第三日嘅行程，出發前當然係食返個靚早餐先喇，呢間酒店嘅早餐都算搞得幾豐富，有肉有菜有飯有麵有生果有甜品。
除咗自助餐重有自選餐點，當中日日都有得叫 Phở 越南河粉，因為喺酒店都經常食得到，所以呢次行程我哋都冇專登出去啲街邊地舖踎街食越南河粉。
食完早餐就出去 Sun Plaza 嗰頭睇吓點揾導遊帶我哋去睇梯田嘞，我哋喺街上面行咗一陣就有個村姑走過嚟我哋度摟生意，見相請不如偶遇，傾啱價錢就跟佢出發。
本來諗住就係嗰一位村姑帶我哋行啦，點知行行吓忽然發現無喇喇多咗兩個村姑跟住我哋，初時我哋以為佢兩個跟過嚟係摟我哋買嘢，所以都冇理佢哋。
今次喺沙壩行梯田我哋基本上從三種途徑揾過導遊格價，首先係酒店，相同嘅行程，如果經我哋住嗰間酒店揾導遊嘅話，間酒店報價係用美金嘅，收費兌返越南盾就大約報 VND 883,720 一位。
我哋之前一日喺酒店 check in 完之後出去行街，嗰陣問過一間應該係代理呢啲導遊嘅地舖，相同行程佢哋報個價就盛惠 VND 560,000 一位。
而我哋今次幫襯呢位村姑報嘅價就盛惠 VND 460,000 一位。今次帶我哋行梯田嘅呢幫村姑查實都算服侍得我哋幾周到，如果經酒店或者街舖揾導遊嘅話，我估其實佢哋都只係左手交右手判返俾呢啲村姑，佢哋本身應該提供唔到乜嘢實質嘅增值服務。
所以以我哋今次嘅經驗嚟計，喺沙壩行梯田揾導遊嘅話查實喺街揾個合眼緣嘅村姑，傾啱價成行就可以。
講返個行程，頭先講到話無喇喇多咗兩個村姑跟住我哋行唔知佢哋想搞邊科，到我哋開始行入去啲田地嗰陣先明白，佢哋嘅作用原來係一支人肉行山杖嚟。
頭一段穿過啲田地嘅山路係好難行吓，途中要經過好多好陡斜嘅山坡，加上之前一晚落過大雨山路又濕滑又多泥濘。
所以一個村姑根本唔會揍得掂我哋三個人，佢哋係一人帶一個客，去到啲難行嘅位就可以一人揍一個咁扶我哋過關。
查實都不得不佩服呢班村姑，佢哋好多只係踢對拖鞋就落場帶團，幾陡斜嘅山路都可以如履平地；反觀我哋呢班城市島過嚟嘅，就算著晒行山鞋好多人都跣到一卜一碌。
講開鞋又順帶提提，以我哋今次嘅經驗加上我出發前刨過嘅好幾篇遊記，去沙壩睇梯田最好唔好著對太新淨嘅鞋，事關無論天氣好壞，行嗰條山路都幾可肯定會踩到一腳泥濘，鞋嚟講只要基本防水防滑就可以。
查實出發前我有考慮過唔揾導遊自己跟地圖去行，好彩最後我只係諗諗冇真正實行；事關呢段山路唔單止難行，途中好多路段都冇明顯嘅路徑，加上當中時不時會穿過嘅田地應該都係啲私家地方嚟，冇當地人帶路嘅話應該唔容易行到呢條路線。
我哋呢一日行過嘅應該係去沙壩睇梯田最大路嘅一條路線嚟。
睇返上面個地圖，呢條路線會經過三條主要嘅村落，由沙壩市區出發，首先去到嘅係 Ý Linh Hồ，之後經過 Lao Chải 老寨村，尾站就係 Tả Van 踏梅村。
我哋由沙壩市區行入去一段郊區嘅山路，途中經過嘅應該係 Ý Linh Hồ 入面嘅梯田。
喺 Ý Linh Hồ 行梗嗰陣，村姑導遊會沿途摘草整支咁樣嘅心形手作俾佢哋啲客人。
呢個好似係當地導遊嘅一個指定動作嚟，因為除咗我哋呢團人之外，我見隔籬左右好多團嘅人都有支咁嘅嘢揸手。
喺 Ý Linh Hồ 頭一段穿越田野嘅路段應該係整個行程中最難行嘅一段路嚟，穿過咗呢段田野山徑之後嘅路段就好行好多。
我哋向上行過一段山徑，之後會經過一間細細嘅休息站，可以坐低休息吓同整返個冰凍嘅椰青。
喺休息站附近嘅呢段路亦係整個行程中景色最靚嘅一段路程嚟，沿途可以從一個居高臨下嘅角度鳥瞰 Ý Linh Hồ 嘅梯田地貌。
而村姑導遊亦好識做，嚟到呢啲靚景位置佢哋會放慢腳步，時不時提我哋可以停低慢慢影相唔使急住前行。
我哋行過呢段山徑之後就慢慢離開 Ý Linh Hồ，向下一條村落 Lao Chải 老寨村進發。
水牛同雞都係傳統農村嘅經濟動物，沿途時不時都會見到。
由 Ý Linh Hồ 去老寨村同之後嘅踏梅村基本上都係向下行嘅道路，加上沿途好多都係鋪好嘅石屎路，由呢度到終點嘅道路基本上都已經冇乜難度。
再前行十零分鐘，過一條石橋，就差唔多到達 Lao Chải 老寨村。
老寨村啲梯田嘅長相同之前喺 Ý Linh Hồ 睇嘅有啲唔同，呢度嘅田地比較平坦同冇咁多山谷。
我哋都係沿住一條幾好行嘅石屎路一路影相睇風景一路入村，而老寨村呢度亦係我哋呢日嘅一個中途休息站嚟，入村之後村姑就帶我哋去一間排檔坐低食午飯。
咁喺越南呢啲比較落後嘅國家，重要係傳統到重用梗水牛耕作嘅農村，可想而知呢度可以坐低食飯嘅地方會有幾簡陋。
呢餐飯係俾村姑嘅團費度包埋，份量就唔算係好大份，只係一碟仔飯麵咁。
開飯之前村姑們會拎佢哋啲土產嚟 sell 我哋，主要係啲苗族嘅傳統編織布藝，有袋有衫有裙咁。
之前一路受佢哋照顧，拖住我哋又越過高山又越過谷，家陣如果完全唔幫襯查實都會感覺唔係幾好意思咁，好彩我同行朋友本身對呢啲工藝品有興趣，結果都幫襯到佢哋買一兩件。
食完飯之後嘅行程查實冇乜特別嘅風景，路線嚟講就係由老寨村經 Tả Van 踏梅村離場。
沿途睇嘅反而係村入面啲店舖比較多，不過睇咗大半日梯田查實都睇飽晒，尾場轉吓口味睇吓其他嘢查實都唔錯。
大約晏晝四點我哋行過一條應該係進出踏梅村嘅橋頭，之後就喺一個車站度等車返沙壩市區嘞。
今朝由沙壩行咗大半日行到嚟呢度，搭車返去沙壩原來個零鐘車程就返到。去越南旅行我覺得最難搞嘅都係天氣，出發前睇人哋啲遊記，都見呢個國家好似成日都落住雨好難先會見到好天咁。我哋呢一日都算有啲運，朝早出發天陰陰咁，到中午個太陽都肯出返嚟俾機會我哋影返啲似吓樣嘅相。但一過咗晏晝，到我哋返到沙壩嗰陣啲雨霧又出返嚟。我哋先返酒店梳洗吓同放低今朝啲行裝，跟住就出返大街揾地方食飯嘞。
之前一日同行朋友喺 Mường Hoa 街行嗰陣見到一間幾平嘅餐廳，呢一晚就入去試試。我哋入去坐低點完餐等開飯嗰陣，我手痕痕上去 TripAdvisor 睇吓揾唔揾到呢間餐廳嘅食評喇，點知唔揾由自可，一揾就發覺呢餐話唔定要中伏，呢間餐廳啲食評原來唔多掂。上菜之後亦證明我哋呢餐的確係有些少中咗伏，呢餐晚飯埋單結果盛惠 VND 384,000，價錢計係就係平過之前幾餐一截，不過質素就認真麻麻。
嗰晚我再詳細咪吓 TripAdvisor 個食評地圖，發覺似乎喺 Ngõ Cầu Mây 到 Mường Hoa 呢條街集中嘅好多都係啲價錢比較平，不過食評嘅評分就一般都偏低嘅餐廳。而同時又發覺嗰度附近一條叫 Tuệ Tĩnh 嘅街道就有好幾間價錢貴些少，不過食評啲評分就強好多嘅餐街。經過呢次教訓，之後嘅行程我哋入邊間餐廳之前都盡可能先上一上 TripAdvisor 對一對間餐廳嘅評分，以防再次中伏。
事關呢餐晚飯查實食得唔係咁暢快，於是食完飯之後大伙兒就行一行過去 Xuân Viên 街嗰邊睇吓嘢順便揾個甜品補個飛，行行吓發覺呢度夜晚原來同香港一樣有得睇幻彩詠沙壩。
Xuân Viên 街嗰頭都算係沙壩市內比較熱鬧嘅街道，有好幾檔賣體育用品嘅店舖，成條街都係各式飲飲食食嘅舖頭。我哋行完啲體育用品店之後就喺一間舖號叫 Cong Cafe 嘅舖坐低嗌咗啲飲嘢同甜品。
喺越南咁多日，發覺呢個國家似乎喺電力供應呢方面都重係幾落後下，好多餐廳店舖都冇冷氣空調呢個就不在話下，好多時一杯咁樣賣相嘅飲品查實連冰都落唔到一嚿。
呢晚嘅甜品補飛就盛惠 VND 250,000，食完甜品我哋再喺附近行多一陣就返酒‘店休息。
除咗自助餐重有自選餐點，當中日日都有得叫 Phở 越南河粉，因為喺酒店都經常食得到，所以呢次行程我哋都冇專登出去啲街邊地舖踎街食越南河粉。
食完早餐就出去 Sun Plaza 嗰頭睇吓點揾導遊帶我哋去睇梯田嘞，我哋喺街上面行咗一陣就有個村姑走過嚟我哋度摟生意，見相請不如偶遇，傾啱價錢就跟佢出發。
本來諗住就係嗰一位村姑帶我哋行啦，點知行行吓忽然發現無喇喇多咗兩個村姑跟住我哋，初時我哋以為佢兩個跟過嚟係摟我哋買嘢，所以都冇理佢哋。
今次喺沙壩行梯田我哋基本上從三種途徑揾過導遊格價，首先係酒店，相同嘅行程，如果經我哋住嗰間酒店揾導遊嘅話，間酒店報價係用美金嘅，收費兌返越南盾就大約報 VND 883,720 一位。
我哋之前一日喺酒店 check in 完之後出去行街，嗰陣問過一間應該係代理呢啲導遊嘅地舖，相同行程佢哋報個價就盛惠 VND 560,000 一位。
而我哋今次幫襯呢位村姑報嘅價就盛惠 VND 460,000 一位。今次帶我哋行梯田嘅呢幫村姑查實都算服侍得我哋幾周到，如果經酒店或者街舖揾導遊嘅話，我估其實佢哋都只係左手交右手判返俾呢啲村姑，佢哋本身應該提供唔到乜嘢實質嘅增值服務。
所以以我哋今次嘅經驗嚟計，喺沙壩行梯田揾導遊嘅話查實喺街揾個合眼緣嘅村姑，傾啱價成行就可以。
講返個行程，頭先講到話無喇喇多咗兩個村姑跟住我哋行唔知佢哋想搞邊科，到我哋開始行入去啲田地嗰陣先明白，佢哋嘅作用原來係一支人肉行山杖嚟。
頭一段穿過啲田地嘅山路係好難行吓，途中要經過好多好陡斜嘅山坡，加上之前一晚落過大雨山路又濕滑又多泥濘。
所以一個村姑根本唔會揍得掂我哋三個人，佢哋係一人帶一個客，去到啲難行嘅位就可以一人揍一個咁扶我哋過關。
查實都不得不佩服呢班村姑，佢哋好多只係踢對拖鞋就落場帶團，幾陡斜嘅山路都可以如履平地；反觀我哋呢班城市島過嚟嘅，就算著晒行山鞋好多人都跣到一卜一碌。
講開鞋又順帶提提，以我哋今次嘅經驗加上我出發前刨過嘅好幾篇遊記，去沙壩睇梯田最好唔好著對太新淨嘅鞋，事關無論天氣好壞，行嗰條山路都幾可肯定會踩到一腳泥濘，鞋嚟講只要基本防水防滑就可以。
查實出發前我有考慮過唔揾導遊自己跟地圖去行，好彩最後我只係諗諗冇真正實行；事關呢段山路唔單止難行，途中好多路段都冇明顯嘅路徑，加上當中時不時會穿過嘅田地應該都係啲私家地方嚟，冇當地人帶路嘅話應該唔容易行到呢條路線。
我哋呢一日行過嘅應該係去沙壩睇梯田最大路嘅一條路線嚟。
睇返上面個地圖，呢條路線會經過三條主要嘅村落，由沙壩市區出發，首先去到嘅係 Ý Linh Hồ，之後經過 Lao Chải 老寨村，尾站就係 Tả Van 踏梅村。
我哋由沙壩市區行入去一段郊區嘅山路，途中經過嘅應該係 Ý Linh Hồ 入面嘅梯田。
喺 Ý Linh Hồ 行梗嗰陣，村姑導遊會沿途摘草整支咁樣嘅心形手作俾佢哋啲客人。
呢個好似係當地導遊嘅一個指定動作嚟，因為除咗我哋呢團人之外，我見隔籬左右好多團嘅人都有支咁嘅嘢揸手。
喺 Ý Linh Hồ 頭一段穿越田野嘅路段應該係整個行程中最難行嘅一段路嚟，穿過咗呢段田野山徑之後嘅路段就好行好多。
我哋向上行過一段山徑，之後會經過一間細細嘅休息站，可以坐低休息吓同整返個冰凍嘅椰青。
喺休息站附近嘅呢段路亦係整個行程中景色最靚嘅一段路程嚟，沿途可以從一個居高臨下嘅角度鳥瞰 Ý Linh Hồ 嘅梯田地貌。
而村姑導遊亦好識做，嚟到呢啲靚景位置佢哋會放慢腳步，時不時提我哋可以停低慢慢影相唔使急住前行。
我哋行過呢段山徑之後就慢慢離開 Ý Linh Hồ，向下一條村落 Lao Chải 老寨村進發。
水牛同雞都係傳統農村嘅經濟動物，沿途時不時都會見到。
由 Ý Linh Hồ 去老寨村同之後嘅踏梅村基本上都係向下行嘅道路，加上沿途好多都係鋪好嘅石屎路，由呢度到終點嘅道路基本上都已經冇乜難度。
再前行十零分鐘，過一條石橋，就差唔多到達 Lao Chải 老寨村。
老寨村啲梯田嘅長相同之前喺 Ý Linh Hồ 睇嘅有啲唔同，呢度嘅田地比較平坦同冇咁多山谷。
我哋都係沿住一條幾好行嘅石屎路一路影相睇風景一路入村，而老寨村呢度亦係我哋呢日嘅一個中途休息站嚟，入村之後村姑就帶我哋去一間排檔坐低食午飯。
咁喺越南呢啲比較落後嘅國家，重要係傳統到重用梗水牛耕作嘅農村，可想而知呢度可以坐低食飯嘅地方會有幾簡陋。
呢餐飯係俾村姑嘅團費度包埋，份量就唔算係好大份，只係一碟仔飯麵咁。
開飯之前村姑們會拎佢哋啲土產嚟 sell 我哋，主要係啲苗族嘅傳統編織布藝，有袋有衫有裙咁。
之前一路受佢哋照顧，拖住我哋又越過高山又越過谷，家陣如果完全唔幫襯查實都會感覺唔係幾好意思咁，好彩我同行朋友本身對呢啲工藝品有興趣，結果都幫襯到佢哋買一兩件。
食完飯之後嘅行程查實冇乜特別嘅風景，路線嚟講就係由老寨村經 Tả Van 踏梅村離場。
沿途睇嘅反而係村入面啲店舖比較多，不過睇咗大半日梯田查實都睇飽晒，尾場轉吓口味睇吓其他嘢查實都唔錯。
大約晏晝四點我哋行過一條應該係進出踏梅村嘅橋頭，之後就喺一個車站度等車返沙壩市區嘞。
今朝由沙壩行咗大半日行到嚟呢度，搭車返去沙壩原來個零鐘車程就返到。去越南旅行我覺得最難搞嘅都係天氣，出發前睇人哋啲遊記，都見呢個國家好似成日都落住雨好難先會見到好天咁。我哋呢一日都算有啲運，朝早出發天陰陰咁，到中午個太陽都肯出返嚟俾機會我哋影返啲似吓樣嘅相。但一過咗晏晝，到我哋返到沙壩嗰陣啲雨霧又出返嚟。我哋先返酒店梳洗吓同放低今朝啲行裝，跟住就出返大街揾地方食飯嘞。
之前一日同行朋友喺 Mường Hoa 街行嗰陣見到一間幾平嘅餐廳，呢一晚就入去試試。我哋入去坐低點完餐等開飯嗰陣，我手痕痕上去 TripAdvisor 睇吓揾唔揾到呢間餐廳嘅食評喇，點知唔揾由自可，一揾就發覺呢餐話唔定要中伏，呢間餐廳啲食評原來唔多掂。上菜之後亦證明我哋呢餐的確係有些少中咗伏，呢餐晚飯埋單結果盛惠 VND 384,000，價錢計係就係平過之前幾餐一截，不過質素就認真麻麻。
嗰晚我再詳細咪吓 TripAdvisor 個食評地圖，發覺似乎喺 Ngõ Cầu Mây 到 Mường Hoa 呢條街集中嘅好多都係啲價錢比較平，不過食評嘅評分就一般都偏低嘅餐廳。而同時又發覺嗰度附近一條叫 Tuệ Tĩnh 嘅街道就有好幾間價錢貴些少，不過食評啲評分就強好多嘅餐街。經過呢次教訓，之後嘅行程我哋入邊間餐廳之前都盡可能先上一上 TripAdvisor 對一對間餐廳嘅評分，以防再次中伏。
事關呢餐晚飯查實食得唔係咁暢快，於是食完飯之後大伙兒就行一行過去 Xuân Viên 街嗰邊睇吓嘢順便揾個甜品補個飛，行行吓發覺呢度夜晚原來同香港一樣有得睇幻彩詠沙壩。
Xuân Viên 街嗰頭都算係沙壩市內比較熱鬧嘅街道，有好幾檔賣體育用品嘅店舖，成條街都係各式飲飲食食嘅舖頭。我哋行完啲體育用品店之後就喺一間舖號叫 Cong Cafe 嘅舖坐低嗌咗啲飲嘢同甜品。
喺越南咁多日，發覺呢個國家似乎喺電力供應呢方面都重係幾落後下，好多餐廳店舖都冇冷氣空調呢個就不在話下，好多時一杯咁樣賣相嘅飲品查實連冰都落唔到一嚿。
呢晚嘅甜品補飛就盛惠 VND 250,000，食完甜品我哋再喺附近行多一陣就返酒‘店休息。
留言
發佈留言