先講吓喺新社花海哩邊撒退嘅路線。原本嘅計劃係由花海會場行番過去中興嶺嗰個公車站，坐270, 271, 276 或者 277 號公車去到圓山新村站，再行過去之後嘅目的地 ~ 大坑情人橋嗰邊嘅。
之但係哩日走嗰陣又唔覺搭免費穿梭巴士嗰條龍好長，於是就試吓跟隊睇吓上唔上到車嘞；原來哩條穿梭巴士線啲班次都唔算太梳，等咗大半個鐘就上到車。
哩程免費穿梭巴士由新社花海出發，喺大坑圓環嘅一個巴士站有個中途站停車落客，之後再駛往太原停車場嘅終點站。因為出發前根本冇諗過搭哩程接駁巴士，上車嗰陣查實都唔係太清楚條巴士線啲站點嘅準確位置；當時只係見佢中途停大坑圓環站，心諗嗰度應該都係喺大坑情人橋附近，去到落車再諗點轉車問題應該唔大呱。
點知就係咁柒咗
。番到香港睇清楚先發現哩程接駁巴士嘅終點站太原停車場原來好近大坑情人橋，由太原停車場行路過去嘅話應該都係十分鐘路程左右。嗰陣查實唔應該喺大坑圓環站落車；由花海會場去大坑情人橋最方便嘅方法應該係直接坐穿梭巴士去到太原終點站再步行過去。
嗰日我去到大坑圓環站，落咗車之後先對一對個公車 App 睇吓有乜車啱搭，睇啱路線跟住就行兩步過去附近嘅大坑橋站等 51 號公車；上車坐幾個站去到部子景賢路站落車，行十分鐘咁上下就去到哩日行程嘅第二站 ~ 大坑情人橋。
查實哩晚過嚟嘅主要目的係影夜景。喺台中北屯區沿住大里溪哩度有幾座景觀橋，分別係浪漫情人橋、清新橋、藍天白雲橋同桃花源橋；其中情人橋、清新橋同藍天白雲橋哩三座橋相隔嘅距離比較近，由一座橋行去另一座只需要幾分鐘時間；而哩晚嘅目標就係哩三座觀景橋嘞
。
先嚟睇第一條浪漫情人橋。哩條橋嘅橋面係用強化玻璃製成，橋上面嘅鋼架結構油上粉紅色。
相比其他幾條觀光橋，情人橋係唯一一條行人天橋；因為冇行車安全考慮嘅需要，所以哩條橋上面可以用唔同顏色嘅射燈射向橋面上嘅強化玻璃，加上橋面上鋼架嘅倒影，就形成一個變化多端嘅心形燈光效果嘞
。
影完情人橋，跟住就沿住溪邊嘅行人路行過去清新橋。哩條清新橋又叫蝴蝶橋 ~ 典解要改個咁嘅名? 查實睇吓佢個造型就會明白。哩條橋係一條行車橋嚟，自然就唔做得好似情人橋咁玩嗰隻閃燈特效喇。
藍天白雲橋嘅設計就比較復古典雅，橋上面嘅最高處有兩座天壇裝置 LED 燈；整座橋油成藍白雙色，象徵藍天白雲。
查實沿住大里溪向南行一段路，重有一條叫新桃花源橋嘅觀光橋。不過哩條橋距離其他三條觀光橋比較遠；大坑哩邊夜晚啲街道都好靜好少人，我得一條友就唔想喺哩度行得太夜喇；所以影完三條觀光橋之後就收工搵車搭去一中商圈嗰頭搵地方食晚飯嘞。
行番過去之前嚟嗰陣落車嘅位置，嗰度對面馬路有個巴士站可以坐一程 15 號公車線去到中友百貨前面落車。原本出發前上網見一中商圈哩頭有間雙魚 2 次方好似幾啱一個人去食，想話哩晚過嚟試吓嘅；可惜太夜嚟到，去到發覺間舖原來已經打咗烊
。正當我諗梗附近有乜其他地方有得醫肚嗰陣，喺同一條街行過幾個舖位見到有間湯師父係主打食火鍋嘅；見佢舖頭咁晏都重幾旺場吓，心諗哩間嘢應該差極有限呱，於是就撞入去試吓嘞。
我估哩間湯師父應該係間連鎖店嚟，間舖入面有一排一人一爐嘅毒 L 座，好似我咁單拖嚟幫嚫都冇問題
。
舖頭入面全部用電爐；最低消費台幣 $100 一個基本火鍋打底，加埋白飯汽水無限添食添飲，細食嘅話查實咁叫法都已經夠飽。我大食少少就添啲烏東餃子之類加吓餸咁啦。
食飽飯跟住就行番過去中友百貨前面個巴士站，等到部 58 號公車坐番去酒店。哩日行程總算無驚無險，順利完成。
之但係哩日走嗰陣又唔覺搭免費穿梭巴士嗰條龍好長，於是就試吓跟隊睇吓上唔上到車嘞；原來哩條穿梭巴士線啲班次都唔算太梳，等咗大半個鐘就上到車。哩程免費穿梭巴士由新社花海出發，喺大坑圓環嘅一個巴士站有個中途站停車落客，之後再駛往太原停車場嘅終點站。因為出發前根本冇諗過搭哩程接駁巴士，上車嗰陣查實都唔係太清楚條巴士線啲站點嘅準確位置；當時只係見佢中途停大坑圓環站，心諗嗰度應該都係喺大坑情人橋附近，去到落車再諗點轉車問題應該唔大呱。
點知就係咁柒咗
。番到香港睇清楚先發現哩程接駁巴士嘅終點站太原停車場原來好近大坑情人橋，由太原停車場行路過去嘅話應該都係十分鐘路程左右。嗰陣查實唔應該喺大坑圓環站落車；由花海會場去大坑情人橋最方便嘅方法應該係直接坐穿梭巴士去到太原終點站再步行過去。嗰日我去到大坑圓環站，落咗車之後先對一對個公車 App 睇吓有乜車啱搭，睇啱路線跟住就行兩步過去附近嘅大坑橋站等 51 號公車；上車坐幾個站去到部子景賢路站落車，行十分鐘咁上下就去到哩日行程嘅第二站 ~ 大坑情人橋。
查實哩晚過嚟嘅主要目的係影夜景。喺台中北屯區沿住大里溪哩度有幾座景觀橋，分別係浪漫情人橋、清新橋、藍天白雲橋同桃花源橋；其中情人橋、清新橋同藍天白雲橋哩三座橋相隔嘅距離比較近，由一座橋行去另一座只需要幾分鐘時間；而哩晚嘅目標就係哩三座觀景橋嘞
。先嚟睇第一條浪漫情人橋。哩條橋嘅橋面係用強化玻璃製成，橋上面嘅鋼架結構油上粉紅色。
相比其他幾條觀光橋，情人橋係唯一一條行人天橋；因為冇行車安全考慮嘅需要，所以哩條橋上面可以用唔同顏色嘅射燈射向橋面上嘅強化玻璃，加上橋面上鋼架嘅倒影，就形成一個變化多端嘅心形燈光效果嘞
。影完情人橋，跟住就沿住溪邊嘅行人路行過去清新橋。哩條清新橋又叫蝴蝶橋 ~ 典解要改個咁嘅名? 查實睇吓佢個造型就會明白。哩條橋係一條行車橋嚟，自然就唔做得好似情人橋咁玩嗰隻閃燈特效喇。
藍天白雲橋嘅設計就比較復古典雅，橋上面嘅最高處有兩座天壇裝置 LED 燈；整座橋油成藍白雙色，象徵藍天白雲。
查實沿住大里溪向南行一段路，重有一條叫新桃花源橋嘅觀光橋。不過哩條橋距離其他三條觀光橋比較遠；大坑哩邊夜晚啲街道都好靜好少人，我得一條友就唔想喺哩度行得太夜喇；所以影完三條觀光橋之後就收工搵車搭去一中商圈嗰頭搵地方食晚飯嘞。
行番過去之前嚟嗰陣落車嘅位置，嗰度對面馬路有個巴士站可以坐一程 15 號公車線去到中友百貨前面落車。原本出發前上網見一中商圈哩頭有間雙魚 2 次方好似幾啱一個人去食，想話哩晚過嚟試吓嘅；可惜太夜嚟到，去到發覺間舖原來已經打咗烊
。正當我諗梗附近有乜其他地方有得醫肚嗰陣，喺同一條街行過幾個舖位見到有間湯師父係主打食火鍋嘅；見佢舖頭咁晏都重幾旺場吓，心諗哩間嘢應該差極有限呱，於是就撞入去試吓嘞。我估哩間湯師父應該係間連鎖店嚟，間舖入面有一排一人一爐嘅毒 L 座，好似我咁單拖嚟幫嚫都冇問題
。舖頭入面全部用電爐；最低消費台幣 $100 一個基本火鍋打底，加埋白飯汽水無限添食添飲，細食嘅話查實咁叫法都已經夠飽。我大食少少就添啲烏東餃子之類加吓餸咁啦。
食飽飯跟住就行番過去中友百貨前面個巴士站，等到部 58 號公車坐番去酒店。哩日行程總算無驚無險，順利完成。
留言
發佈留言