行程摘要 :
Schloss Laufen => Schaffhausen (Train, Free with Swiss Pass)
Schaffhausen => Neuhausen (Train, Free with Swiss Pass)
Neuhausen => Winterthur => Zurich Flughafen (Train, Free with Swiss Pass)
沙夫豪森 Schaffhausen 位於瑞士最北部嘅一角，呢個城鎮嘅起源同 Rheinfall 有著密切嘅關係，事關以前因爲船隻無法通過瀑布激流而需要揾地方卸貨同埋存儲貨物，Schaffhausen 呢個小鎮就因此應運而生。
同之前一日我哋去過嘅 St Gallen 舊城、Stoos、同埋幾日前到過嘅 Zermatt 一樣，Schaffhausen 舊城呢邊都係唔俾汽車駛入嘅。正因為瑞士實在有好多呢啲 CarFree Villages，所以遊瑞士一般嚟講坐火車會方便過自駕好多。
同 St Gallen 一樣，Schaffhausen 舊城呢邊都可以睇到各式設計獨特嘅窗台。
噴泉亦係嚟到瑞士 city tour 一項要留意嘅景物嚟，喺瑞士嘅城鎮入面好多噴泉都係有名有姓。
例如呢座叫 Mohrenbrunnen，喺噴泉上面係 Moorish King Kaspar 嘅雕像。
同樣喺 Fronwagplatz 廣場嘅另一邊，呢座噴泉就叫 Metzgerbrunnen。
除咗窗台，以前瑞士嘅有錢人家亦喜歡以濕壁畫佈置外牆。
呢幅建於 15 世紀末嘅 Haus zum Ritter 騎士之家，係文藝復興時期留低嘅歷史古蹟嚟。
跟住我哋經過 Kirche St. Johann 聖約翰教堂，呢座哥德式嘅建築始建於西元 1000 年左右。
喺 1990 年曾經做過一次翻修工程，以建築規模計係瑞士第三大嘅教堂嚟。
行街嗰陣經過見呢道門幾特別，入去原來係一間古老嘅藥房嚟。
今次嚟到 Schaffhausen，其中最有興趣想去睇吓嘅就係位於城鎮東邊嘅 Munot 米諾要塞。
進入要塞先要行上一段樓梯，樓梯兩旁圍繞住要塞嘅係一片綠油油嘅葡萄園。
呢座要塞建於 1564 年至 1589 年間，至今已經超過 400 年嘅歷史。要塞嘅第一層漆黑一片，陽光由天花嘅洞口透進室内，據説呢個空間係以前呢度啲居民喺戰亂嗰陣嘅庇護場所嚟。
我哋沿住一條迴旋坡道行上去堡壘嘅頂層，呢條通道嘅設計係可以俾馬車喺上面行走。
上到要塞嘅頂層首先會見到一個圓形廣場，呢度家陣係用嚟做各項活動嘅場地，不定期舉辦音樂會、露天電影院同舞會等等嘅活動。
面向老城嘅方向望去，就係萊茵河畔兩岸高低錯落嘅古宅屋瓦。
聖約翰教堂同城門嘅尖塔就鶴立於古老街區同一間間童話式嘅屋仔當中。
因為呢度嘅視野如此廣闊，要塞嘅塔頂過去曾經係作為城鎮守衛警戒之用。
當地嘅市民為咗延續一個自古以來嘅傳統，家陣依然重有名為 Munotwächter (Munot guard) 嘅米諾哨兵駐守於塔樓之內。
每晚 9 點喺要塞呢度會敲響一個於 1589 年建成嘅 Munot Bell 米諾鐘，向當地嘅居民報時。
我哋行完 Munot 就行向火車站嘅方向準備返歸嘞。
我哋行到火車站附近，先揾咗間麥記快手食個午餐，跟住就坐火車返去 Neuhausen 嘅住宿攞返啲行李。
之後再坐一程火車，由 Neuhausen 起程途經 Winterthur，一個鐘車程有找去到 Zurich Flughafen 站到達蘇黎世機場，準備搭黃昏六點起飛嘅班機去多哈轉機。
班機準時起飛，零晨一點到達多哈。跟住喺機場 Hea 兩個鐘等轉另一班零晨三點起飛嘅班機。
喺 2018 年 7 月 16 號晏晝四點幾，我哋終於平平安安冇穿冇爛返到香港，完成今次從法國走到瑞士嘅旅程。
Schloss Laufen => Schaffhausen (Train, Free with Swiss Pass)
Schaffhausen => Neuhausen (Train, Free with Swiss Pass)
Neuhausen => Winterthur => Zurich Flughafen (Train, Free with Swiss Pass)
沙夫豪森 Schaffhausen 位於瑞士最北部嘅一角，呢個城鎮嘅起源同 Rheinfall 有著密切嘅關係，事關以前因爲船隻無法通過瀑布激流而需要揾地方卸貨同埋存儲貨物，Schaffhausen 呢個小鎮就因此應運而生。
同之前一日我哋去過嘅 St Gallen 舊城、Stoos、同埋幾日前到過嘅 Zermatt 一樣，Schaffhausen 舊城呢邊都係唔俾汽車駛入嘅。正因為瑞士實在有好多呢啲 CarFree Villages，所以遊瑞士一般嚟講坐火車會方便過自駕好多。
同 St Gallen 一樣，Schaffhausen 舊城呢邊都可以睇到各式設計獨特嘅窗台。
噴泉亦係嚟到瑞士 city tour 一項要留意嘅景物嚟，喺瑞士嘅城鎮入面好多噴泉都係有名有姓。
例如呢座叫 Mohrenbrunnen，喺噴泉上面係 Moorish King Kaspar 嘅雕像。
同樣喺 Fronwagplatz 廣場嘅另一邊，呢座噴泉就叫 Metzgerbrunnen。
除咗窗台，以前瑞士嘅有錢人家亦喜歡以濕壁畫佈置外牆。
呢幅建於 15 世紀末嘅 Haus zum Ritter 騎士之家，係文藝復興時期留低嘅歷史古蹟嚟。
跟住我哋經過 Kirche St. Johann 聖約翰教堂，呢座哥德式嘅建築始建於西元 1000 年左右。
喺 1990 年曾經做過一次翻修工程，以建築規模計係瑞士第三大嘅教堂嚟。
行街嗰陣經過見呢道門幾特別，入去原來係一間古老嘅藥房嚟。
今次嚟到 Schaffhausen，其中最有興趣想去睇吓嘅就係位於城鎮東邊嘅 Munot 米諾要塞。
進入要塞先要行上一段樓梯，樓梯兩旁圍繞住要塞嘅係一片綠油油嘅葡萄園。
呢座要塞建於 1564 年至 1589 年間，至今已經超過 400 年嘅歷史。要塞嘅第一層漆黑一片，陽光由天花嘅洞口透進室内，據説呢個空間係以前呢度啲居民喺戰亂嗰陣嘅庇護場所嚟。
我哋沿住一條迴旋坡道行上去堡壘嘅頂層，呢條通道嘅設計係可以俾馬車喺上面行走。
上到要塞嘅頂層首先會見到一個圓形廣場，呢度家陣係用嚟做各項活動嘅場地，不定期舉辦音樂會、露天電影院同舞會等等嘅活動。
面向老城嘅方向望去，就係萊茵河畔兩岸高低錯落嘅古宅屋瓦。
聖約翰教堂同城門嘅尖塔就鶴立於古老街區同一間間童話式嘅屋仔當中。
因為呢度嘅視野如此廣闊，要塞嘅塔頂過去曾經係作為城鎮守衛警戒之用。
當地嘅市民為咗延續一個自古以來嘅傳統，家陣依然重有名為 Munotwächter (Munot guard) 嘅米諾哨兵駐守於塔樓之內。
每晚 9 點喺要塞呢度會敲響一個於 1589 年建成嘅 Munot Bell 米諾鐘，向當地嘅居民報時。
我哋行完 Munot 就行向火車站嘅方向準備返歸嘞。
我哋行到火車站附近，先揾咗間麥記快手食個午餐，跟住就坐火車返去 Neuhausen 嘅住宿攞返啲行李。
之後再坐一程火車，由 Neuhausen 起程途經 Winterthur，一個鐘車程有找去到 Zurich Flughafen 站到達蘇黎世機場，準備搭黃昏六點起飛嘅班機去多哈轉機。
班機準時起飛，零晨一點到達多哈。跟住喺機場 Hea 兩個鐘等轉另一班零晨三點起飛嘅班機。
喺 2018 年 7 月 16 號晏晝四點幾，我哋終於平平安安冇穿冇爛返到香港，完成今次從法國走到瑞士嘅旅程。
留言
發佈留言