去越南旅行，其中最擔心嘅一樣嘢就係天氣，我出發前刨過好幾個遊記，發覺嗰邊真係好多時間都係陰天同雨天，一落雨喺啲山區高地就會起晒大霧，咁嘅情況去到啲景點睇到嘅就只得白茫茫一片，相當冇癮。之前一日去睇梯田都算有啲運，行到中午個日頭就出返嚟，不過好運呢家嘢實在唔係必然，呢一日我哋上 Fansipan 番西邦峰就冇之前一日嘅運氣，基本上呢一日就係去睇霧景。
我哋喺酒店食完早餐，跟住就行過去 Sun Plaza 買飛出發嘞，由沙壩市區基本上係要坐一程登山纜車上 Fansipan 嘅。
呢程纜車喺沙壩市嗰邊嘅車站同沙壩市內啲酒店集中嘅地方有一段距離，曾幾何時要去呢個纜車站上 Fansipan 嘅交通都有啲麻煩。
不過自從 2018 年 3 月喺沙壩市就開咗一條由 Sun Plaza 直開去 Fansipan 纜車站嘅 Muong Hoa Funicular Railway 有軌纜車，咁家陣上 Fansipan 嘅交通就容易咗好多。
來回 Fansipan 嗰程登山纜車嘅票價就盛惠 VND 700,000，另加一程 VND 50,000 來回沙壩市同 Fansipan 纜車站嘅有軌纜車車票，咁喺沙壩市呢邊買飛上 Fansipan 一般外地成人嘅車費就盛惠 VND 750,000 嘞。
除咗呢兩程纜車嘅車飛之外，查實上到 Fansipan 山頂重有另外一程有軌纜車上到 Fansipan 嘅峰頂，呢程纜車單程嘅車費就盛惠 VND 70,000。
呢程纜車嘅車程查實好短，一般人通常只會買上山去程嘅車飛，回程步行落樓梯行返去纜車站就可以。
由沙壩市去登山纜車站嘅車程大約十分鐘，到站之後要行一段路先去到登山纜車嗰邊嘅車站。
去坐登山纜車之前，我哋先喺呢個車站周圍巡一巡，因為喺呢個車站有啲都幾可觀吓嘅花圃，値得花些少時間去行吓。
查實一行出車站我哋就見到一個興建中嘅花園，不過現時就係泥地一塊未有嘢睇住。
我哋由車站出口沿住一條上斜嘅道路行，首先會見到一個市集。
行入呢個市集再過冇幾遠就係登山纜車嘅車站，不過我哋暫時唔入去住，先沿住另一條斜路向上行。
斜路盡頭就係一個都算幾可觀吓嘅花圃嘅入口，花圃入面種滿紫色嘅馬鞭草。
花園嘅面積都唔算細，啲馬鞭草就一排排咁佈滿整個花園。
可惜嘅係呢日實在好大霧，如果喺啲風和日麗嘅日子，拎支 50 mm 鏡頭喺呢度影吓人像，我估都可以呃得吓人，感覺應該會有啲似我年零兩年前喺普羅旺斯見到嗰啲薰衣草田。
出發前刨人哋啲遊記嗰陣，睇過有人話上 Fansipan 嗰程纜車嘅車費對當地人嚟講算係好高嘅消費，一般當地人唔容易負擔到坐纜上去參觀遊玩。
不過我哋喺呢個車站就見到唔少當地人，多數都係啲三五成群嘅年輕人，好多都著住越南啲傳統民族服飾喺度攞景拍照。
呢個花園同市集之間嗰條斜路亦種咗啲幾精緻嘅花圃。
睇完花我哋就行返轉頭入去市集，再行冇幾遠就係登山纜車嗰邊嘅車站。
呢個車站都好大吓，有幾個樓層，每個樓層之間都有條好長嘅自動電梯接駁。
部登山纜車嘅車箱亦好寬敞，一個咁嘅車箱我估應該可以坐七八個人。
可惜大霧，成個纜車嘅車程都係白茫茫一片冇乜嘢睇。
喺番西邦峰嗰邊嘅車站有間食堂，出咗車站之後再上一段有啲啲長嘅梯級，就到達山峰上另一段有軌纜車嘅車站。
呢啲纜車嘅車箱同我哋年零前喺瑞士 Pilatus 坐嗰啲好似樣，我估呢度嘅纜車應該都係歐洲嗰邊嘅進口貨嚟，呢程纜車成人單程收費盛惠 VND 70,000。
呢段車程其實好短，除非年紀好大真係不良於行嗰隻，唔係嘅話唔搭呢段纜車行樓梯上去查實亦冇乜難度。
番西邦峰 Fansipan Mountain 係法屬印度支那 (啫係越南、寮國同柬埔寨) 嘅最高峰，上到嚟第一件事先同啲 Fansipan 3,143 m 嘅標誌影相打返轉卡。
上番西邦峰頂除咗可以喺呢個高點睇吓風景之外，山峰上面亦起咗一座規模都唔細嘅佛寺，上到去可以參觀一吓峰頂上嘅佛寺同佛像建築。
呢日實在大霧得好緊要，原本可以一眼望到嘅觀音像大佛像，喺濃霧之下我哋要開住電話，靠 GPS 導航先可以揾到要由邊條樓梯經邊條通道先可以行到過去。首先行到去嘅，我哋有理由相信呢座係一座觀音像嚟。能見度實在太低，就算企喺座佛像前面都依然係乜都睇唔到，我哋諗住去行埋嗰座大佛像就撤退走人。
其都係意料之內，去到大佛像前面睇到嘅，依然都係白茫茫一片，呢座大佛我估應該係番西邦峰整座佛寺嘅建築中一個主要嘅景點嚟，佛像入面有個空間供奉咗唔知邊位高僧嘅舍利子，一場嚟到我哋都入咗去巡過一轉先走人。
離場條路好簡單，總之見到有向下嘅樓梯就行落去，行十零廿分鐘就返到登山纜車站。
呢段纜車喺 Fansipan 同沙壩兩邊嘅車站都有啲餐廳食店，不過我哋諗住兩程纜車加埋嘅車程亦唔算好耐，索性頂多一陣返到沙壩先至去食下午茶，此終喺沙壩市食嘢可以多好多選擇。
同去程一樣，登山纜車全程依然係霧氣迷曼白茫茫一片。
再轉一程都係白茫茫一片嘅有軌纜車，大約晏晝四點零鐘我哋就返到沙壩市。
我哋喺酒店食完早餐，跟住就行過去 Sun Plaza 買飛出發嘞，由沙壩市區基本上係要坐一程登山纜車上 Fansipan 嘅。
呢程纜車喺沙壩市嗰邊嘅車站同沙壩市內啲酒店集中嘅地方有一段距離，曾幾何時要去呢個纜車站上 Fansipan 嘅交通都有啲麻煩。
不過自從 2018 年 3 月喺沙壩市就開咗一條由 Sun Plaza 直開去 Fansipan 纜車站嘅 Muong Hoa Funicular Railway 有軌纜車，咁家陣上 Fansipan 嘅交通就容易咗好多。
來回 Fansipan 嗰程登山纜車嘅票價就盛惠 VND 700,000，另加一程 VND 50,000 來回沙壩市同 Fansipan 纜車站嘅有軌纜車車票，咁喺沙壩市呢邊買飛上 Fansipan 一般外地成人嘅車費就盛惠 VND 750,000 嘞。
除咗呢兩程纜車嘅車飛之外，查實上到 Fansipan 山頂重有另外一程有軌纜車上到 Fansipan 嘅峰頂，呢程纜車單程嘅車費就盛惠 VND 70,000。
呢程纜車嘅車程查實好短，一般人通常只會買上山去程嘅車飛，回程步行落樓梯行返去纜車站就可以。
由沙壩市去登山纜車站嘅車程大約十分鐘，到站之後要行一段路先去到登山纜車嗰邊嘅車站。
去坐登山纜車之前，我哋先喺呢個車站周圍巡一巡，因為喺呢個車站有啲都幾可觀吓嘅花圃，値得花些少時間去行吓。
查實一行出車站我哋就見到一個興建中嘅花園，不過現時就係泥地一塊未有嘢睇住。
我哋由車站出口沿住一條上斜嘅道路行，首先會見到一個市集。
行入呢個市集再過冇幾遠就係登山纜車嘅車站，不過我哋暫時唔入去住，先沿住另一條斜路向上行。
斜路盡頭就係一個都算幾可觀吓嘅花圃嘅入口，花圃入面種滿紫色嘅馬鞭草。
花園嘅面積都唔算細，啲馬鞭草就一排排咁佈滿整個花園。
可惜嘅係呢日實在好大霧，如果喺啲風和日麗嘅日子，拎支 50 mm 鏡頭喺呢度影吓人像，我估都可以呃得吓人，感覺應該會有啲似我年零兩年前喺普羅旺斯見到嗰啲薰衣草田。
出發前刨人哋啲遊記嗰陣，睇過有人話上 Fansipan 嗰程纜車嘅車費對當地人嚟講算係好高嘅消費，一般當地人唔容易負擔到坐纜上去參觀遊玩。
不過我哋喺呢個車站就見到唔少當地人，多數都係啲三五成群嘅年輕人，好多都著住越南啲傳統民族服飾喺度攞景拍照。
呢個花園同市集之間嗰條斜路亦種咗啲幾精緻嘅花圃。
睇完花我哋就行返轉頭入去市集，再行冇幾遠就係登山纜車嗰邊嘅車站。
呢個車站都好大吓，有幾個樓層，每個樓層之間都有條好長嘅自動電梯接駁。
部登山纜車嘅車箱亦好寬敞，一個咁嘅車箱我估應該可以坐七八個人。
可惜大霧，成個纜車嘅車程都係白茫茫一片冇乜嘢睇。
喺番西邦峰嗰邊嘅車站有間食堂，出咗車站之後再上一段有啲啲長嘅梯級，就到達山峰上另一段有軌纜車嘅車站。
呢啲纜車嘅車箱同我哋年零前喺瑞士 Pilatus 坐嗰啲好似樣，我估呢度嘅纜車應該都係歐洲嗰邊嘅進口貨嚟，呢程纜車成人單程收費盛惠 VND 70,000。
呢段車程其實好短，除非年紀好大真係不良於行嗰隻，唔係嘅話唔搭呢段纜車行樓梯上去查實亦冇乜難度。
番西邦峰 Fansipan Mountain 係法屬印度支那 (啫係越南、寮國同柬埔寨) 嘅最高峰，上到嚟第一件事先同啲 Fansipan 3,143 m 嘅標誌影相打返轉卡。
上番西邦峰頂除咗可以喺呢個高點睇吓風景之外，山峰上面亦起咗一座規模都唔細嘅佛寺，上到去可以參觀一吓峰頂上嘅佛寺同佛像建築。
呢日實在大霧得好緊要，原本可以一眼望到嘅觀音像大佛像，喺濃霧之下我哋要開住電話，靠 GPS 導航先可以揾到要由邊條樓梯經邊條通道先可以行到過去。首先行到去嘅，我哋有理由相信呢座係一座觀音像嚟。能見度實在太低，就算企喺座佛像前面都依然係乜都睇唔到，我哋諗住去行埋嗰座大佛像就撤退走人。
其都係意料之內，去到大佛像前面睇到嘅，依然都係白茫茫一片，呢座大佛我估應該係番西邦峰整座佛寺嘅建築中一個主要嘅景點嚟，佛像入面有個空間供奉咗唔知邊位高僧嘅舍利子，一場嚟到我哋都入咗去巡過一轉先走人。
離場條路好簡單，總之見到有向下嘅樓梯就行落去，行十零廿分鐘就返到登山纜車站。
呢段纜車喺 Fansipan 同沙壩兩邊嘅車站都有啲餐廳食店，不過我哋諗住兩程纜車加埋嘅車程亦唔算好耐，索性頂多一陣返到沙壩先至去食下午茶，此終喺沙壩市食嘢可以多好多選擇。
同去程一樣，登山纜車全程依然係霧氣迷曼白茫茫一片。
再轉一程都係白茫茫一片嘅有軌纜車，大約晏晝四點零鐘我哋就返到沙壩市。
留言
發佈留言