由 Pilatus 落去 Fräkmüntegg 係坐一部比較大嘅纜車，旺季人多擠迫，喺纜車嘅車箱入面感覺似返工放工迫搭𨋢多過似坐觀光纜車。
瑞士夏季嗰幾個月，喺 Fräkmüntegg 有樣又平又好玩嘅活動，一場嚟到 Pilatus，睇完風景落山途中嚟到呢個車站，我哋就當然唔會錯過試玩呢隻叫 Fräkigaudi Toboggan Run 嘅活動喇。
Toboggan Run 首先最吸引我嘅就係佢嘅價錢，成人票價只係 CHF 8 玩一次，呢個應該係我哋今次瑞士之行玩過最抵玩嘅一個活動嚟。
Toboggan Run 嘅開放時間係由上晝 10:00 到晏晝 5:30，如果碰著雨天滑道就會暫停開放。
呢條滑道係瑞士各條同類型嘅夏季滑道中最長嘅一條，整條鋼製軌道全長 1359 米。
由 Fräkmüntegg 行出纜車站，跟住站外嘅指示牌大約行十分鐘就可以去到 Toboggan Run 嘅起點。
呢度只得一部自助售票機冇人手操作嘅售票處，部機接受紙幣、銀仔同信用卡付款，買啱飛就可以入場排隊等上車。
查實 Toboggan Run 基本上同喺公園玩瀡滑梯係同一個原理，不過小朋友玩滑梯 pat pat 就直接坐上條滑道嚟瀡，我哋玩 Toboggan Run 就坐喺一部滑板車上面先瀡落條滑道，所以瀡嘅速度會快好多。
部滑板車嘅操作好簡單，只得一支操控桿，將支桿推前就會加速拉後就係減速。
喺 myswitzerland.com 網站入面形容滑道途中有好多精彩嘅彎道、凹槽以及路障。
不過所謂嘅路障查實只係滑道終點掛咗一塊布簾，只要適當控制滑行速度嘅話，滑道全程都相當安全，不論男女老幼高矮肥瘦都可以輕鬆玩到。
坐住部滑板車滑到終點之後會有工作人員將部車搬去另一條軌道，跟住再俾我哋背向斜坡咁坐返上部車度，之後個職員就會將部板車接上吊鈎，連人帶車拉我哋返上斜坡上嘅起點。
玩完一轉 Toboggan Run 之後我哋就行返落去 Fräkmüntegg 嘅纜車站坐另一款細部啲嘅纜車。
呢程纜車會途經 Krienseregg 再落去 Kriens，到此成個 Pilatus 嘅 Golden Round Trip 就算完成。
喺 Kriens 出纜車站之後會見到一個個明確嘅指示牌引領啲遊客揾一個巴士站去搭一程 NFO 1 號嘅巴士返 Lucern。
之前一日我哋去到 Kapellbrücke 卡貝爾橋嗰陣已經係黃昏時間唔多夠光。
所以呢一日趁住早咗回程重係日光日白，我哋先再去一次 Kapellbrücke 補返幾張相，特别係想趁夠天然日光影返橋廊入面嘅繪畫同橋廊出面嘅天竺葵。
行完 Kapellbrücke 我哋再行去睇吓強國旅行團嘅至愛 Löwendenkmal 垂死獅子像。不過我哋去到見到塊獅子雕像下面個水池有工程做梗，水池乾晒溏又泊咗啲工程車同機械喺座雕像下面，加上四周大量強國嘅旅行團，我哋係咁兒影張到此一遊就離場。
嚟到呢度查實我哋個個都已經好攰吓，我哋喺附近是旦上咗一部返 Luzern 火車站嘅巴士，照慣例再轉 NFB 10 號巴士返住宿煮飯休息，呢日嘅行程亦就此完成。
瑞士夏季嗰幾個月，喺 Fräkmüntegg 有樣又平又好玩嘅活動，一場嚟到 Pilatus，睇完風景落山途中嚟到呢個車站，我哋就當然唔會錯過試玩呢隻叫 Fräkigaudi Toboggan Run 嘅活動喇。
Toboggan Run 首先最吸引我嘅就係佢嘅價錢，成人票價只係 CHF 8 玩一次，呢個應該係我哋今次瑞士之行玩過最抵玩嘅一個活動嚟。
Toboggan Run 嘅開放時間係由上晝 10:00 到晏晝 5:30，如果碰著雨天滑道就會暫停開放。
呢條滑道係瑞士各條同類型嘅夏季滑道中最長嘅一條，整條鋼製軌道全長 1359 米。
由 Fräkmüntegg 行出纜車站，跟住站外嘅指示牌大約行十分鐘就可以去到 Toboggan Run 嘅起點。
呢度只得一部自助售票機冇人手操作嘅售票處，部機接受紙幣、銀仔同信用卡付款，買啱飛就可以入場排隊等上車。
查實 Toboggan Run 基本上同喺公園玩瀡滑梯係同一個原理，不過小朋友玩滑梯 pat pat 就直接坐上條滑道嚟瀡，我哋玩 Toboggan Run 就坐喺一部滑板車上面先瀡落條滑道，所以瀡嘅速度會快好多。
部滑板車嘅操作好簡單，只得一支操控桿，將支桿推前就會加速拉後就係減速。
喺 myswitzerland.com 網站入面形容滑道途中有好多精彩嘅彎道、凹槽以及路障。
不過所謂嘅路障查實只係滑道終點掛咗一塊布簾，只要適當控制滑行速度嘅話，滑道全程都相當安全，不論男女老幼高矮肥瘦都可以輕鬆玩到。
坐住部滑板車滑到終點之後會有工作人員將部車搬去另一條軌道，跟住再俾我哋背向斜坡咁坐返上部車度，之後個職員就會將部板車接上吊鈎，連人帶車拉我哋返上斜坡上嘅起點。
玩完一轉 Toboggan Run 之後我哋就行返落去 Fräkmüntegg 嘅纜車站坐另一款細部啲嘅纜車。
呢程纜車會途經 Krienseregg 再落去 Kriens，到此成個 Pilatus 嘅 Golden Round Trip 就算完成。
喺 Kriens 出纜車站之後會見到一個個明確嘅指示牌引領啲遊客揾一個巴士站去搭一程 NFO 1 號嘅巴士返 Lucern。
之前一日我哋去到 Kapellbrücke 卡貝爾橋嗰陣已經係黃昏時間唔多夠光。
所以呢一日趁住早咗回程重係日光日白，我哋先再去一次 Kapellbrücke 補返幾張相，特别係想趁夠天然日光影返橋廊入面嘅繪畫同橋廊出面嘅天竺葵。
行完 Kapellbrücke 我哋再行去睇吓強國旅行團嘅至愛 Löwendenkmal 垂死獅子像。不過我哋去到見到塊獅子雕像下面個水池有工程做梗，水池乾晒溏又泊咗啲工程車同機械喺座雕像下面，加上四周大量強國嘅旅行團，我哋係咁兒影張到此一遊就離場。
嚟到呢度查實我哋個個都已經好攰吓，我哋喺附近是旦上咗一部返 Luzern 火車站嘅巴士，照慣例再轉 NFB 10 號巴士返住宿煮飯休息，呢日嘅行程亦就此完成。
留言
發佈留言