係 Milford Sound 回程番 Te Anau 呢段路沿途查實有幾個好值得一去嘅景點。不過我哋出車離開 Milford Sound 陣時個天都仲係落住幾大雨；見個天氣咁差，大伙兒原本係諗住放棄唔去回程途中嘅景點，直接開車番 Te Anau 旅舍煮飯休息嘅。
不過到我哋開車差唔多揸到 Chasm 嘅時候，見到前面有部車轉咗入去 Chasm 入口個停車場道。見前面有人入咗去玩，大伙兒就開始心動，講兩講結果就改變主意跟咗前面部車駛入去
。
在較大的地圖上查看紐西蘭南島自駕遊 2014 - Catlins & Milford Sound
Chasm 應該算係沿住 Milford Highway 咁多個觀光點當中最首選嘅一個景點嚟；上面個地圖就記低咗 Chasm 呢個地方嘅位置。
跟指牌行入去，先要走過一段十數分鐘行程嘅森林步道。據講呢道如果係天晴冇風嘅日子，會有極大量嘅 Sandfly 係呢道出沒，所以嚟之前記得要帶定蚊怕水。我哋到步嗰日應該因為落住大雨，所以當時一隻 Sandfly 都見唔到。
過咗呢條步道之後就係一條木橋，木橋對面就係呢個峽谷嘅上游 Cleddau River。
Chasm 查實係流入 Milford Sound 嘅一個瀑布；呢個瀑布有樣特別嘅地方，就係佢係一個只可以用對耳仔聽，用雙眼係睇唔到嘅瀑布嚟
。
Milford Sound 係紐西蘭雨量最多嘅地方，嗰道一年有一半日子都係落雨天嚟。正因為 Milford Sound 雨量大，Chasm 上游嘅 Cleddau River 長年累月都可以保持住湍急嘅水流。
峽谷上嘅石頭長期被呢啲湍急嘅水流沖刷形成唔同大細嘅石洞，瀑布嘅水流就經過呢啲石洞流入峽谷。因為瀑布嘅水流係穿插係呢啲大小不一嘅石洞之間，所以呢個瀑布就咁用雙眼睇係睇唔到嘅。
嚟到 Chasm 其中一個觀光重點，就係呢啲被河水長期沖刷所形成嘅各種奇形怪狀嘅石洞。
雖然睇唔到瀑布嘅全貌，但沿住步道某些地點向下望，亦時不時可以見到瀑布部份嘅激烈水流，同聽到由呢啲水流所產生嘅澎湃聲響
。
過咗 Homer Tunnel 向 Milford Sound 嗰段公路，遊客經常都可以碰到呢隻紐西蘭特有嘅雀鳥品種 ~ Kea。呢日嚟到 Milford Sound 成日都落住大雨，本來諗住都應該唔會有機會見到佢哋。點知我哋行番出停車場陣時就見到有隻 Kea 係我哋部車側邊行嚟行去。可能佢哋已經太習慣被人類喂食，所以一見到停車場或者隧道口有多幾部汽車聚集，就識得走埋去搵人喂嘢俾佢哋食
。
離開 Chasm 之後，回程番 Te Anau 都係要先經一經 Homer Tunnel。
過咗隧道後，中途係 Pop's View Lookout 停一停，呢道可以遠眺 Hollyford Valley 嘅風景。
Te Anau Downs 係 Milford Track 嘅一個起點嚟；而 Milford Track 就係 Fiordland National Park 一個要 4 日行程嘅國家公園步道嘅路線。
我哋差唔多四點鐘番到 Te Anau 嘅旅舍；而呢個時候個天嘅天色亦開始好轉，不但止雨停咗，個天仲開始出番太陽。紐西蘭嘅天氣真係變化得非常之快。
係旅舍休息咗一陣，同行朋友醒起既然呢場大雨都落完，不如問問 Real Journeys 嗰邊我哋昨晚去唔成嗰個螢火蟲洞 tour 今晚有冇得補飛去番吖？大伙兒本來都諗住攤抖完想出街行吓，於是唔打電話直接出車去 Real Journeys 近湖邊個辦事處道問。可惜去到辦事處嗰道啲工作人員話我哋知個螢火蟲洞要到第二日先修葺完成；我哋始終都冇機會去到呢個 tour
。
螢火蟲洞去唔成，呢日就有大把時間係 Te Anau 市內行行企企四圍遊蕩嘞。先沿住 Lake Te Anau 湖邊行咗陣，跟住再四圍睇吓市內啲商店，同去超市買餸準備一陣番旅舍煮晚飯。
紐西蘭夏天日照時間特別長；我哋行完街番到旅舍煮埋飯食完洗埋碗個太陽都仲未落山。
我哋今次入住呢間旅舍有樣幾正點嘅，就係旅舍有幾部單車住客可以免費揸去玩
。
不過見個太陽都就落山驚天黑揸唔掂條路，所以我哋都只係係咁兒揸出旅舍附近影吓相。
玩到太陽落山今日成個行程都算夠晒皮。差唔多夜晚十點大伙兒就番旅舍房沖涼休息，抖足精神準備明日嘅行程。
不過到我哋開車差唔多揸到 Chasm 嘅時候，見到前面有部車轉咗入去 Chasm 入口個停車場道。見前面有人入咗去玩，大伙兒就開始心動，講兩講結果就改變主意跟咗前面部車駛入去
。在較大的地圖上查看紐西蘭南島自駕遊 2014 - Catlins & Milford Sound
Chasm 應該算係沿住 Milford Highway 咁多個觀光點當中最首選嘅一個景點嚟；上面個地圖就記低咗 Chasm 呢個地方嘅位置。
跟指牌行入去，先要走過一段十數分鐘行程嘅森林步道。據講呢道如果係天晴冇風嘅日子，會有極大量嘅 Sandfly 係呢道出沒，所以嚟之前記得要帶定蚊怕水。我哋到步嗰日應該因為落住大雨，所以當時一隻 Sandfly 都見唔到。
過咗呢條步道之後就係一條木橋，木橋對面就係呢個峽谷嘅上游 Cleddau River。
Chasm 查實係流入 Milford Sound 嘅一個瀑布；呢個瀑布有樣特別嘅地方，就係佢係一個只可以用對耳仔聽，用雙眼係睇唔到嘅瀑布嚟
。Milford Sound 係紐西蘭雨量最多嘅地方，嗰道一年有一半日子都係落雨天嚟。正因為 Milford Sound 雨量大，Chasm 上游嘅 Cleddau River 長年累月都可以保持住湍急嘅水流。
峽谷上嘅石頭長期被呢啲湍急嘅水流沖刷形成唔同大細嘅石洞，瀑布嘅水流就經過呢啲石洞流入峽谷。因為瀑布嘅水流係穿插係呢啲大小不一嘅石洞之間，所以呢個瀑布就咁用雙眼睇係睇唔到嘅。
嚟到 Chasm 其中一個觀光重點，就係呢啲被河水長期沖刷所形成嘅各種奇形怪狀嘅石洞。
雖然睇唔到瀑布嘅全貌，但沿住步道某些地點向下望，亦時不時可以見到瀑布部份嘅激烈水流，同聽到由呢啲水流所產生嘅澎湃聲響
。過咗 Homer Tunnel 向 Milford Sound 嗰段公路，遊客經常都可以碰到呢隻紐西蘭特有嘅雀鳥品種 ~ Kea。呢日嚟到 Milford Sound 成日都落住大雨，本來諗住都應該唔會有機會見到佢哋。點知我哋行番出停車場陣時就見到有隻 Kea 係我哋部車側邊行嚟行去。可能佢哋已經太習慣被人類喂食，所以一見到停車場或者隧道口有多幾部汽車聚集，就識得走埋去搵人喂嘢俾佢哋食
。離開 Chasm 之後，回程番 Te Anau 都係要先經一經 Homer Tunnel。
過咗隧道後，中途係 Pop's View Lookout 停一停，呢道可以遠眺 Hollyford Valley 嘅風景。
Te Anau Downs 係 Milford Track 嘅一個起點嚟；而 Milford Track 就係 Fiordland National Park 一個要 4 日行程嘅國家公園步道嘅路線。
我哋差唔多四點鐘番到 Te Anau 嘅旅舍；而呢個時候個天嘅天色亦開始好轉，不但止雨停咗，個天仲開始出番太陽。紐西蘭嘅天氣真係變化得非常之快。
係旅舍休息咗一陣，同行朋友醒起既然呢場大雨都落完，不如問問 Real Journeys 嗰邊我哋昨晚去唔成嗰個螢火蟲洞 tour 今晚有冇得補飛去番吖？大伙兒本來都諗住攤抖完想出街行吓，於是唔打電話直接出車去 Real Journeys 近湖邊個辦事處道問。可惜去到辦事處嗰道啲工作人員話我哋知個螢火蟲洞要到第二日先修葺完成；我哋始終都冇機會去到呢個 tour
。螢火蟲洞去唔成，呢日就有大把時間係 Te Anau 市內行行企企四圍遊蕩嘞。先沿住 Lake Te Anau 湖邊行咗陣，跟住再四圍睇吓市內啲商店，同去超市買餸準備一陣番旅舍煮晚飯。
紐西蘭夏天日照時間特別長；我哋行完街番到旅舍煮埋飯食完洗埋碗個太陽都仲未落山。
我哋今次入住呢間旅舍有樣幾正點嘅，就係旅舍有幾部單車住客可以免費揸去玩
。不過見個太陽都就落山驚天黑揸唔掂條路，所以我哋都只係係咁兒揸出旅舍附近影吓相。
玩到太陽落山今日成個行程都算夠晒皮。差唔多夜晚十點大伙兒就番旅舍房沖涼休息，抖足精神準備明日嘅行程。
留言
發佈留言