣嘅有趣景象。
樓愛島上面有條環島而建嘅步行徑，嚟到可以圍住個島一邊散吓步一邊欣賞吓小島四周嘅海景。步行徑向住風車方向有一段石級通往一個小山丘，上到去可以轉個居高臨下嘅角度，欣賞吓嗰幾座風車同附近一帶泥灘嘅靚靚景色
。
島上面另外仲有條斜路通往一座燈塔；我估平日哩座燈塔係會開放俾啲遊客入去參觀嘅，不過撞啱我去到嗰日係公眾假期個燈塔關咗門，今次我就入唔到去睇座燈塔入面係點環境嘞
。
差唔多到日落時間，要過番去對面岸搵番個有利嘅位置準備影日落嘞。
檢討番今次嘅行程，因為嚟之前我對哩度潮汐嘅水位一無所知，結果係行多咗一轉不必要嘅回頭路之餘，亦錯失咗喺潮漲高峰嗰陣睇到海路消失嗰一刻嘅機會
。
原本我嘅想像係要過去樓愛島嗰邊嘅話，喺潮退最低水位前後嘅三個鐘嚟到會比較穩陣；預想中潮漲高峰前後三個鐘海路會俾啲海水浸過，所以就估哩段時間嚟到嘅話，應該可以睇到海路消失嗰陣嘅景象。
不過今次嚟到實地考察之後，先發現哩度嘅水位比我出發前所預想嘅低好多。喺潮退最低水位到潮漲高峰哩六個鐘當中，原來大部份嘅時間條海路都係露出海面嘅，海路俾海水完全浸過嘅時間查實只係好短。
所以嚟到樓愛島哩邊，如果想一次過睇晒哩度嘅日落、海路消失、同過埋去樓愛島嗰邊行吓嘅話，比較理想嘅計劃方法，應該係趁日落之前嘅潮漲高峰時段嚟到，同要喺潮漲高峰前後預足夠嘅時間來回樓愛島。
以我去哩一日嘅潮汐時間做個例子；查實我朝早十點幾嚟到大阜島，第一站應該先去海邊香氣公園行完再去食晏；哩日黃昏前嘅潮漲高峰時間係大約晏晝兩點；我只要晏晝點零兩點鐘到達樓愛島哩邊，趁潮漲高峰先睇咗消失的海路；潮漲高峰後嘅個零兩個鐘，潮汐水位應該已經下降到小徑露番出海面嘅地步，咁哩個時候就可以行過去嗰幾座風車同樓愛島嗰邊遊覽嘞。行完樓愛島之後再預足夠時間番過對面岸影埋個日落；咁玩嘅話就可以用最少嘅時間，一次過睇晒大阜島哩度幾個值得欣賞嘅景色嘞
。
到晏晝五點零鐘，個火紅落日亦差唔多從水平線上消失。哩邊人生路不熟，唔係太想摸黑行去等巴士；於是趁住個天仲未黑齊，影飽相就快步行過去巴士站嗰邊等巴士番過去安山站嘞。跟住又嚟兩個幾鐘車程，到夜晚七點幾鐘先番歸到達首爾，哩日嘅行程亦就此完結嘞。
不過由海邊香氣公園番到過嚟，發現哩度潮漲同潮退嘅水位同我最初所想像嘅落差好大；我大約晏晝四點鐘番到過嚟，先發現原來哩個時候嘅潮汐已經下降到整條海路露番晒出海面嘅水位
。留咗喺大阜島哩邊成日，結果都睇唔到哩條海路喺大海中消失嗰一刻嘅景象，實在係有啲可惜 。哩個時候嘅風勢細咗好多，同埋已經到咗潮退嘅時段，於是趁住個太陽仲未落山，先過去樓愛島嗰邊打個白鴿轉。
樓愛島對出有條向海嘅小徑，嗰陣都仲可以睇到少少海水浸過條小徑陣時嘅景象。
不過真正喺潮漲高峰陣時見到嘅消失的海路，查實係好玩好多；喺哩個韓國人寫嘅博客入面，網頁最底有幾張相，可以睇到潮漲時海水浸沒條小徑嗰陣嘅有趣景象。
樓愛島上面有條環島而建嘅步行徑，嚟到可以圍住個島一邊散吓步一邊欣賞吓小島四周嘅海景。步行徑向住風車方向有一段石級通往一個小山丘，上到去可以轉個居高臨下嘅角度，欣賞吓嗰幾座風車同附近一帶泥灘嘅靚靚景色
。島上面另外仲有條斜路通往一座燈塔；我估平日哩座燈塔係會開放俾啲遊客入去參觀嘅，不過撞啱我去到嗰日係公眾假期個燈塔關咗門，今次我就入唔到去睇座燈塔入面係點環境嘞
。差唔多到日落時間，要過番去對面岸搵番個有利嘅位置準備影日落嘞。
檢討番今次嘅行程，因為嚟之前我對哩度潮汐嘅水位一無所知，結果係行多咗一轉不必要嘅回頭路之餘，亦錯失咗喺潮漲高峰嗰陣睇到海路消失嗰一刻嘅機會
。原本我嘅想像係要過去樓愛島嗰邊嘅話，喺潮退最低水位前後嘅三個鐘嚟到會比較穩陣；預想中潮漲高峰前後三個鐘海路會俾啲海水浸過，所以就估哩段時間嚟到嘅話，應該可以睇到海路消失嗰陣嘅景象。
不過今次嚟到實地考察之後，先發現哩度嘅水位比我出發前所預想嘅低好多。喺潮退最低水位到潮漲高峰哩六個鐘當中，原來大部份嘅時間條海路都係露出海面嘅，海路俾海水完全浸過嘅時間查實只係好短。
所以嚟到樓愛島哩邊，如果想一次過睇晒哩度嘅日落、海路消失、同過埋去樓愛島嗰邊行吓嘅話，比較理想嘅計劃方法，應該係趁日落之前嘅潮漲高峰時段嚟到，同要喺潮漲高峰前後預足夠嘅時間來回樓愛島。
以我去哩一日嘅潮汐時間做個例子；查實我朝早十點幾嚟到大阜島，第一站應該先去海邊香氣公園行完再去食晏；哩日黃昏前嘅潮漲高峰時間係大約晏晝兩點；我只要晏晝點零兩點鐘到達樓愛島哩邊，趁潮漲高峰先睇咗消失的海路；潮漲高峰後嘅個零兩個鐘，潮汐水位應該已經下降到小徑露番出海面嘅地步，咁哩個時候就可以行過去嗰幾座風車同樓愛島嗰邊遊覽嘞。行完樓愛島之後再預足夠時間番過對面岸影埋個日落；咁玩嘅話就可以用最少嘅時間，一次過睇晒大阜島哩度幾個值得欣賞嘅景色嘞
。到晏晝五點零鐘，個火紅落日亦差唔多從水平線上消失。哩邊人生路不熟，唔係太想摸黑行去等巴士；於是趁住個天仲未黑齊，影飽相就快步行過去巴士站嗰邊等巴士番過去安山站嘞。跟住又嚟兩個幾鐘車程，到夜晚七點幾鐘先番歸到達首爾，哩日嘅行程亦就此完結嘞。
留言
發佈留言