我哋準時去到河內內排國際機場，因為今次可以直接出到入境簽證唔使排隊再搞落地簽證，加上過海關條隊亦冇乜人龍，啲海關查證亦算快手，所以呢一日出境都算幾快幾順利。
我哋喺內排機場浪費得比較多時間嘅反而係搞張電話卡同兌越南盾。喺內排機場嘅入境大堂啲店鋪幾乎間間都有得買電話卡同換錢，我哋巡咗一轉，唱錢就揀咗間鋪做 23,225 越南盾兑 1 美元，我自己一個人就先兑咗 USD 360，諗住唔夠使嘅話之後去到峴港再唱。
電話卡就出咗一張 250,000 VND 嘅 4G 卡，每日包 2 GB 數據流量，包 25 分鐘本地加國際通話，有效期 30 日；另外我同行朋友就出咗張 150,000 嘅 3.5GB 齋包數據嘅上網卡，有效期都係一個月。聽好多人講去越南最好都係到達當地先出電話卡，因為當地賣嘅電話卡無論網速同性價比都比喺香港買到嘅好；我今次出嗰張電話卡嘅網速都真係幾快同好穩定，上網睇圖播片都好順，似乎呢個講法都係不無道理。
電話同銀包都裝備好，跟住就可以搭車出城嘞。內排機場有一程 86 號巴士通往河內市區，車費每程盛惠 VND 35,000。
越南重係一個發展中嘅國家，整體市容感覺上就好似上世紀八十年代嘅中國咁，不過呢度好多面對遊客嘅設施查實都已經做得好進步。就以呢程巴士嚟講，巴士嘅內籠乾淨企理，有足夠空間放行李，冷氣開放，同香港嘅機場巴士查實冇乜分別。
之但係佢哋賣飛就依然重係人手操作，每班巴士除咗司機之外重有個票務員跟車賣飛；不過人手賣飛都有個好處就係可以找贖，唔使上車前張羅散紙搭車。
呢程巴士大約半個鐘車程就到達河內嘅市區，上面個地圖就記錄咗喺我哋呢晚住宿附近嗰幾個巴士站嘅位置。
查實出發前揾酒店嗰陣都已經考慮埋呢程巴士嘅停站位置，所以我哋落車之後都係拖咗十分鐘篋咁上下就去到呢晚預訂咗嘅酒店。
呢晚我哋入住嘅酒店鋪號叫 Hanoi Emerald Waters Hotel & Spa，經 Agoda 預訂，一晚雙人房連一位加床就盛惠 HKD 720。
今次越南之行住過咁多間酒店都冇乜點中過伏，間間房例如浴室洗手間要企企理理，毛巾床鋪乾淨衛生呢啲基本嘢都冇乜碰過大問題。
我哋喺酒店房擺低啲行李，跟住就出街揾地方食晚飯順便行一陣夜街嘞。
我哋喺內排機場浪費得比較多時間嘅反而係搞張電話卡同兌越南盾。喺內排機場嘅入境大堂啲店鋪幾乎間間都有得買電話卡同換錢，我哋巡咗一轉，唱錢就揀咗間鋪做 23,225 越南盾兑 1 美元，我自己一個人就先兑咗 USD 360，諗住唔夠使嘅話之後去到峴港再唱。
電話卡就出咗一張 250,000 VND 嘅 4G 卡，每日包 2 GB 數據流量，包 25 分鐘本地加國際通話，有效期 30 日；另外我同行朋友就出咗張 150,000 嘅 3.5GB 齋包數據嘅上網卡，有效期都係一個月。聽好多人講去越南最好都係到達當地先出電話卡，因為當地賣嘅電話卡無論網速同性價比都比喺香港買到嘅好；我今次出嗰張電話卡嘅網速都真係幾快同好穩定，上網睇圖播片都好順，似乎呢個講法都係不無道理。
電話同銀包都裝備好，跟住就可以搭車出城嘞。內排機場有一程 86 號巴士通往河內市區，車費每程盛惠 VND 35,000。
越南重係一個發展中嘅國家，整體市容感覺上就好似上世紀八十年代嘅中國咁，不過呢度好多面對遊客嘅設施查實都已經做得好進步。就以呢程巴士嚟講，巴士嘅內籠乾淨企理，有足夠空間放行李，冷氣開放，同香港嘅機場巴士查實冇乜分別。
之但係佢哋賣飛就依然重係人手操作，每班巴士除咗司機之外重有個票務員跟車賣飛；不過人手賣飛都有個好處就係可以找贖，唔使上車前張羅散紙搭車。
呢程巴士大約半個鐘車程就到達河內嘅市區，上面個地圖就記錄咗喺我哋呢晚住宿附近嗰幾個巴士站嘅位置。
查實出發前揾酒店嗰陣都已經考慮埋呢程巴士嘅停站位置，所以我哋落車之後都係拖咗十分鐘篋咁上下就去到呢晚預訂咗嘅酒店。
呢晚我哋入住嘅酒店鋪號叫 Hanoi Emerald Waters Hotel & Spa，經 Agoda 預訂，一晚雙人房連一位加床就盛惠 HKD 720。
今次越南之行住過咁多間酒店都冇乜點中過伏，間間房例如浴室洗手間要企企理理，毛巾床鋪乾淨衛生呢啲基本嘢都冇乜碰過大問題。
我哋喺酒店房擺低啲行李，跟住就出街揾地方食晚飯順便行一陣夜街嘞。
留言
發佈留言