行返遊客中心嗰陣亦差唔多到食晏時間，於是過馬路對面紙箱王嗰邊睇吓有乜好食嘞。
查實喺清境食晏其中一個大路嘅選擇就係紙箱王，事關喺紙箱王消費滿台幣 $300 元就可以換小瑞士花園嘅入場券一張。
小瑞士花園本身查實只係一個普普通通冇乜特別嘅公園，哩個公園要俾錢入場硬係覺得唔係好值，幫嚫佢食番餐特別少少嘅順便搲張公園嘅入場券感覺條氣好似順啲
。
唔計入面啲比較特別嘅紙裝潢同紙餐具可以俾我影相上 facebook 打卡哩啲付加增值，齋計食品質素同份量嚟講，我覺得哩間食店嘅性價比都只係好一般。
食完個飯入去小瑞士花園之前，先入去紙箱王店舖入面睇下。
店舖入面啲立體紙擺設有啲都整得幾得意。
不過如果真係想玩吓哩啲立體紙玩意嘅話，與其買哩啲現成嘅製品，我就比較有興趣上網下載啲紙樣自己整嚟玩嘞。
行完紙箱王嘅店舖，跟住就行過去小瑞士花園睇睇嗰度點環境嘞。
出發前刨人哋啲遊記嗰陣，感覺哩個花園都算係清境嘅一個地標，係嚟到清境一個必遊嘅景點。
不過入到去就發覺哩個花園實在冇乜特別，入面的確有啲花圃係種得幾有心機望落都係靚嘅。
不過啲花圃嘅面積唔算好大同種得好密，除咗嗰兩三個花圃之外，其他嘅地方就同一般嘅公園分別不大。
查實喺香港啲大少少嘅公園，好似香公、九公、沙田中央公園嗰啲嘅規模同設施都大過同多過哩度好多。
一個咁普通嘅公園仔都要科水入場，感覺實在有啲物非所值。
喺瑞士花園磨到咁上下時間，就行返去民宿攞番啲行李準備搭車離開清境嘞。
哩日原本係諗住搭 16:10 喺國民賓館到站嗰班 6664 號公車返台中嘅；拎住件行李行到去國民賓館站嗰陣已經感覺到有啲唔妥，因為成個車站都好多人。車站冇明確站牌指示邊班車喺邊個位置排隊，搞到等車啲人就算想排隊都唔知可以點排；車站有個站長當席，不過哩個站長冇幫手維持秩序亦冇指示啲人排隊，完全唔明白佢企喺個車站度做乜。
哩個車站亦冇得好似其他大車站咁可以預先攞號碼牌，咁嘅情況如果多人等車嘅話，結果一有車到就只可以一擁而上咁爭上車。去台中咁多日，哩個車站喺秩序安排方面算係我見過最差嘅一個。到晏晝 4:00 鬆啲嗰班 6664 號公車到站，不過班車竟然客滿一個客都上唔到
！見到咁嘅情況我已經打定輸數，如果下一班車都上唔到車嘅話，就要搵人夾共乘車返台中市。等車嗰陣有人問嗰位站長搭車去前一個站青青草原等車嘅話上到車嘅機會會唔會大啲？不過站長就答佢話下一班車都就快到，嗰陣搭車去到青青草原分分鐘部車已經開咗。
到差唔多晏晝五點下一班 6658 號公車終於到站；查實哩班車都已經相當客滿，不過都算好彩緊緊夠企位上到哩班車，不過之後個幾鐘頭車程都要罰企。到夜晚六點幾到達埔里站，喺埔里站等咗陣就等到一班開去台中嘅公車。之後又嚟個幾鐘車程，結果哩晚差唔多八點先返到台中。計番由清境到台中兩程巴士車費合共台幣 $205。
查實喺清境食晏其中一個大路嘅選擇就係紙箱王，事關喺紙箱王消費滿台幣 $300 元就可以換小瑞士花園嘅入場券一張。
小瑞士花園本身查實只係一個普普通通冇乜特別嘅公園，哩個公園要俾錢入場硬係覺得唔係好值，幫嚫佢食番餐特別少少嘅順便搲張公園嘅入場券感覺條氣好似順啲
。
唔計入面啲比較特別嘅紙裝潢同紙餐具可以俾我影相上 facebook 打卡哩啲付加增值，齋計食品質素同份量嚟講，我覺得哩間食店嘅性價比都只係好一般。
食完個飯入去小瑞士花園之前，先入去紙箱王店舖入面睇下。
店舖入面啲立體紙擺設有啲都整得幾得意。
不過如果真係想玩吓哩啲立體紙玩意嘅話，與其買哩啲現成嘅製品，我就比較有興趣上網下載啲紙樣自己整嚟玩嘞。
行完紙箱王嘅店舖，跟住就行過去小瑞士花園睇睇嗰度點環境嘞。
出發前刨人哋啲遊記嗰陣，感覺哩個花園都算係清境嘅一個地標，係嚟到清境一個必遊嘅景點。
不過入到去就發覺哩個花園實在冇乜特別，入面的確有啲花圃係種得幾有心機望落都係靚嘅。
不過啲花圃嘅面積唔算好大同種得好密，除咗嗰兩三個花圃之外，其他嘅地方就同一般嘅公園分別不大。
查實喺香港啲大少少嘅公園，好似香公、九公、沙田中央公園嗰啲嘅規模同設施都大過同多過哩度好多。
一個咁普通嘅公園仔都要科水入場，感覺實在有啲物非所值。
喺瑞士花園磨到咁上下時間，就行返去民宿攞番啲行李準備搭車離開清境嘞。
哩日原本係諗住搭 16:10 喺國民賓館到站嗰班 6664 號公車返台中嘅；拎住件行李行到去國民賓館站嗰陣已經感覺到有啲唔妥，因為成個車站都好多人。車站冇明確站牌指示邊班車喺邊個位置排隊，搞到等車啲人就算想排隊都唔知可以點排；車站有個站長當席，不過哩個站長冇幫手維持秩序亦冇指示啲人排隊，完全唔明白佢企喺個車站度做乜。
哩個車站亦冇得好似其他大車站咁可以預先攞號碼牌，咁嘅情況如果多人等車嘅話，結果一有車到就只可以一擁而上咁爭上車。去台中咁多日，哩個車站喺秩序安排方面算係我見過最差嘅一個。到晏晝 4:00 鬆啲嗰班 6664 號公車到站，不過班車竟然客滿一個客都上唔到
！見到咁嘅情況我已經打定輸數，如果下一班車都上唔到車嘅話，就要搵人夾共乘車返台中市。等車嗰陣有人問嗰位站長搭車去前一個站青青草原等車嘅話上到車嘅機會會唔會大啲？不過站長就答佢話下一班車都就快到，嗰陣搭車去到青青草原分分鐘部車已經開咗。到差唔多晏晝五點下一班 6658 號公車終於到站；查實哩班車都已經相當客滿，不過都算好彩緊緊夠企位上到哩班車，不過之後個幾鐘頭車程都要罰企。到夜晚六點幾到達埔里站，喺埔里站等咗陣就等到一班開去台中嘅公車。之後又嚟個幾鐘車程，結果哩晚差唔多八點先返到台中。計番由清境到台中兩程巴士車費合共台幣 $205。
留言
發佈留言