Vik 住宿 ‧ Solheimahjaleiga Guesthouse - 冰島夏日環島自駕遊

又係未開始講新一日嘅行程之前先講吓喺 Solheimahjaleiga 入住嘅哩間民宿 Sólheimahjáleiga Guesthouse 係點環境。



都係計劃行程嗰陣太遲訂住宿，喺哩區附近揾唔到啱心水得嚟又有廚房嘅民宿，所以哩晚入住嘅民宿係間只有獨立浴廁嘅套房嚟。唔知係咪因為冰島南部冇乜大城鎮，啲旅遊住宿嘅供應比較緊張嘅關係，我發覺由 Vik 去到 Hofn 哩段路啲住宿價格比冰島其他地區貴好多，一間咁樣嘅雙人套房每晚房租就要 ISK 25,045。



喺我哋入住嘅套房出面有個共用嘅大廳，喺大廳度有微波爐同水煲可以煲吓水同叮個快嘅熱食。房內有三張床位，我哋兩個人用一間房嚟講都唔算係好迫。

哩度啲床鋪毛巾同浴室設備都算乾淨；哩間民宿嘅房租有包早餐，可惜我哋哩日要倒塔咁早出發，食唔到哩個朝早民宿供應嗰個早餐 。