時間係 2019 年嘅四月尾，都有幾年冇去過東南亞旅行，今年我哋就去越南玩咗九日，由北越嘅河內玩到去中越嘅峴港。
未開始講行程之前先數吓出發前要準備嘅嘢，首先就係機票喇；今次我哋就坐越南航空由香港飛去河內，再加多程內陸機由河內飛去峴港，包 30 kg 行李，兩程飛機就盛惠 HKD 1,741。由峴港返香港嗰程飛機就幫襯 HK Express，包 25 kg 行李，票價就盛惠 HKD 1,197。
簽証嚟講，過往喺香港搞越南簽証通常會經中介出一封用嚟做落地簽証嘅批准信，揸住封信嘅列印本去到越南各大機場之後再排隊做落地簽証嘅。
不過差唔多喺我哋出發前一個月，剛啱越南出咗隻又方便又平啲嘅網上直接出簽證嘅玩法，喺呢個官方網站填咗份網上表格，上載一張冇帶眼鏡嘅近照 (照片闊x長比例為 2 比 3，例如 400px X 600px)、同護照嘅 jpg 檔案，科水 USD 25 申請費，大約三至四個工作天就會收到電郵通知。跟住個通知俾嘅 Registration Code，連同電郵地址同出生日期，上返官方網站入返呢啲資料就可以下載份簽證嘅 PDF 檔，到步越南嗰邊嘅機場，過海關嗰陣出示呢份簽證嘅列印本就可以。
我哋由河內來回沙壩要坐一程長途巴士，穩陣計亦唔想去到先至張羅浪費咗玩嘅時間，所以出發前一星期就先上網預訂咗呢程長途巴士嘅車飛。
上網格價嗰陣發覺原來都有好多間營辦商有做呢條巴士路線，我上 TripAdvisor 比較咗幾間營辦商，分別係 Sapaethnic、Dream Transport Limousine、Queen Cafe、Khai Phat Limousine、Eco Sapa Limousine、Green Bus 同 SapaExpress，發覺啲評價算正面嘅就包括 Eco Sapa Limousine、Green Bus 同 SapaExpress 呢三間，比較過覺得 SapaExpress 呢間啲評價應該最穩陣，最後決定幫襯呢間出飛去沙壩。
喺呢個網站可以查到 SapaExpress 由河內去沙壩唔同車款、坐位同出發時間嘅車飛價目，揀啱之後可以經網站直接用信用卡俾錢買飛，科咗水之後就會收到電郵，電郵入面有張車飛嘅 PDF 附件檔，去到出示呢張車飛嘅列印本就可以上車。
峴港冇乜巴士嗰類嘅集體運輸交通工具啱遊客去坐，嗰度嘅公共交通主要係截的士同電召 Grab 車，所以出發前最好喺部電話度裝定個 Grab App。
住宿方面，之前去歐美旅行揾民宿幫襯嘅中介網基本上唔係 Booking.com 就係 Airbnb，可能今次玩法同要揾嘅住宿類型都好唔同，今次去越南揾酒店嗰陣發覺呢兩個中介網無論價錢同房型嘅選擇都唔多掂，結果今次五站嘅酒店全部經 Agoda 預訂。
越南雖然都算係一個落後國家，不過嗰度揍遊客嘅設施例如餐廳、酒店、主題公園甚至長途旅遊巴士嘅中途驛站等等嘅硬件質素都好企理，今次我哋幫襯呢五站嘅酒店住宿基本上都冇乜點中過伏，至於住宿嘅資料之後去到每一站嘅行程嗰陣再詳細講吓。
今次喺越南九日嘅行程，計埋機票食宿國內交通門票等等嘅使費，埋單每位大約使咗 HK$ 9,000 左右。
我哋喺香港坐上越南航空晏晝兩點半起飛嘅班機，大約兩個鐘機程，扣返一個鐘嘅時差，晏晝三點半就去到河內。
呢程機經濟倉嘅座位冇個人電視，不得嗰兩個鐘時間又要派飯，查實有冇電視睇基本上都冇乜所謂。
我哋準時去到河內內排國際機場，因為今次可以直接出到入境簽證唔使排隊再搞落地簽證，加上過海關條隊亦冇乜人龍，啲海關查證亦算快手，所以呢一日出境都算幾快幾順利。
未開始講行程之前先數吓出發前要準備嘅嘢，首先就係機票喇；今次我哋就坐越南航空由香港飛去河內，再加多程內陸機由河內飛去峴港，包 30 kg 行李，兩程飛機就盛惠 HKD 1,741。由峴港返香港嗰程飛機就幫襯 HK Express，包 25 kg 行李，票價就盛惠 HKD 1,197。簽証嚟講，過往喺香港搞越南簽証通常會經中介出一封用嚟做落地簽証嘅批准信，揸住封信嘅列印本去到越南各大機場之後再排隊做落地簽証嘅。
不過差唔多喺我哋出發前一個月，剛啱越南出咗隻又方便又平啲嘅網上直接出簽證嘅玩法，喺呢個官方網站填咗份網上表格，上載一張冇帶眼鏡嘅近照 (照片闊x長比例為 2 比 3，例如 400px X 600px)、同護照嘅 jpg 檔案，科水 USD 25 申請費，大約三至四個工作天就會收到電郵通知。跟住個通知俾嘅 Registration Code，連同電郵地址同出生日期，上返官方網站入返呢啲資料就可以下載份簽證嘅 PDF 檔，到步越南嗰邊嘅機場，過海關嗰陣出示呢份簽證嘅列印本就可以。
我哋由河內來回沙壩要坐一程長途巴士，穩陣計亦唔想去到先至張羅浪費咗玩嘅時間，所以出發前一星期就先上網預訂咗呢程長途巴士嘅車飛。
上網格價嗰陣發覺原來都有好多間營辦商有做呢條巴士路線，我上 TripAdvisor 比較咗幾間營辦商，分別係 Sapaethnic、Dream Transport Limousine、Queen Cafe、Khai Phat Limousine、Eco Sapa Limousine、Green Bus 同 SapaExpress，發覺啲評價算正面嘅就包括 Eco Sapa Limousine、Green Bus 同 SapaExpress 呢三間，比較過覺得 SapaExpress 呢間啲評價應該最穩陣，最後決定幫襯呢間出飛去沙壩。
喺呢個網站可以查到 SapaExpress 由河內去沙壩唔同車款、坐位同出發時間嘅車飛價目，揀啱之後可以經網站直接用信用卡俾錢買飛，科咗水之後就會收到電郵，電郵入面有張車飛嘅 PDF 附件檔，去到出示呢張車飛嘅列印本就可以上車。
峴港冇乜巴士嗰類嘅集體運輸交通工具啱遊客去坐，嗰度嘅公共交通主要係截的士同電召 Grab 車，所以出發前最好喺部電話度裝定個 Grab App。
住宿方面，之前去歐美旅行揾民宿幫襯嘅中介網基本上唔係 Booking.com 就係 Airbnb，可能今次玩法同要揾嘅住宿類型都好唔同，今次去越南揾酒店嗰陣發覺呢兩個中介網無論價錢同房型嘅選擇都唔多掂，結果今次五站嘅酒店全部經 Agoda 預訂。
越南雖然都算係一個落後國家，不過嗰度揍遊客嘅設施例如餐廳、酒店、主題公園甚至長途旅遊巴士嘅中途驛站等等嘅硬件質素都好企理，今次我哋幫襯呢五站嘅酒店住宿基本上都冇乜點中過伏，至於住宿嘅資料之後去到每一站嘅行程嗰陣再詳細講吓。
今次喺越南九日嘅行程，計埋機票食宿國內交通門票等等嘅使費，埋單每位大約使咗 HK$ 9,000 左右。
我哋喺香港坐上越南航空晏晝兩點半起飛嘅班機，大約兩個鐘機程，扣返一個鐘嘅時差，晏晝三點半就去到河內。
呢程機經濟倉嘅座位冇個人電視，不得嗰兩個鐘時間又要派飯，查實有冇電視睇基本上都冇乜所謂。
我哋準時去到河內內排國際機場，因為今次可以直接出到入境簽證唔使排隊再搞落地簽證，加上過海關條隊亦冇乜人龍，啲海關查證亦算快手，所以呢一日出境都算幾快幾順利。
留言
發佈留言