行程最後一日，我哋朝早會出車去行吓一個叫 Seven Sisters Cliffs 嘅景點，諗住玩到 11 點零鐘就開車返機場交車。Seven Sisters Cliffs 呢個地方如果認真行嘅話查實係可以行足一整日，挑戰一條超過 20 公里嘅步道。

晏晝約莫四點幾我哋出車向下一站喺 Crowborough 嘅住宿處進發，途中諗住停一站買餸煮飯喇，點知揾嚟揾去因乜解究間間超市都打晒烊嘅？跟住先醒起喺 Harrogate 住嗰位朋友都提過我哋星期日英國大部份超市都會早啲收鋪嘅。