行程摘要 :
Grindelwald => Interlaken Ost => Luzern (Train, Free with Swiss Pass)
Luzern => Obergütschhalde (Bus Route NFB 10, Free with Swiss Pass)
Stay in Luzern, Erlebe Luzern in deiner eigenen Wohnung! for 2 nights
到第十二日嘅行程，呢日朝早我哋會離開 Grindelwald 坐火車去下一個據點 Luzern，我哋由 Grindelwald 出發，去到 Interlaken Ost 轉一次車，跟住就可以坐定定直去到 Luzern。
我發覺由 Interlaken Ost 去 Luzern 途中嘅湖景都相當之唔錯，首先臨離開 Brienzersee 之前喺 Brienz 車站見到嘅湖景已經幾可觀。
跟住沿住鐵路線去到下一個湖 Lungerersee，喺火車上見到嗰隻藍色嘅湖水，就同紐西蘭著名嘅藍色牛奶湖不遑多讓。
晏晝一點我哋就到達 Luzern 鐵路站，未出車去住宿之前我哋先喺連住鐵路站嘅地下商場揾間餐廳醫肚，順便喺商場入面嘅 Coop 補給吓啲物資。
今次喺 Luzern 揾到嘅住宿唔太近火車站，由火車站要坐一程大約十分鐘嘅巴士去到 Obergütschhalde，而民宿就喺巴士站附近。
喺商場入面有通道出口直出到巴士站，同之前坐過嘅巴士一樣，呢條線嘅巴士內籠都好闊絡，就算我哋五個人齊齊拖篋上車都唔驚阻到人。
今次喺 Luzern 呢一站嘅民宿鋪號叫 Erlebe Luzern in deiner eigenen Wohnung!，經 Airbnb 預訂，兩晚租金盛惠 HKD 4,700 有找。
呢間屋算幾闊絡，客廳同飯廳分開，飯廳有個設備都幾齊全嘅廚房。
廚房啲餐具都洗得幾乾淨，基本上唔使點洗過都可以放心使用。
呢間屋嘅浴室同廁所係分開兩個間隔，早晚梳洗嗰陣呢隻間隔都幫到我哋慳返些少時間。
單位入面總共有三間睡房，每間睡房都擺咗張雙人床，屋主供應嘅床鋪毛巾亦算乾淨，民宿整體水準不過不失住得舒服。
我哋去到民宿放低啲行李嗰陣已經係晏晝兩點半，得半日唔夠嘅時間，我哋就揾個短短哋嘅行程，去 Stoos 試坐一條剛剛起好冇幾耐、全球最陡斜嘅纜索鐵路 Stoos Funicular Railway。
Grindelwald => Interlaken Ost => Luzern (Train, Free with Swiss Pass)
Luzern => Obergütschhalde (Bus Route NFB 10, Free with Swiss Pass)
Stay in Luzern, Erlebe Luzern in deiner eigenen Wohnung! for 2 nights
到第十二日嘅行程，呢日朝早我哋會離開 Grindelwald 坐火車去下一個據點 Luzern，我哋由 Grindelwald 出發，去到 Interlaken Ost 轉一次車，跟住就可以坐定定直去到 Luzern。
我發覺由 Interlaken Ost 去 Luzern 途中嘅湖景都相當之唔錯，首先臨離開 Brienzersee 之前喺 Brienz 車站見到嘅湖景已經幾可觀。
跟住沿住鐵路線去到下一個湖 Lungerersee，喺火車上見到嗰隻藍色嘅湖水，就同紐西蘭著名嘅藍色牛奶湖不遑多讓。
晏晝一點我哋就到達 Luzern 鐵路站，未出車去住宿之前我哋先喺連住鐵路站嘅地下商場揾間餐廳醫肚，順便喺商場入面嘅 Coop 補給吓啲物資。
今次喺 Luzern 揾到嘅住宿唔太近火車站，由火車站要坐一程大約十分鐘嘅巴士去到 Obergütschhalde，而民宿就喺巴士站附近。
喺商場入面有通道出口直出到巴士站，同之前坐過嘅巴士一樣，呢條線嘅巴士內籠都好闊絡，就算我哋五個人齊齊拖篋上車都唔驚阻到人。
今次喺 Luzern 呢一站嘅民宿鋪號叫 Erlebe Luzern in deiner eigenen Wohnung!，經 Airbnb 預訂，兩晚租金盛惠 HKD 4,700 有找。
呢間屋算幾闊絡，客廳同飯廳分開，飯廳有個設備都幾齊全嘅廚房。
廚房啲餐具都洗得幾乾淨，基本上唔使點洗過都可以放心使用。
呢間屋嘅浴室同廁所係分開兩個間隔，早晚梳洗嗰陣呢隻間隔都幫到我哋慳返些少時間。
單位入面總共有三間睡房，每間睡房都擺咗張雙人床，屋主供應嘅床鋪毛巾亦算乾淨，民宿整體水準不過不失住得舒服。
我哋去到民宿放低啲行李嗰陣已經係晏晝兩點半，得半日唔夠嘅時間，我哋就揾個短短哋嘅行程，去 Stoos 試坐一條剛剛起好冇幾耐、全球最陡斜嘅纜索鐵路 Stoos Funicular Railway。
留言
發佈留言