開始第二日嘅行程，查實呢一日基本上就係玩搭巴士冇乜其他特别嘢做，我哋坐去沙壩嗰班 Sapa Express 嘅巴士朝早 7:30 就開車，我哋七點咁上下就要去到巴士站等上車。
原本諗住呢日咁早要出門應該未必有早餐食，不過點都落餐廳行一轉碰吓運氣咁喇，又幾好彩原來酒店間餐廳喺呢個鐘數已經開始出梗菜，我哋於是就坐低見有乜就食乜，食到 6:30 鬆啲，無喇喇有個酒店嘅職員走嚟揾我哋話 Sapa Express 有人嚟咗接我哋咁話。
睇返上面個地圖，我哋呢一站住宿嘅酒店查實個位置都好近 Sapa Express 嗰個巴士站，因為近加上我哋都幾清楚巴士站嘅位置，所以出發前上網預訂呢程巴士嗰陣我哋都冇安排到接送嘅服務。問題就嚟嘞，既然都冇安排到預訂，咁點解無喇喇會有人走嚟接我哋？最初我哋食梗早餐嗰陣就諗住可能剛啱有其他住客都係坐同一班巴士又約咗接送，酒店嗰邊以為我哋一齊所以就通知埋我哋咁啫，所以都冇理到佢繼續食。到七點咁上下我哋喺酒店大堂準備拎行李出門嗰陣先見到嚟接我哋嗰位職員原來重喺度等梗我哋，我問返佢話會唔會係搞錯咗喇，但嗰位職員竟然可以講到我個名出嚟！咁人哋一場嚟到，我哋就當然要跟一跟佢去巴士站上車喇。
至於點解 Sapa Express 嘅人會識得嚟酒店接我哋咁神通廣大，我估其中一個可能性係之前一晚我哋臨返酒店之前查實都去過嗰個巴士站諗住實地考察一吓，不過去到發覺個站已經打烊又冇車又冇人，因為嗰個位置唔覺有 Sapa Express 嘅水牌，所以返到酒店嗰陣我哋就喺接待處問過吓，想確認一吓我哋所知嗰個巴士站嘅位置有冇錯。可能我哋問完之後酒店啲職員又真係好盡責咁幫我哋聯絡返 Sapa Express 嗰邊，叫佢哋揾人過嚟接我哋都唔定。因為我哋離開酒店嗰陣喺酒店接待處啲職員已經唔係之前一晚嗰班，問過呢一間啲職員佢哋都唔清楚佢哋啲同事有冇幫我哋約人嚟接我哋。至於 Sapa Express 呢次到底係點刮到我哋住邊，最後仍然係我哋今次旅程中一個未能解開嘅迷團。
講返行程，Sapa Express 由河內去沙壩嘅呢車全程大約要行 5 個鐘，長途巴士會有正常嘅行李架俾乘客放大件行李，所以拖幾大隻篋過去都唔係問題。Sapa Express 基本上提供坐位同臥鋪兩款座位，兩款巴士喺沙壩尾站係停唔同嘅位置，呢個喺之後嘅篇幅會出另一幅地圖再詳細講返。
我哋今次坐嘅係臥鋪嘅車款，車箱入面有三行床位，每格有兩層碌架床，車箱嘅位置都用得好盡，所以床位中間嘅通道都好狹窄。行入車箱之前要除鞋，每位乘客會派一支水、一包零食同一個膠袋用嚟袋住自己對鞋。巴士入面有洗手間，不過喺呢五個鐘車程當中部巴士會停兩個中途站小休，所以要用到呢個洗手間嘅機會查實都唔大。
整體上巴士車箱打理得幾乾淨，成個車程都算係坐得舒適。
大約兩個鐘車程，朝早九點幾我哋就到達第一個中途站，上面個地圖就記錄咗呢個中途站嘅位置。
查實呢程巴士喺服侍乘客方面都算係諗得幾周到，中途站落車嗰陣佢哋又會攞箱拖鞋出嚟俾我哋著住先。喺中途站可以伸展吓筋骨，行行企企睇下啲零食紀念品店舖，又或者喺熟食檔坐低整返碗越南湯河。呢個中途站啲洗手間打理得都幾乾淨，我估喺香港九成領展商場嘅洗手間都未必有呢度啲咁企理。
大約攤抖咗十零廿分鐘就要返上車繼續車程，跟住行多兩個幾個鐘車程，我哋就去到下一個都係咁上下嘅中途站。
之後再嚟多大約一個鐘車程，我哋終於到達沙壩。
巴士埋站停定之際，大批當地苗族嘅村姑就一擁而上圍住巴士嘅車門，準備以各種住宿、交通、導遊等等嘅服務招呼準備落車嘅我哋。
查實揾呢啲苗族村姑幫手帶我哋去睇梯田的確係我哋喺沙壩呢幾日行程嘅其中一個選項嚟，不過唔使一到步落巴士就即刻搞咁急住，落車之後第一件事我哋先要去酒店放低啲行李。
原本諗住呢日咁早要出門應該未必有早餐食，不過點都落餐廳行一轉碰吓運氣咁喇，又幾好彩原來酒店間餐廳喺呢個鐘數已經開始出梗菜，我哋於是就坐低見有乜就食乜，食到 6:30 鬆啲，無喇喇有個酒店嘅職員走嚟揾我哋話 Sapa Express 有人嚟咗接我哋咁話。
睇返上面個地圖，我哋呢一站住宿嘅酒店查實個位置都好近 Sapa Express 嗰個巴士站，因為近加上我哋都幾清楚巴士站嘅位置，所以出發前上網預訂呢程巴士嗰陣我哋都冇安排到接送嘅服務。問題就嚟嘞，既然都冇安排到預訂，咁點解無喇喇會有人走嚟接我哋？最初我哋食梗早餐嗰陣就諗住可能剛啱有其他住客都係坐同一班巴士又約咗接送，酒店嗰邊以為我哋一齊所以就通知埋我哋咁啫，所以都冇理到佢繼續食。到七點咁上下我哋喺酒店大堂準備拎行李出門嗰陣先見到嚟接我哋嗰位職員原來重喺度等梗我哋，我問返佢話會唔會係搞錯咗喇，但嗰位職員竟然可以講到我個名出嚟！咁人哋一場嚟到，我哋就當然要跟一跟佢去巴士站上車喇。
至於點解 Sapa Express 嘅人會識得嚟酒店接我哋咁神通廣大，我估其中一個可能性係之前一晚我哋臨返酒店之前查實都去過嗰個巴士站諗住實地考察一吓，不過去到發覺個站已經打烊又冇車又冇人，因為嗰個位置唔覺有 Sapa Express 嘅水牌，所以返到酒店嗰陣我哋就喺接待處問過吓，想確認一吓我哋所知嗰個巴士站嘅位置有冇錯。可能我哋問完之後酒店啲職員又真係好盡責咁幫我哋聯絡返 Sapa Express 嗰邊，叫佢哋揾人過嚟接我哋都唔定。因為我哋離開酒店嗰陣喺酒店接待處啲職員已經唔係之前一晚嗰班，問過呢一間啲職員佢哋都唔清楚佢哋啲同事有冇幫我哋約人嚟接我哋。至於 Sapa Express 呢次到底係點刮到我哋住邊，最後仍然係我哋今次旅程中一個未能解開嘅迷團。
講返行程，Sapa Express 由河內去沙壩嘅呢車全程大約要行 5 個鐘，長途巴士會有正常嘅行李架俾乘客放大件行李，所以拖幾大隻篋過去都唔係問題。Sapa Express 基本上提供坐位同臥鋪兩款座位，兩款巴士喺沙壩尾站係停唔同嘅位置，呢個喺之後嘅篇幅會出另一幅地圖再詳細講返。
我哋今次坐嘅係臥鋪嘅車款，車箱入面有三行床位，每格有兩層碌架床，車箱嘅位置都用得好盡，所以床位中間嘅通道都好狹窄。行入車箱之前要除鞋，每位乘客會派一支水、一包零食同一個膠袋用嚟袋住自己對鞋。巴士入面有洗手間，不過喺呢五個鐘車程當中部巴士會停兩個中途站小休，所以要用到呢個洗手間嘅機會查實都唔大。
整體上巴士車箱打理得幾乾淨，成個車程都算係坐得舒適。
大約兩個鐘車程，朝早九點幾我哋就到達第一個中途站，上面個地圖就記錄咗呢個中途站嘅位置。
查實呢程巴士喺服侍乘客方面都算係諗得幾周到，中途站落車嗰陣佢哋又會攞箱拖鞋出嚟俾我哋著住先。喺中途站可以伸展吓筋骨，行行企企睇下啲零食紀念品店舖，又或者喺熟食檔坐低整返碗越南湯河。呢個中途站啲洗手間打理得都幾乾淨，我估喺香港九成領展商場嘅洗手間都未必有呢度啲咁企理。
大約攤抖咗十零廿分鐘就要返上車繼續車程，跟住行多兩個幾個鐘車程，我哋就去到下一個都係咁上下嘅中途站。
之後再嚟多大約一個鐘車程，我哋終於到達沙壩。
巴士埋站停定之際，大批當地苗族嘅村姑就一擁而上圍住巴士嘅車門，準備以各種住宿、交通、導遊等等嘅服務招呼準備落車嘅我哋。
查實揾呢啲苗族村姑幫手帶我哋去睇梯田的確係我哋喺沙壩呢幾日行程嘅其中一個選項嚟，不過唔使一到步落巴士就即刻搞咁急住，落車之後第一件事我哋先要去酒店放低啲行李。
留言
發佈留言