聖加侖大教堂 St. Gallen Cathedral . Abbey Library St. Gallen 聖加侖修道院圖書館 . Bleichi District Red Square Stadtlounge 紅色廣場 . St Gallen . Textile Museum - 瑞士自由行之旅
行程摘要 :
Luzern => Zurich HB => St Gallen (Train, Free with Swiss Pass)
到第十四日嘅行程，呢日我哋其中兩位團友會離團先返香港，其餘嘅團員亦會轉移陣地離開 Luzern，先去 St Gallen 行一陣，跟住再去今次行程最後一個據點 Neuhausen 入住民宿。
我哋由 Luzern 火車站坐火車，去到 Zurich HB 站轉車。如果呢程車唔落車再坐多一個站就係蘇黎世機場，不過機場呢度就等我哋再玩多兩日先過嚟。
喺 Zurich HB 轉車之後再坐多個零鐘火車，就到達 St Gallen 嘅火車站，到步之後我哋先放低啲行李喺火車站嘅 Locker 入面。
行出火車站亦差唔多到食飯時間，我哋就行去車站對面啲商場睇吓有乜嘢啱食。
食完晏跟住就開始喺 St Gallen 嚟個 City Tour 嘞，第一站我哋先入去 Textile Museum 參觀吓。
St Gallen 曾經係一個紡織業嘅重鎮，當年呢度以生產優質嘅綿紗、麻布、喱士同車花剌繡聞名，特别係剌繡產品，喺廿世紀初嗰陣呢度車花剌繡嘅產量曾經佔全球產量嘅一半，不過隨住城市本身經濟結構嘅變遷，加上大量生產線移入亞洲，今日 St Gallen 嘅紡織業已經成為一個夕陽行業，當地紡織業嘅歷史同上世紀香港嘅製衣工業何其相似。
呢鋪我入去 Textile Museum 參觀查實主要原因係因為同行團友係相關業界嘅鉅子，不過當我入到去個展場嗰陣，發覺所有展品都冇中文嘅説明，所以基本上係睇到一頭霧水。
雖然唔係好明個展覽講乜，不過硬係覺得個展場入面啲嘢好勁，於是臨離場之前喺留言冊上寫低我今次參觀之後嘅感想。
睇完展覽跟住就向住舊城區嗰邊行去。
喺 St Gallen 舊城區可以留意建築物上面嘅窗台 (myswitzerland.com 叫呢啲窗台做凸肚窗)。
經過舊城區再行多一段路，就到達我哋今次嚟 St Gallen 最想參觀嘅第一度主菜 Stiftskirche St. Gallus und Otmar 聖加侖主教座堂。
聖加侖主教座堂係聖加侖修道院嘅一部分，自1847 年開始，呢座教堂就成為聖加侖教區嘅主教座堂。
聖加侖修道院因著大教堂同修道院圖書館而被聯合國教科文組織列爲世界文化遺産。
呢幾年間都去過好幾座歐洲嘅大教堂，論室内嘅裝潢呢座教堂算係我近年見過數一數二靚嘅教堂嚟。
白色嘅樑柱同天花上嘅壁畫望落去感覺相當協調，呢啲壁畫好多都係一位生於 18 世紀，名為 Joseph Wannenmacher 嘅畫師所畫。
呢座教堂應該係一個舉辦婚禮嘅熱門地點嚟，我出發前揾資料嗰陣已經見過好幾篇遊記講嚟到呢座修道院嗰陣碰啱有新人舉行婚禮，而我哋今次嚟到亦撞到有婚禮正在舉行。
睇完教堂下一個目標就到 Abbey Library St. Gallen 聖加侖修道院圖書館，好多遊記都用哈利波特圖書館嚟形容呢個地方，講到呢間圖書館好靚咁，查實我哋最初計劃嚟 St Gallen 呢度主要嘅目的就係想見識吓呢間圖書館。
Abbey Library 位置就喺大教堂隔籬冇幾遠，出咗教堂跟住楝喺修道院入面嘅水牌嘅指示行過兩步就去到，揸 Swiss Pass 嘅話可以喺圖書館出面嘅售票處免費換飛入場，喺圖書館出面有鞋套供應，入場之前先要用呢啲鞋套套住對鞋先可以進入，入去之後只可以齋睇唔俾影相。
查實入到去我主觀嘅感覺係呢度實在有些少俾人吹大咗，當然入面的確可以睇到啲好有歷史價值嘅古籍、羊皮手抄本、木乃伊之類，不過圖書館嘅外觀我就認真唔覺得特别靚，可能因為室内光線比較暗，肉眼睇到嘅感覺同官方網站放出嚟嘅相有一定落差。館內嘅空間查實好細，天花上嘅壁畫好多都有啲甩色剝落；我覺得除非本身真係對入面嘅古籍歷史好有興趣又有啲研究，否則嘅話入面嘅嘢可以話幾分鐘就可以睇完。如果主要係諗住去睇啲靚嘅 Baroque Hall 巴洛克式建築嘅話，我覺得大教堂嗰邊嘅裝修比圖書館呢邊靚好多。
行完聖加侖修道院，我哋向住 Bleichi District 嘅方向繼續前行。
聖加侖 Bleichi District 本身係一處類似中環嗰類咁嘅購物同辦公室林立嘅社區嚟。
話説有個叫皮洛蒂·瑞斯特 (Pipilotti Rist) 嘅多媒體藝術家、同一個叫卡洛斯·馬丁內斯 (Carlos Martinez) 嘅建築師，一齊諗到將呢度用一層鮮紅色嘅塑膠物料覆蓋，將呢個 Red Square 紅色廣場打造成為瑞士第一個 Stadtlounge 城市休息室。
行完 Red Square 呢一日喺 St Gallen 呢度想睇嘅都睇得七七八八，我哋專登再經一經舊城區嗰邊行返去火車站。
之前都有講過，喺舊城區各式建築物出面嘅窗台係舊城區呢邊其中一樣值得注意吓嘅特色景物嚟。
未嚟瑞士之前，我一直以為用窗台為物業增值呢家嘢係由香港各大吸血發展商原創開發嘅專利技術嚟。
嚟到瑞士先知原來早喺 12 世紀嗰陣歐洲呢邊已經有人識得發動呢個術。
不過喺歐洲呢個術嘅運用方法就有啲唔同；喺中世紀嗰陣啲人會利用窗台 (Oriel Windows 凸肚窗) 嚟展示自己嘅身價，窗台裝飾愈見華麗，就代表物業嘅價值愈高、屋主嘅身份地位愈尊貴。
離開舊城區，經過呢座叫 Broderbunnen 嘅噴泉，晏晝五點幾我哋就行返火車站攞返啲行李，準備坐火車向我哋今次行程最後一個住宿據點 Neuhausen 進發。
Luzern => Zurich HB => St Gallen (Train, Free with Swiss Pass)
到第十四日嘅行程，呢日我哋其中兩位團友會離團先返香港，其餘嘅團員亦會轉移陣地離開 Luzern，先去 St Gallen 行一陣，跟住再去今次行程最後一個據點 Neuhausen 入住民宿。
我哋由 Luzern 火車站坐火車，去到 Zurich HB 站轉車。如果呢程車唔落車再坐多一個站就係蘇黎世機場，不過機場呢度就等我哋再玩多兩日先過嚟。
喺 Zurich HB 轉車之後再坐多個零鐘火車，就到達 St Gallen 嘅火車站，到步之後我哋先放低啲行李喺火車站嘅 Locker 入面。
行出火車站亦差唔多到食飯時間，我哋就行去車站對面啲商場睇吓有乜嘢啱食。
食完晏跟住就開始喺 St Gallen 嚟個 City Tour 嘞，第一站我哋先入去 Textile Museum 參觀吓。
St Gallen 曾經係一個紡織業嘅重鎮，當年呢度以生產優質嘅綿紗、麻布、喱士同車花剌繡聞名，特别係剌繡產品，喺廿世紀初嗰陣呢度車花剌繡嘅產量曾經佔全球產量嘅一半，不過隨住城市本身經濟結構嘅變遷，加上大量生產線移入亞洲，今日 St Gallen 嘅紡織業已經成為一個夕陽行業，當地紡織業嘅歷史同上世紀香港嘅製衣工業何其相似。
呢鋪我入去 Textile Museum 參觀查實主要原因係因為同行團友係相關業界嘅鉅子，不過當我入到去個展場嗰陣，發覺所有展品都冇中文嘅説明，所以基本上係睇到一頭霧水。
雖然唔係好明個展覽講乜，不過硬係覺得個展場入面啲嘢好勁，於是臨離場之前喺留言冊上寫低我今次參觀之後嘅感想。
睇完展覽跟住就向住舊城區嗰邊行去。
喺 St Gallen 舊城區可以留意建築物上面嘅窗台 (myswitzerland.com 叫呢啲窗台做凸肚窗)。
經過舊城區再行多一段路，就到達我哋今次嚟 St Gallen 最想參觀嘅第一度主菜 Stiftskirche St. Gallus und Otmar 聖加侖主教座堂。
聖加侖主教座堂係聖加侖修道院嘅一部分，自1847 年開始，呢座教堂就成為聖加侖教區嘅主教座堂。
聖加侖修道院因著大教堂同修道院圖書館而被聯合國教科文組織列爲世界文化遺産。
呢幾年間都去過好幾座歐洲嘅大教堂，論室内嘅裝潢呢座教堂算係我近年見過數一數二靚嘅教堂嚟。
白色嘅樑柱同天花上嘅壁畫望落去感覺相當協調，呢啲壁畫好多都係一位生於 18 世紀，名為 Joseph Wannenmacher 嘅畫師所畫。
呢座教堂應該係一個舉辦婚禮嘅熱門地點嚟，我出發前揾資料嗰陣已經見過好幾篇遊記講嚟到呢座修道院嗰陣碰啱有新人舉行婚禮，而我哋今次嚟到亦撞到有婚禮正在舉行。
睇完教堂下一個目標就到 Abbey Library St. Gallen 聖加侖修道院圖書館，好多遊記都用哈利波特圖書館嚟形容呢個地方，講到呢間圖書館好靚咁，查實我哋最初計劃嚟 St Gallen 呢度主要嘅目的就係想見識吓呢間圖書館。
Abbey Library 位置就喺大教堂隔籬冇幾遠，出咗教堂跟住楝喺修道院入面嘅水牌嘅指示行過兩步就去到，揸 Swiss Pass 嘅話可以喺圖書館出面嘅售票處免費換飛入場，喺圖書館出面有鞋套供應，入場之前先要用呢啲鞋套套住對鞋先可以進入，入去之後只可以齋睇唔俾影相。
查實入到去我主觀嘅感覺係呢度實在有些少俾人吹大咗，當然入面的確可以睇到啲好有歷史價值嘅古籍、羊皮手抄本、木乃伊之類，不過圖書館嘅外觀我就認真唔覺得特别靚，可能因為室内光線比較暗，肉眼睇到嘅感覺同官方網站放出嚟嘅相有一定落差。館內嘅空間查實好細，天花上嘅壁畫好多都有啲甩色剝落；我覺得除非本身真係對入面嘅古籍歷史好有興趣又有啲研究，否則嘅話入面嘅嘢可以話幾分鐘就可以睇完。如果主要係諗住去睇啲靚嘅 Baroque Hall 巴洛克式建築嘅話，我覺得大教堂嗰邊嘅裝修比圖書館呢邊靚好多。
行完聖加侖修道院，我哋向住 Bleichi District 嘅方向繼續前行。
聖加侖 Bleichi District 本身係一處類似中環嗰類咁嘅購物同辦公室林立嘅社區嚟。
話説有個叫皮洛蒂·瑞斯特 (Pipilotti Rist) 嘅多媒體藝術家、同一個叫卡洛斯·馬丁內斯 (Carlos Martinez) 嘅建築師，一齊諗到將呢度用一層鮮紅色嘅塑膠物料覆蓋，將呢個 Red Square 紅色廣場打造成為瑞士第一個 Stadtlounge 城市休息室。
行完 Red Square 呢一日喺 St Gallen 呢度想睇嘅都睇得七七八八，我哋專登再經一經舊城區嗰邊行返去火車站。
之前都有講過，喺舊城區各式建築物出面嘅窗台係舊城區呢邊其中一樣值得注意吓嘅特色景物嚟。
未嚟瑞士之前，我一直以為用窗台為物業增值呢家嘢係由香港各大吸血發展商原創開發嘅專利技術嚟。
嚟到瑞士先知原來早喺 12 世紀嗰陣歐洲呢邊已經有人識得發動呢個術。
不過喺歐洲呢個術嘅運用方法就有啲唔同；喺中世紀嗰陣啲人會利用窗台 (Oriel Windows 凸肚窗) 嚟展示自己嘅身價，窗台裝飾愈見華麗，就代表物業嘅價值愈高、屋主嘅身份地位愈尊貴。
離開舊城區，經過呢座叫 Broderbunnen 嘅噴泉，晏晝五點幾我哋就行返火車站攞返啲行李，準備坐火車向我哋今次行程最後一個住宿據點 Neuhausen 進發。
留言
發佈留言