行出機場出入境大堂有個巴士站可以揾到一條 615 號巴士線嘅總站，今次我哋來回萬塔機場同赫爾辛基都係坐哩條巴士線。
因為喺機場同赫爾辛基兩邊都係總站上落，所以坐哩程巴士我哋唔使擔心到站唔識落車，沿途唔使望實個 GPS 地圖可以安心睇吓風景。
由機場到赫爾辛基約莫大半個鐘車程，大約中午十二點半我哋就到達赫爾辛基市內 Railway Square 附近嘅巴士總站。
下面個地圖就記錄咗我哋到步赫爾辛基之後幾個活動嘅位置。
落車之後我哋都係向住啲熱鬧多人嘅地方行，諗住一路隨意行吓街影吓相一路揾地方食晏醫肚。
我哋落車嗰個巴士站對出有個廣場，入到去見到好多賣熟食嘅檔攤，我估可能剛啱哩日星期日廣場度有啲美食節之類嘅活動搞梗都未定；事關喺芬蘭我基本上係一個唔識字嘅文盲，所以實際上嗰度搞梗個乜嘢嘅活動就不得而知嘞。
我哋喺 Helsinki 哩日成日都係藍天白雲咁，算幾好彩成個旅程嘅最後一日都可以碰到好天氣。
出咗廣場之後蕩吓蕩吓蕩咗去 Stockmann 門口，Stockmann 係歐洲一個擁有過百年歷史嘅零售集團，佢嘅百貨公司同數百家時裝店分佈全球十七個國家，而哩座位於赫爾辛基嘅百貨旗艦店嘅面積就超過五十萬平方尺，係北歐最大嘅百貨公司嚟。
可惜我哋喺 Helsinki 逗留嘅時間有限，哩日都係想將啲時間用嚟行吓啲景點，所以我哋都冇入去哩間 Stockmann 嘅旗艦店度參觀吓。
喺 Stockmann 附近碰到一個玩音樂嘅街頭藝人，見佢套揾食架生都整得幾得意。
喺赫爾辛基嘅街上散步，差唔多條條街都可以見到幾橦好有歐陸風格嘅建築，例如哩座喺 1899 - 1901 年間建成嘅 Pohjola Insurance Building，就係一座典型嘅芬蘭民族浪漫風格 (Finnish National Romantic Architecture) 嘅建築嚟。
喺 Stockmann 附近睇咗幾間餐廳，朋友最後決定幫襯哩間日本料理食晏醫肚。
喺哩間餐廳我哋唔算食得好貴，平均每位落樓都係 EUR 10；食過晏晝之後，我哋就由漫無目的嘅遊蕩模式轉向目標模式進發嘞。
我哋由日本料理餐廳行返出去 Stockmann 樓下，又見到另一組玩大小提琴嘅街頭藝人表現。
哩日我哋行程嘅第一個目的地係 Suomenlinna Sveaborg 芬蘭堡，要去芬蘭堡首先要去 Senate Square 附近嘅一個碼頭。
Senate Square 廣場對面近海邊碼頭有一座噴水池，噴水池中央係一尊大海女神阿曼達 (Havis Amanda) 嘅青銅塑像，哩座銅像亦係嚟到赫爾辛基嘅遊客一個熱門打卡嘅地點嚟。
行到 Senate Square 之前我哋會先經過 Market Square，哩個廣場有個都算幾熱鬧吓嘅市集，由鮮花水果、海鮮熟食到服裝飾品雜貨哩度通通都有賣。
如果有時間嘅話喺度食吓嘢揀吓手信，要消磨一兩個鐘時間查實完全冇難度，不過哩日我哋喺 Helsinki 嘅時間有限，只可以經過係咁兒望一望哩個市集。
因為喺機場同赫爾辛基兩邊都係總站上落，所以坐哩程巴士我哋唔使擔心到站唔識落車，沿途唔使望實個 GPS 地圖可以安心睇吓風景。
由機場到赫爾辛基約莫大半個鐘車程，大約中午十二點半我哋就到達赫爾辛基市內 Railway Square 附近嘅巴士總站。
下面個地圖就記錄咗我哋到步赫爾辛基之後幾個活動嘅位置。
落車之後我哋都係向住啲熱鬧多人嘅地方行，諗住一路隨意行吓街影吓相一路揾地方食晏醫肚。
我哋落車嗰個巴士站對出有個廣場，入到去見到好多賣熟食嘅檔攤，我估可能剛啱哩日星期日廣場度有啲美食節之類嘅活動搞梗都未定；事關喺芬蘭我基本上係一個唔識字嘅文盲，所以實際上嗰度搞梗個乜嘢嘅活動就不得而知嘞。
我哋喺 Helsinki 哩日成日都係藍天白雲咁，算幾好彩成個旅程嘅最後一日都可以碰到好天氣。
出咗廣場之後蕩吓蕩吓蕩咗去 Stockmann 門口，Stockmann 係歐洲一個擁有過百年歷史嘅零售集團，佢嘅百貨公司同數百家時裝店分佈全球十七個國家，而哩座位於赫爾辛基嘅百貨旗艦店嘅面積就超過五十萬平方尺，係北歐最大嘅百貨公司嚟。
可惜我哋喺 Helsinki 逗留嘅時間有限，哩日都係想將啲時間用嚟行吓啲景點，所以我哋都冇入去哩間 Stockmann 嘅旗艦店度參觀吓。
喺 Stockmann 附近碰到一個玩音樂嘅街頭藝人，見佢套揾食架生都整得幾得意。
喺赫爾辛基嘅街上散步，差唔多條條街都可以見到幾橦好有歐陸風格嘅建築，例如哩座喺 1899 - 1901 年間建成嘅 Pohjola Insurance Building，就係一座典型嘅芬蘭民族浪漫風格 (Finnish National Romantic Architecture) 嘅建築嚟。
喺 Stockmann 附近睇咗幾間餐廳，朋友最後決定幫襯哩間日本料理食晏醫肚。
喺哩間餐廳我哋唔算食得好貴，平均每位落樓都係 EUR 10；食過晏晝之後，我哋就由漫無目的嘅遊蕩模式轉向目標模式進發嘞。
我哋由日本料理餐廳行返出去 Stockmann 樓下，又見到另一組玩大小提琴嘅街頭藝人表現。
哩日我哋行程嘅第一個目的地係 Suomenlinna Sveaborg 芬蘭堡，要去芬蘭堡首先要去 Senate Square 附近嘅一個碼頭。
Senate Square 廣場對面近海邊碼頭有一座噴水池，噴水池中央係一尊大海女神阿曼達 (Havis Amanda) 嘅青銅塑像，哩座銅像亦係嚟到赫爾辛基嘅遊客一個熱門打卡嘅地點嚟。
行到 Senate Square 之前我哋會先經過 Market Square，哩個廣場有個都算幾熱鬧吓嘅市集，由鮮花水果、海鮮熟食到服裝飾品雜貨哩度通通都有賣。
如果有時間嘅話喺度食吓嘢揀吓手信，要消磨一兩個鐘時間查實完全冇難度，不過哩日我哋喺 Helsinki 嘅時間有限，只可以經過係咁兒望一望哩個市集。
留言
發佈留言