我地一行四人坐住架四駒車向喀什米爾機場進發。當架四駒車進入機場範圍時已經開始勁塞車，架車未去到機場大樓已經要過第一重安檢，我地終於可以見識到傳說中喀什米爾又麻煩又嚴格嘅多重安檢了。

茶實我地臨上船出發去碼頭之前發生咗段小插曲。昨日黃昏我地自己叫 Shikara 響 Nehru Park 對面個碼頭上船落船嘅時候可能有船伕認得我地係跟團嘅遊客，而呢個消息到今朝傳到去接待我地個團嘅當地 Agent 道，到我今日臨上船離開達爾湖嘅時候接待我地團個當地 Agent 啊頭竟然截住我同我講話因為我昨日自己叫船出去玩要收番我錢。

差唔多要離開船屋嗰陣，我地船屋嘅廚師叔叔出咗嚟露台同我地道別，咁我同佢吹吹吓水嗰陣廚師叔叔忽然邀請我地去參觀佢屋企。

食完個早餐，個團安排嘅船伕亦差唔多時間到達船屋門口，接我地去遊船河。

達爾湖嘅水上菜市場茶實係當地一個蔬菜批發市場，每日朝早大約5點鐘，當地菜販以小艇載著一批批蔬菜到湖中特定位置聚集及交易，直到大約朝早7點鐘完結。

食完飯，下午嘅節目又係 shopping。個團嘅 Shikara 三點零鐘就嚟到船屋門口，接我地去當地 Agent 嘅指定商店購物。我後來聽一位團友講，程船途中該位團友想去其他商店參觀但船伕話佢知佢係唔可以放團友去其他嘅商店。我地去嗰間商店主要售賣手飾盒，之前一晚都有個賣同類手飾盒嘅小販上過我地船屋兜售，呢間舖開嘅價的確係比我地昨晚個小販便宜，我朋友都買咗幾個飾盒番香港。