班機大約晏晝兩點到達台中機場。落機拎番件行李出到出入境大堂，第一件事先去中華電訊個櫃位出番張 7 日無限上網電話卡。
哩張卡喺台中上網嚟講都算相當穩定；唔計喺合歡山影日落嗰啲山旮旯位置，基本上今次喺台中嘅行程當中絕大部份地方哩張卡都算做收得唔錯。
搵巴士搭之前首先要搵間便利店幫張悠遊卡充一充值。我一路以為台中機場間 Family Mart 係喺國際線嘅客運大樓入面，結果喺客運大樓行完一轉都搵唔到間嘢喺邊；跟住問一問啲櫃位先知原來間舖頭係開喺客運大樓對面街度
。
台中機場國際線客運大樓隔離係內陸線嘅客運大樓，行過埋哩座內陸線嘅客運大樓出番室外，會見到一個停車場。喺嗰個位置過一過對面馬路再跟番相同方向行多兩步，先至係間 Family Mart 開舗嘅位置。
喺香港平日番工就咁坐兩程地鐵都差唔多要成 4 草嘢一日，嚟到台中諗住喺度過咁多日，二三百蚊港幣巴士錢應該唔難使得晒呱；結果就係因為咁諗咄事，一時衝動幫張悠遊卡一次過充值咗成千蚊台幣
。實在估唔到用張悠遊卡坐巴士首十公里免費哩家嘢可以抵玩成咁，之後我喺台中市內好多程巴士查實都係免費；結果之後去溪頭同清境嗰幾程車都唔可以買比較抵玩嘅套票，要改拍悠遊卡俾車錢先至使得晒哩次啲充值 
。
喂飽咗張悠遊卡跟住就行番過去國際線客運大樓嗰邊，落一落自動電梯再行過一條走廊，就係機場巴士嘅候車室，候車室出面就係機場巴士站；下面個地圖就記低咗哩個巴士站嘅位置。
由哩個巴士站可以坐 302 又或者 9 號公車去台中火車站。今次有幾程長途啲嘅交通都要帶住件行李坐公車；因為出發前唔知台中啲巴士內部係點環境，擔心如果拖住隻篋上巴士嘅話會阻住其他乘客上落車比人白眼，於是今次出城改為咩背囊，諗住跟身啲行裝冇咁掗拃嘅話上落巴士就唔怕阻到其他人。
不過經過哩次嘅實地考察，就以我今次咁嘅行程嚟計，拖篋嚟講查實問題亦唔係太大。之後會講到，查實來回清境嗰幾程公車都係用有行李架嘅大型旅遊巴，拖篋嘅話只要上落車陣時叫司機開一開行李架俾我放低件行李就可以。哩日我坐去台中嘅 302 號公車可能本身係來回機場嘅巴士線，巴士入面有預位俾乘客放大件嘅行李，所以拖篋上落哩條巴士線亦冇乜問題。
至於另一條可以由機場直達台中火車站嘅 9 號巴士線，我之後去高美濕地嗰日坐過一次。哩條線嘅公車就冇預位俾乘客放大件行李；拖隻篋太大嘅話就可能唔係好適合坐哩條公車線。
啫話就以我今次咁嘅行程嚟計，查實全程都有適合帶大件行李嘅公車選擇；只係如果隨身行李嘅機動性大啲，可以坐嘅公車選擇就會多啲咁解。
哩程 302 號公車由台中機場開出，大約個零鐘車程就開到台中火車站。到步第一件事先番酒店放低件行李。今次喺台中市落腳嘅客棧，係哩間舖號叫達欣商務精品飯店嘅一隻單人房；先睇睇哩間客棧內部係點環境。
佢哩隻單人睡房空間尚算寬敞，床舖地毯都執得幾乾淨企理；當初我揀哩間客棧嘅其中一個主要原因係佢哋所有單人房都一定有窗；不過肯定有窗嘅只限單人房型，其他嘅房型就未必一定有。佢個洗手間啲裝修都仲係幾新淨，廁所浴室啲清潔亦做得唔錯，浴室熱水供應充足去水亦暢通。我對哩間客棧整體嘅評價不俗，值得推薦
。
放低件行李之後先落街打個白鴿轉。哩間客棧一落樓就係台中火車站。由火車站哩邊經一條行人隧道可以行過去後火車站；後火車站哩邊有間大魯閣新時代購物中心，中心入面有間家樂福德安店，哩間家樂福有一層幾大嘅商場主要係賣啲家品雜貨，佢另外有一層食品超市；查實行過去主要係想去超市嗰邊買定啲生果哩幾日食。
買完嘢先番酒店房放低啲生果，跟住就過去巴士站坐公車去逢甲夜市嗰邊行吓順便食晚飯嘞。
台中客運有條 33 號公車線，哩條巴士線喺台中火車站有個中途站可以上車坐去逢甲大學嘅福星路站，車程大約一個鐘咁上下。
落咗車，先沿住福星路行過去哩間鹿兒島拉麵火鍋專門店搞掂餐晚飯，打個靚底先再行過去夜市嗰邊掃街
。
哩間食店係一間樓上舖嚟，不過佢店舖位置門口有個幾顯眼嘅招牌所以唔係太難搵。
食完碗拉麵，跟住就沿住福星路向住逢甲大學方向，行過去夜市嗰邊繼續掃街嘞。
雖然嚟到哩日並唔係假日，不過成個夜市都相當熱鬧。
台灣夜市賣熟食嘅檔口就一定多咖嘞，不過見哩度夜市啲街道又唔覺話好污糟，衛生情況比起我好多年前喺台北士林見到嘅乾淨好多。
喺夜市行咗一圈都差唔多行到夜晚十一點；擔心再夜啲冇車搭
，於是行番過去巴士站嗰邊等車番酒店。喺巴士站等咗冇奈就有部經火車站嘅 5 號線公車到站。原本都冇諗住第一晚就踩到咁盡，但結果哩晚番到酒店都差唔多成十二點。
哩張卡喺台中上網嚟講都算相當穩定；唔計喺合歡山影日落嗰啲山旮旯位置，基本上今次喺台中嘅行程當中絕大部份地方哩張卡都算做收得唔錯。
搵巴士搭之前首先要搵間便利店幫張悠遊卡充一充值。我一路以為台中機場間 Family Mart 係喺國際線嘅客運大樓入面，結果喺客運大樓行完一轉都搵唔到間嘢喺邊；跟住問一問啲櫃位先知原來間舖頭係開喺客運大樓對面街度
。台中機場國際線客運大樓隔離係內陸線嘅客運大樓，行過埋哩座內陸線嘅客運大樓出番室外，會見到一個停車場。喺嗰個位置過一過對面馬路再跟番相同方向行多兩步，先至係間 Family Mart 開舗嘅位置。
喺香港平日番工就咁坐兩程地鐵都差唔多要成 4 草嘢一日，嚟到台中諗住喺度過咁多日，二三百蚊港幣巴士錢應該唔難使得晒呱；結果就係因為咁諗咄事，一時衝動幫張悠遊卡一次過充值咗成千蚊台幣
。實在估唔到用張悠遊卡坐巴士首十公里免費哩家嘢可以抵玩成咁，之後我喺台中市內好多程巴士查實都係免費；結果之後去溪頭同清境嗰幾程車都唔可以買比較抵玩嘅套票，要改拍悠遊卡俾車錢先至使得晒哩次啲充值 。喂飽咗張悠遊卡跟住就行番過去國際線客運大樓嗰邊，落一落自動電梯再行過一條走廊，就係機場巴士嘅候車室，候車室出面就係機場巴士站；下面個地圖就記低咗哩個巴士站嘅位置。
由哩個巴士站可以坐 302 又或者 9 號公車去台中火車站。今次有幾程長途啲嘅交通都要帶住件行李坐公車；因為出發前唔知台中啲巴士內部係點環境，擔心如果拖住隻篋上巴士嘅話會阻住其他乘客上落車比人白眼，於是今次出城改為咩背囊，諗住跟身啲行裝冇咁掗拃嘅話上落巴士就唔怕阻到其他人。
不過經過哩次嘅實地考察，就以我今次咁嘅行程嚟計，拖篋嚟講查實問題亦唔係太大。之後會講到，查實來回清境嗰幾程公車都係用有行李架嘅大型旅遊巴，拖篋嘅話只要上落車陣時叫司機開一開行李架俾我放低件行李就可以。哩日我坐去台中嘅 302 號公車可能本身係來回機場嘅巴士線，巴士入面有預位俾乘客放大件嘅行李，所以拖篋上落哩條巴士線亦冇乜問題。
至於另一條可以由機場直達台中火車站嘅 9 號巴士線，我之後去高美濕地嗰日坐過一次。哩條線嘅公車就冇預位俾乘客放大件行李；拖隻篋太大嘅話就可能唔係好適合坐哩條公車線。
啫話就以我今次咁嘅行程嚟計，查實全程都有適合帶大件行李嘅公車選擇；只係如果隨身行李嘅機動性大啲，可以坐嘅公車選擇就會多啲咁解。
哩程 302 號公車由台中機場開出，大約個零鐘車程就開到台中火車站。到步第一件事先番酒店放低件行李。今次喺台中市落腳嘅客棧，係哩間舖號叫達欣商務精品飯店嘅一隻單人房；先睇睇哩間客棧內部係點環境。
佢哩隻單人睡房空間尚算寬敞，床舖地毯都執得幾乾淨企理；當初我揀哩間客棧嘅其中一個主要原因係佢哋所有單人房都一定有窗；不過肯定有窗嘅只限單人房型，其他嘅房型就未必一定有。佢個洗手間啲裝修都仲係幾新淨，廁所浴室啲清潔亦做得唔錯，浴室熱水供應充足去水亦暢通。我對哩間客棧整體嘅評價不俗，值得推薦
。放低件行李之後先落街打個白鴿轉。哩間客棧一落樓就係台中火車站。由火車站哩邊經一條行人隧道可以行過去後火車站；後火車站哩邊有間大魯閣新時代購物中心，中心入面有間家樂福德安店，哩間家樂福有一層幾大嘅商場主要係賣啲家品雜貨，佢另外有一層食品超市；查實行過去主要係想去超市嗰邊買定啲生果哩幾日食。
買完嘢先番酒店房放低啲生果，跟住就過去巴士站坐公車去逢甲夜市嗰邊行吓順便食晚飯嘞。
台中客運有條 33 號公車線，哩條巴士線喺台中火車站有個中途站可以上車坐去逢甲大學嘅福星路站，車程大約一個鐘咁上下。
落咗車，先沿住福星路行過去哩間鹿兒島拉麵火鍋專門店搞掂餐晚飯，打個靚底先再行過去夜市嗰邊掃街
。哩間食店係一間樓上舖嚟，不過佢店舖位置門口有個幾顯眼嘅招牌所以唔係太難搵。
食完碗拉麵，跟住就沿住福星路向住逢甲大學方向，行過去夜市嗰邊繼續掃街嘞。
雖然嚟到哩日並唔係假日，不過成個夜市都相當熱鬧。
台灣夜市賣熟食嘅檔口就一定多咖嘞，不過見哩度夜市啲街道又唔覺話好污糟，衛生情況比起我好多年前喺台北士林見到嘅乾淨好多。
喺夜市行咗一圈都差唔多行到夜晚十一點；擔心再夜啲冇車搭
，於是行番過去巴士站嗰邊等車番酒店。喺巴士站等咗冇奈就有部經火車站嘅 5 號線公車到站。原本都冇諗住第一晚就踩到咁盡，但結果哩晚番到酒店都差唔多成十二點。
留言
發佈留言