呢個 Creative Queenstown Arts and Crafts Market 係逢星期六係皇后鎮嘅 Earnslaw Park 開市嘅。同呢日上晝去嗰個 Remarkables Market 唔同，呢個市集冇季節性，一年四季只要當日好天冇落雨就有得過去行。
顧名思義，呢個市集賣嘅主要都係工藝品。
睇番市集官方網站嘅解說，係呢道擺檔賣嘅必需係檔主親手製作嘅手工製品；任何進口貨同二手貨都唔可以係呢個市集道擺賣。
嚟呢道擺檔嘅主要係紐西蘭南島嘅藝術家同工藝家。除咗皇后鎮之外，尼爾森、基督城、旦尼丁、因弗卡吉爾同西岸嗰邊都有人會帶佢哋嘅作品過嚟開檔擺賣。
同好多紐西蘭嘅假日市集一樣，呢道都有歌手樂隊現場表現助興。
查實呢道啲市集嘅音樂表現同香港商場啲 Live Show 簽唱會一樣，當地啲 Fans 一樣會送花，一樣會拎住歌手嘅唱片囉簽名。分別係我哋啲騷嘅觀眾席坐嘅係膠櫈仔，而呢道嘅觀眾席就係一張綠油油嘅草地
。
聽完歌我哋就行過去市集道睇嘢嘞。呢道賣嘅手工藝品種好多；有畫布、手織服裝、玻璃工藝、木工玩具 …… 行過見呢檔賣啲顏色鮮艷嘅布藝玩具，相當搶眼。
有幾檔賣陶藝裝飾同器皿嘅亦各具特色；有啲器皿就設計得色彩鮮豔，有啲就以南島嘅湖光山色做設計主題，啲器皿嘅花紋都係逐隻咁手繪製作。
睇番官網嘅介紹，呢檔色彩鮮豔嘅陶瓷器皿，全部都係用電影 Ghost 主角用嗰隻陶輪人手製作的說
。
呢檔賣嘅玉石工藝，啲玉石都係嚟自紐西蘭本土，例如 Haast、Hpkitika 同 Greymouth。
不過我覺得呢道人氣最鼎盛嘅似乎都係呢個彩色繽紛嘅檔攤。
講開又講，呢個市集嘅主題係手工藝作品，所以呢道係冇食得嘅嘢賣嘅。
而呢個攤檔賣嘅，查實係各式蛋榚造形嘅番梘嚟。
檔主用啲靚靚嘅甜品架，將啲五顏六色嘅番梘蛋榚好認真咁擺設個檔口，吸引咗好多經過檔口嘅遊人停步參觀。
嚟到呢道先發現，原來識睇相係紐西蘭都可以搵到餐晏仔
。
原來掌相係紐西蘭似乎都幾流行。除咗係呢個市集見到有人擺檔之外，之後嗰日我哋係 Arrowtown 都見到有檔口幫人睇掌相。唔知識睇相可唔可以申請技術移民去紐西蘭嘅呢
？
燦爛嘅陽光，藍天白雲，靚絕嘅湖景，熱鬧嘅人群；實在幾好彩碰啱係一個咁好天嘅星期六嚟到皇后鎮，可以係咁靚嘅環境下行呢啲咁有特色嘅市集。
同行一位朋友預約咗呢日晏晝去玩 Skydive。我哋係市集道走走拍拍行咗大半個鐘，到差唔多時間，就一齊行番過去 Shotover Street 嗰邊 Nzone 嘅舖頭準備出發嘞。
顧名思義，呢個市集賣嘅主要都係工藝品。
睇番市集官方網站嘅解說，係呢道擺檔賣嘅必需係檔主親手製作嘅手工製品；任何進口貨同二手貨都唔可以係呢個市集道擺賣。
嚟呢道擺檔嘅主要係紐西蘭南島嘅藝術家同工藝家。除咗皇后鎮之外，尼爾森、基督城、旦尼丁、因弗卡吉爾同西岸嗰邊都有人會帶佢哋嘅作品過嚟開檔擺賣。
同好多紐西蘭嘅假日市集一樣，呢道都有歌手樂隊現場表現助興。
查實呢道啲市集嘅音樂表現同香港商場啲 Live Show 簽唱會一樣，當地啲 Fans 一樣會送花，一樣會拎住歌手嘅唱片囉簽名。分別係我哋啲騷嘅觀眾席坐嘅係膠櫈仔，而呢道嘅觀眾席就係一張綠油油嘅草地
。聽完歌我哋就行過去市集道睇嘢嘞。呢道賣嘅手工藝品種好多；有畫布、手織服裝、玻璃工藝、木工玩具 …… 行過見呢檔賣啲顏色鮮艷嘅布藝玩具，相當搶眼。
有幾檔賣陶藝裝飾同器皿嘅亦各具特色；有啲器皿就設計得色彩鮮豔，有啲就以南島嘅湖光山色做設計主題，啲器皿嘅花紋都係逐隻咁手繪製作。
睇番官網嘅介紹，呢檔色彩鮮豔嘅陶瓷器皿，全部都係用電影 Ghost 主角用嗰隻陶輪人手製作的說
。呢檔賣嘅玉石工藝，啲玉石都係嚟自紐西蘭本土，例如 Haast、Hpkitika 同 Greymouth。
不過我覺得呢道人氣最鼎盛嘅似乎都係呢個彩色繽紛嘅檔攤。
講開又講，呢個市集嘅主題係手工藝作品，所以呢道係冇食得嘅嘢賣嘅。
而呢個攤檔賣嘅，查實係各式蛋榚造形嘅番梘嚟。
檔主用啲靚靚嘅甜品架，將啲五顏六色嘅番梘蛋榚好認真咁擺設個檔口，吸引咗好多經過檔口嘅遊人停步參觀。
嚟到呢道先發現，原來識睇相係紐西蘭都可以搵到餐晏仔
。原來掌相係紐西蘭似乎都幾流行。除咗係呢個市集見到有人擺檔之外，之後嗰日我哋係 Arrowtown 都見到有檔口幫人睇掌相。唔知識睇相可唔可以申請技術移民去紐西蘭嘅呢
？燦爛嘅陽光，藍天白雲，靚絕嘅湖景，熱鬧嘅人群；實在幾好彩碰啱係一個咁好天嘅星期六嚟到皇后鎮，可以係咁靚嘅環境下行呢啲咁有特色嘅市集。
同行一位朋友預約咗呢日晏晝去玩 Skydive。我哋係市集道走走拍拍行咗大半個鐘，到差唔多時間，就一齊行番過去 Shotover Street 嗰邊 Nzone 嘅舖頭準備出發嘞。
留言
發佈留言