哩日第一個目的地係溪頭嘅妖怪村。喺台中有一程 6883 號公車由干城站出發開往溪頭。哩條公車線喺台中哩邊嘅首班車喺朝早六點幾就開出，尾班車開到晏晝兩至三點。溪頭嗰邊首班車喺朝早八點半開去台中，尾班車就大約到晏晝五點零鐘。
喺干城站同台中高鐵站都可以買到一隻台幣 $420、包埋溪頭自然教育園區入場券嘅來回乘車套票；用哩隻套票比起拍悠遊卡上車，平日嘅話就大約慳到 $30 台幣咁上下。
不過用哩隻套票有一個唔好處，就係萬一回程嗰陣因為太多人之類嘅原因上唔到尾班車，咁就一係蝕一程車錢，一係就麻煩啲要去搞退票；拍悠遊卡雖然貴幾草嘢，不過行程嘅彈性就比較大。
哩日朝早八點鬆啲就去到干城站，上咗佢八點半開出嘅班車。哩日係平日非假日，查實架車都唔係話太多人；啫話哩日嚟講，就算我唔行過去干城站上車，喺佢下一站台中火車站上車嘅話查實都冇乜問題。
個零鐘車程，大約朝早十點就到咗溪頭哩邊嘅總站；拍悠遊卡嘅話哩程車嘅車費就盛惠台幣 $144。
嚟到溪頭哩邊，我覺得第一件事最好先諗諗一陣點走哩個問題。是關哩度只有一條公車線開返去台中，而哩條公車線嘅班次有限，如果嗰日太多人回程返台中，就有可能出現上唔到尾班車哩個問題
。
要避免冇車返歸，一個方法係唔好玩得太晏，早啲去車站排隊等車。另一個方法就係嚟到先囉定一陣走嗰班車嘅號碼牌，走嗰陣就可以唔使排隊，跟號碼牌嘅號數優先上車。喺溪頭站哩邊朝早 8 點就開始派哩啲號碼牌，每人只限領取一張；咁啫話要用哩啲號碼牌嘅話，就要先預計自己回程嘅時間，諗定回程嗰陣會坐邊一班車，再囉定嗰一班車嘅號碼牌。
我嚟到哩日並唔係假日，加上哩日朝早嚟到嗰陣目測見到四周圍好似都唔係話太多人，諗住無謂限住自己回程嘅時間喇，所以朝早嚟到嗰陣都冇囉定個號碼牌。不過我到晏晝返嚟車站嗰陣發覺原來就算哩日係平日非假日，哩度到晏晝都有好多人搭哩架公車返台中。雖然結果我都係等咗一班車就上到架巴士，不過睇見非假日都係咁嘅情況，如果係假日嚟哩度玩嘅話，我估就一定要預計定走嘅時間，囉定離場要搭嗰班公車班次嘅號碼牌，先可以保證回程嗰陣有公車搭返去台中。
妖怪村呢就係喺個公車站對出馬路嘅對面。查實哩條妖怪村冇乜特別，只係一條整咗好多日式妖怪公仔做噱頭嘅商店街嚟。
發覺妖怪村入面好多地方都掛住啲上面寫住“久保田”同“松林町”嘅紅色燈籠，返香港查吓先知哩兩個日本人名原來係真有其人；久保田同松林勝一原來係當年日據時代嗰陣哩度嘅東京帝大溪頭所主任嚟。哩條商店街雖然啲日式妖怪裝飾都係噱頭居多，不過當中都有啲地方係有番少少歷史背景，唔係完全亂嚟嗰隻
。
不過喺商店街入面賣嘅貨品就同啲日式妖怪實在關係不大；哩度賣啲食得嘅嘢居多，當中都係啲雪糕香腸竹筒飯滷肉飯豆乾滷味之類嘅台式小食。鳳梨味嘅咬人貓酥唔豬算唔算係日式鳳梨酥嘞
；另外有隻網上好多人講嘅咬人貓麵包我睇嚟睇去都睇唔咄同我屋企附近領匯間麵包舖啲麵包有乜分別 
。
賣生果掛隻天狗像喺門口度，查實都幾無厘頭
。
溪頭哩度除咗我哩日去過嘅妖怪村同自然教育園區外，查實附近一帶都有幾個值得去行吓嘅地方，例如內湖國民小學、銀杏森林、忘憂森林、杉林溪森林遊樂區等等；要玩晒哩啲地方嘅話可以玩足幾日；所以嚟到都見到有唔少係喺哩度一間主題飯店度留宿嘅遊客出出入入。
飯店對出有啲獨立屋房型嘅客房，感覺好似都幾特別。
哩幾間飯店別館對出整咗堆山寨鳥居。
喺平安鼓廣場會有街頭藝人表演，哩日就有來自玻利維亞嘅樂者表演吹奏樂器同唱歌。
喺妖怪村哩度磨咗個零鐘兩個鐘，見時間差唔多，就行過去溪頭自然教育園區嗰邊準備科水入場嘞。
喺干城站同台中高鐵站都可以買到一隻台幣 $420、包埋溪頭自然教育園區入場券嘅來回乘車套票；用哩隻套票比起拍悠遊卡上車，平日嘅話就大約慳到 $30 台幣咁上下。
不過用哩隻套票有一個唔好處，就係萬一回程嗰陣因為太多人之類嘅原因上唔到尾班車，咁就一係蝕一程車錢，一係就麻煩啲要去搞退票；拍悠遊卡雖然貴幾草嘢，不過行程嘅彈性就比較大。
哩日朝早八點鬆啲就去到干城站，上咗佢八點半開出嘅班車。哩日係平日非假日，查實架車都唔係話太多人；啫話哩日嚟講，就算我唔行過去干城站上車，喺佢下一站台中火車站上車嘅話查實都冇乜問題。
個零鐘車程，大約朝早十點就到咗溪頭哩邊嘅總站；拍悠遊卡嘅話哩程車嘅車費就盛惠台幣 $144。
嚟到溪頭哩邊，我覺得第一件事最好先諗諗一陣點走哩個問題。是關哩度只有一條公車線開返去台中，而哩條公車線嘅班次有限，如果嗰日太多人回程返台中，就有可能出現上唔到尾班車哩個問題
。要避免冇車返歸，一個方法係唔好玩得太晏，早啲去車站排隊等車。另一個方法就係嚟到先囉定一陣走嗰班車嘅號碼牌，走嗰陣就可以唔使排隊，跟號碼牌嘅號數優先上車。喺溪頭站哩邊朝早 8 點就開始派哩啲號碼牌，每人只限領取一張；咁啫話要用哩啲號碼牌嘅話，就要先預計自己回程嘅時間，諗定回程嗰陣會坐邊一班車，再囉定嗰一班車嘅號碼牌。
我嚟到哩日並唔係假日，加上哩日朝早嚟到嗰陣目測見到四周圍好似都唔係話太多人，諗住無謂限住自己回程嘅時間喇，所以朝早嚟到嗰陣都冇囉定個號碼牌。不過我到晏晝返嚟車站嗰陣發覺原來就算哩日係平日非假日，哩度到晏晝都有好多人搭哩架公車返台中。雖然結果我都係等咗一班車就上到架巴士，不過睇見非假日都係咁嘅情況，如果係假日嚟哩度玩嘅話，我估就一定要預計定走嘅時間，囉定離場要搭嗰班公車班次嘅號碼牌，先可以保證回程嗰陣有公車搭返去台中。
妖怪村呢就係喺個公車站對出馬路嘅對面。查實哩條妖怪村冇乜特別，只係一條整咗好多日式妖怪公仔做噱頭嘅商店街嚟。
發覺妖怪村入面好多地方都掛住啲上面寫住“久保田”同“松林町”嘅紅色燈籠，返香港查吓先知哩兩個日本人名原來係真有其人；久保田同松林勝一原來係當年日據時代嗰陣哩度嘅東京帝大溪頭所主任嚟。哩條商店街雖然啲日式妖怪裝飾都係噱頭居多，不過當中都有啲地方係有番少少歷史背景，唔係完全亂嚟嗰隻
。不過喺商店街入面賣嘅貨品就同啲日式妖怪實在關係不大；哩度賣啲食得嘅嘢居多，當中都係啲雪糕香腸竹筒飯滷肉飯豆乾滷味之類嘅台式小食。鳳梨味嘅咬人貓酥唔豬算唔算係日式鳳梨酥嘞
；另外有隻網上好多人講嘅咬人貓麵包我睇嚟睇去都睇唔咄同我屋企附近領匯間麵包舖啲麵包有乜分別 。賣生果掛隻天狗像喺門口度，查實都幾無厘頭
。溪頭哩度除咗我哩日去過嘅妖怪村同自然教育園區外，查實附近一帶都有幾個值得去行吓嘅地方，例如內湖國民小學、銀杏森林、忘憂森林、杉林溪森林遊樂區等等；要玩晒哩啲地方嘅話可以玩足幾日；所以嚟到都見到有唔少係喺哩度一間主題飯店度留宿嘅遊客出出入入。
飯店對出有啲獨立屋房型嘅客房，感覺好似都幾特別。
哩幾間飯店別館對出整咗堆山寨鳥居。
喺平安鼓廣場會有街頭藝人表演，哩日就有來自玻利維亞嘅樂者表演吹奏樂器同唱歌。
喺妖怪村哩度磨咗個零鐘兩個鐘，見時間差唔多，就行過去溪頭自然教育園區嗰邊準備科水入場嘞。
留言
發佈留言