我哋呢日晏晝行街其中一目的係想揾吓啲導遊格吓價，睇吓第二日我哋去睇梯田有乜路線嘅選擇。
我哋行到 Sun Plaza 附近見到一處好多苗族村姑擺檔嘅地攤市集就入去行吓，喺市集有間做代理梯田導遊嘅舖頭，我哋喺嗰度都問咗啲去行梯田嘅行程路線同價錢嘅資料。
格完梯田導遊嘅價位，呢晚剩返落嚟嘅時間我哋就主力去啲體育用品舖度掃貨。
以我哋呢幾日喺沙壩所見，嗰度啲體育用品舖主要集中喺幾個地方，睇返下面個地圖，喺沙壩市有一座可以講係市鎮中一個主要地標嘅商業建築叫 Sun Plaza，呢座嘢入面有商場有酒店，同埋由沙壩市去番西邦峰嘅接駁鐵路站亦係喺呢座嘢入面。呢座嘢嘅商場部份就有兩層舖面，大部份都係賣體育用品嘅店舖。另外由 Sun Plaza 往東南方向有一條叫 Ngõ Cầu Mây 嘅街道，當地一啲比較廉價嘅食肆好似都幾集中喺呢條街度，另外呢條街由街頭到街尾都分佈咗好幾檔賣體育用品嘅店舖。
除咗近 Sun Plaza 嗰邊，喺 Sun Plaza 東北邊遠些少有條叫 Xuân Viên 嘅街道，到夜晚呢條街都相當熱鬧，有嘢食有舖頭行，而當中都見到幾檔賣體育用品嘅店舖。嗰度啲體育用品店賣嘅品牌同我哋喺河內見到嘅唔差太遠，都係 North Face、Nike 同 Columbia 之類，風褸背囊嗰啲我望落感覺就檔檔都差唔多，唯獨是波鞋，我覺得喺 Sun Plaza 賣嘅款同出面街舖賣嘅好似都幾唔同，我個人就比較鍾意喺 Sun Plaza 嗰邊店舖啲鞋款。
呢日我就買咗件 North Face 嘅風褸，原價 VND 450,000，North Face 波鞋一對原價 VND 700,000，兩件嘢都只係講價講到九折成交。呢啲體育用品喺嗰邊賣嘅價錢差唔多係香港嘅一至三折，咁大隻蛤乸隨街跳，好多人都認為呢啲查實都係假貨嚟。
不過認真檢查吓呢日嘅戰利品，首先啲貨品上面嘅商標同標籤，唔係 North Race 唔係 North Lace，產地亦印晒 Made in Vietnam。
用標籤上面嘅型號亦可以上網揾到同款嘅波鞋，啲風褸亦車上防偽標籤，啲貨就算假都算係假得好認真吓。
掃完貨我哋就喺附近行吓睇吓有冇邊間餐廳合眼緣可以坐低開飯嘞，呢晚我哋就撞咗入一間舖號叫 Sapa BB Hotel 嘅附屬餐廳食晚飯。
間餐廳呢晚唔係好多客我哋差唔多包場咁滯。
呢餐落樓我哋三個人就食咗越南盾齊頭一百萬，性價比算係中規中矩不過不失咁喇。
食梗飯嗰陣聽到出面大大聲咁播音樂已經知道出面廣場應該開梗騷，食完飯行出大街首先睇到嘅就係白矇矇一片。
我哋喺沙壩嗰幾日查實都係呢隻咁嘅天氣，就算中午出太陽都好，一早一晚就算唔落雨都例必迷霧一片。隔住層迷霧睇咗陣騷，我估呢個應該係同五一勞動節有關嘅節目嚟，喺廣場企咗陣見冇乜特別就收隊齊齊返酒店休息嘞。
我哋行到 Sun Plaza 附近見到一處好多苗族村姑擺檔嘅地攤市集就入去行吓，喺市集有間做代理梯田導遊嘅舖頭，我哋喺嗰度都問咗啲去行梯田嘅行程路線同價錢嘅資料。
格完梯田導遊嘅價位，呢晚剩返落嚟嘅時間我哋就主力去啲體育用品舖度掃貨。
以我哋呢幾日喺沙壩所見，嗰度啲體育用品舖主要集中喺幾個地方，睇返下面個地圖，喺沙壩市有一座可以講係市鎮中一個主要地標嘅商業建築叫 Sun Plaza，呢座嘢入面有商場有酒店，同埋由沙壩市去番西邦峰嘅接駁鐵路站亦係喺呢座嘢入面。呢座嘢嘅商場部份就有兩層舖面，大部份都係賣體育用品嘅店舖。另外由 Sun Plaza 往東南方向有一條叫 Ngõ Cầu Mây 嘅街道，當地一啲比較廉價嘅食肆好似都幾集中喺呢條街度，另外呢條街由街頭到街尾都分佈咗好幾檔賣體育用品嘅店舖。
除咗近 Sun Plaza 嗰邊，喺 Sun Plaza 東北邊遠些少有條叫 Xuân Viên 嘅街道，到夜晚呢條街都相當熱鬧，有嘢食有舖頭行，而當中都見到幾檔賣體育用品嘅店舖。嗰度啲體育用品店賣嘅品牌同我哋喺河內見到嘅唔差太遠，都係 North Face、Nike 同 Columbia 之類，風褸背囊嗰啲我望落感覺就檔檔都差唔多，唯獨是波鞋，我覺得喺 Sun Plaza 賣嘅款同出面街舖賣嘅好似都幾唔同，我個人就比較鍾意喺 Sun Plaza 嗰邊店舖啲鞋款。
呢日我就買咗件 North Face 嘅風褸，原價 VND 450,000，North Face 波鞋一對原價 VND 700,000，兩件嘢都只係講價講到九折成交。呢啲體育用品喺嗰邊賣嘅價錢差唔多係香港嘅一至三折，咁大隻蛤乸隨街跳，好多人都認為呢啲查實都係假貨嚟。
不過認真檢查吓呢日嘅戰利品，首先啲貨品上面嘅商標同標籤，唔係 North Race 唔係 North Lace，產地亦印晒 Made in Vietnam。
用標籤上面嘅型號亦可以上網揾到同款嘅波鞋，啲風褸亦車上防偽標籤，啲貨就算假都算係假得好認真吓。
掃完貨我哋就喺附近行吓睇吓有冇邊間餐廳合眼緣可以坐低開飯嘞，呢晚我哋就撞咗入一間舖號叫 Sapa BB Hotel 嘅附屬餐廳食晚飯。
間餐廳呢晚唔係好多客我哋差唔多包場咁滯。
呢餐落樓我哋三個人就食咗越南盾齊頭一百萬，性價比算係中規中矩不過不失咁喇。
食梗飯嗰陣聽到出面大大聲咁播音樂已經知道出面廣場應該開梗騷，食完飯行出大街首先睇到嘅就係白矇矇一片。
我哋喺沙壩嗰幾日查實都係呢隻咁嘅天氣，就算中午出太陽都好，一早一晚就算唔落雨都例必迷霧一片。隔住層迷霧睇咗陣騷，我估呢個應該係同五一勞動節有關嘅節目嚟，喺廣場企咗陣見冇乜特別就收隊齊齊返酒店休息嘞。
留言
發佈留言