呢日我哋會離開 Bournemouth 轉場去下一站喺 Bristol 嘅住宿，途中會經過一個叫 Lyndhurst 嘅小鎮，喺嗰度諗住泊低部四個碌轉揸部兩個碌，喺一處叫 New Forest 嘅森林國家公園踩半晝單車。
New Forest 有個推廣當地單車活動嘅網站，除咗圖文並茂講解每條路線嘅特色之外，當中最重要嘅係可以從網站下載呢啲路線嘅 kmz 檔，呢啲檔案可以再匯入 Google Mymap 或者 Map.me 等等嘅地圖 App，咁入到去座森林度有個路線圖跟一跟就唔怕迷路或者入咗去啲太難踩嘅路線。呢一日我哋都只係諗住踩一陣係咁兒體驗吓，喺停車場泊好部車入咗四粒鐘泊車費，跟住我哋就要搵地方租單車。
之前上網揾料嗰陣已經記低咗呢間鋪號叫 AA Bike 嘅單車鋪，事關對過嗰頭附近幾間租單車嘅鋪頭，呢間係特别平，成人車一日車租 £10，而附近其他單車鋪嘅一日成人車租好多都要 £22 左右，加上睇返網上 TripAdvisor 對呢間 AA Bike 啲評價又唔差，所以就決定呢次踩單車行程喺 Lyndhurst 起步，盡可能幫襯呢間平啲嘅鋪頭。
New Forest 嘅單車路線途經幾個小鎮包括 Lyndhurst、Brockenhurst 同 Burley 可作休息補給嘅中途站，而我哋今次就選擇由 Lyndhurst 出發，諗住踩到去 Brockenhurst，入城行吓食啲嘢然後再回程還車嘅。我哋喺嗰間 AA Bike 出咗車，入去 New Forest 之前要先經過一段馬路，人生路不熟唔敢太勇，我哋都係先推車去到森林嘅單車徑先開始上車踩。
由 Lyndhurst 到 Brockenhurst 有條 Family Route，來回大約 18 km。出發前我計過由沙田踩去大埔都只係差唔多 14 km 路程，預咗四個鐘時間，原本諗住我哋去到 Brockenhurst 分分鐘可以再踩多段去埋另一個中途小鎮 Burley，之後再揀另一條路線回程。
不過原來呢段叫做成個 New Forest 最易踩最 Family Friendly 嘅路線都係呢隻鋪咗碎石嘅單車徑，踩呢啲碎石路同喺香港踩鋪咗瀝青嘅單車徑係完全兩回事，踩呢條路部車基本上係踩極都冇動力向前，少少上斜都要好用力踩。
喺 New Forest 個網站介紹嗰度啲 Family Friendly 嘅單車徑，係講話可以 see thousands of free roaming ponies and cattle, perfect for families …。原本我想像中嘅環境係就算啲動物唔係喺身邊走嚟走去，起碼遠遠望去啲草地點都見到一羣羣野馬野牛低頭食草四周踱步咁上下嘅景象呱。
點知現場見到嘅原來只係路徑兩邊唔係樹林就係草地，至於官網所形容嘅小馬野牛唔係話完全冇，不過係好難遇到。我同行朋友的確喺途中見到幾隻野鹿，不過個過程真係一瞬即逝，連揞部電話出嚟想影張相都嚟唔切啲鹿就已經唔知跳咗去邊度。
上面我記錄咗喺 Google Maps 嘅係啲主要嘅單車徑路線，當中有好多分支路用 Google Maps 係睇唔到嘅。
但如用另一個離線地圖 Maps.me，入面嘅 OpenStreetMap 就可以睇到好多分岔路線。
呢啲分岔路有啲係比較狹窄嘅小路，有啲甚至睇落係冇乜人跡又崎嶇又窄嘅小徑。
如果跟唔到個地圖又一個唔覺意入咗呢啲小徑嘅話，咁就有可能會迷路被困。所以除非對越野單車有一定經驗同對自身體力有一定自信，否則嚟呢度踩單車要盡可能帶備可靠嘅地圖同選擇合適自己難度嘅路線。
我哋踩咗兩個鐘先去到出 Brockenhurst 嘅出口，結果連入城睇吓嘅時間都冇，穩陣計立即原路回程返去 Lyndhurst 交車。
交完車我哋先喺 Lyndhurst 呢個小鎮度巡咗一陣。
之前喺網上揾料都見過呢間舖號叫 The Woods Cyclery 嘅單車舖，呢間鋪頭啲車租比我哋幫襯嗰間貴一倍，不過見佢哋啲車又好似比較新淨啲。
行咗一陣我哋就返停車場出車向下一個落腳地點 Bristol 進發。
中途我哋喺一個叫 Winchester 嘅小鎮停咗一站食啲嘢攤唞吓。
沿途天氣變得越嚟越差，我哋大約黃昏七點零鐘就到達呢一站喺 Bristol 嘅住宿處。
New Forest 有個推廣當地單車活動嘅網站，除咗圖文並茂講解每條路線嘅特色之外，當中最重要嘅係可以從網站下載呢啲路線嘅 kmz 檔，呢啲檔案可以再匯入 Google Mymap 或者 Map.me 等等嘅地圖 App，咁入到去座森林度有個路線圖跟一跟就唔怕迷路或者入咗去啲太難踩嘅路線。呢一日我哋都只係諗住踩一陣係咁兒體驗吓，喺停車場泊好部車入咗四粒鐘泊車費，跟住我哋就要搵地方租單車。之前上網揾料嗰陣已經記低咗呢間鋪號叫 AA Bike 嘅單車鋪，事關對過嗰頭附近幾間租單車嘅鋪頭，呢間係特别平，成人車一日車租 £10，而附近其他單車鋪嘅一日成人車租好多都要 £22 左右，加上睇返網上 TripAdvisor 對呢間 AA Bike 啲評價又唔差，所以就決定呢次踩單車行程喺 Lyndhurst 起步，盡可能幫襯呢間平啲嘅鋪頭。
New Forest 嘅單車路線途經幾個小鎮包括 Lyndhurst、Brockenhurst 同 Burley 可作休息補給嘅中途站，而我哋今次就選擇由 Lyndhurst 出發，諗住踩到去 Brockenhurst，入城行吓食啲嘢然後再回程還車嘅。我哋喺嗰間 AA Bike 出咗車，入去 New Forest 之前要先經過一段馬路，人生路不熟唔敢太勇，我哋都係先推車去到森林嘅單車徑先開始上車踩。
由 Lyndhurst 到 Brockenhurst 有條 Family Route，來回大約 18 km。出發前我計過由沙田踩去大埔都只係差唔多 14 km 路程，預咗四個鐘時間，原本諗住我哋去到 Brockenhurst 分分鐘可以再踩多段去埋另一個中途小鎮 Burley，之後再揀另一條路線回程。
不過原來呢段叫做成個 New Forest 最易踩最 Family Friendly 嘅路線都係呢隻鋪咗碎石嘅單車徑，踩呢啲碎石路同喺香港踩鋪咗瀝青嘅單車徑係完全兩回事，踩呢條路部車基本上係踩極都冇動力向前，少少上斜都要好用力踩。
喺 New Forest 個網站介紹嗰度啲 Family Friendly 嘅單車徑，係講話可以 see thousands of free roaming ponies and cattle, perfect for families …。原本我想像中嘅環境係就算啲動物唔係喺身邊走嚟走去，起碼遠遠望去啲草地點都見到一羣羣野馬野牛低頭食草四周踱步咁上下嘅景象呱。
點知現場見到嘅原來只係路徑兩邊唔係樹林就係草地，至於官網所形容嘅小馬野牛唔係話完全冇，不過係好難遇到。我同行朋友的確喺途中見到幾隻野鹿，不過個過程真係一瞬即逝，連揞部電話出嚟想影張相都嚟唔切啲鹿就已經唔知跳咗去邊度。
上面我記錄咗喺 Google Maps 嘅係啲主要嘅單車徑路線，當中有好多分支路用 Google Maps 係睇唔到嘅。
但如用另一個離線地圖 Maps.me，入面嘅 OpenStreetMap 就可以睇到好多分岔路線。
呢啲分岔路有啲係比較狹窄嘅小路，有啲甚至睇落係冇乜人跡又崎嶇又窄嘅小徑。
如果跟唔到個地圖又一個唔覺意入咗呢啲小徑嘅話，咁就有可能會迷路被困。所以除非對越野單車有一定經驗同對自身體力有一定自信，否則嚟呢度踩單車要盡可能帶備可靠嘅地圖同選擇合適自己難度嘅路線。
我哋踩咗兩個鐘先去到出 Brockenhurst 嘅出口，結果連入城睇吓嘅時間都冇，穩陣計立即原路回程返去 Lyndhurst 交車。
交完車我哋先喺 Lyndhurst 呢個小鎮度巡咗一陣。
之前喺網上揾料都見過呢間舖號叫 The Woods Cyclery 嘅單車舖，呢間鋪頭啲車租比我哋幫襯嗰間貴一倍，不過見佢哋啲車又好似比較新淨啲。
行咗一陣我哋就返停車場出車向下一個落腳地點 Bristol 進發。
中途我哋喺一個叫 Winchester 嘅小鎮停咗一站食啲嘢攤唞吓。
沿途天氣變得越嚟越差，我哋大約黃昏七點零鐘就到達呢一站喺 Bristol 嘅住宿處。
留言
發佈留言