離開水上宮殿見時間差唔多諗住都應該到食飯時間，點知原來要上完堂至有飯食，個團先安排我地去地氈廠參觀。地氈呢家嘢聽聞喀什米爾比較出名，所以我地個領隊都建議如果唔係認真見到心頭好都唔好隨便出手住。
未入去間廠上堂之前先由師父表演 "徒手扱印仔"
... 茶實係一種以不同顏料不同圖案準確疊印嘅手工藝。睇完表演跟住就入廠上堂聽老細 sell 地氈；上堂嗰陣仲每人派咗支好奈冇飲過嘅細支玻璃樽裝汽水，相當着數。上完堂跟住就返酒店食午飯。可能昨晚餐飯實在令團友們有點失望，領隊跟酒店爭取讓我地團人去酒店另一間陳設好一點的餐廳食飯，同啲餸菜亦比昨晚豐富了點。食完飯再繼續下午嘅行程。 下午第一站我地先去遊覽古天文台。
呢個天文台始建於1728年，在印度古時各種天文設備，同可供量度各星球位置的儀器，都可在此處看到；當中包括經緯儀、日規等。yantra 的譯意是指工具，也就是儀器的意思。嗱明白嘅話各位鴨仔就跟我過嚟呢邊，聽呀 sir 講書 ...
各位團友首先嚟睇睇呢件名為 Laghu Samrat Yantra 嘅東東，呢件嘢主要係用來計時，其中一面牆身傾斜 27°，亦即是齋浦爾個緯度，以正切方向可測量出太陽的傾斜角度。日規兩邊是一個呈四分一圓周的計時儀，每邊分為6小時，每小時再細分60分鐘，每分鐘分60秒，每邊分別以日規的影子測量早上與午間的時間。
跟住呢件叫 Jai Prakash Yantra，由天文學家杰耶．幸合 (Maharaja Sawai Jai Singh) 研製，儀器為一半球凹洞，呢個窿窿茶實係代表一個倒轉咗嘅地球，凹洞裝有六塊大理石板，石板刻有分、秒及12個標誌天球赤道的刻度，以球狀原理觀察太陽的運行。
呢件笑晒咀嘅叫 Chakra Yantra，兩個圈圈以石柱固定，個圈圈以七種合金精鑄而成，可避免風雨侵蝕影響刻度的準確性，每個圈圈刻有 360° 刻度，可轉動指向地球兩極，中間小洞可安裝一管狀儀器，量度行星角度及子午延伸時間。
呢兩塊餅餅叫 Yantra Raj，又係由七種合金鑄成，中間有個小洞指向南北極星方位，餅餅外圈刻有24小時刻度，內圈為360°刻度，可安裝碟狀儀器測量星體位置，星體相對地軸的轉動速度，計算日出日落，日蝕月蝕等天文現象的發生時間。
呢件叫 Kapali Yantra，中午時份企 o岩位可以睇到自己個影。儀器刻有 0°-90°，90°-180°刻度，中間以鐵線固定一個鐵圈，從鐵圈的影子可測量地平經度、海拔高度、太陽斜角及本地時間。
上完呢堂大家有冇問題呢? 如果有問題的話茶實我都幫你唔到。冇問題嘅話大家可以放學離開古天文台，因為下一站城市宮殿就響隔離，我地就步行前往參觀。
未入去間廠上堂之前先由師父表演 "徒手扱印仔"
... 茶實係一種以不同顏料不同圖案準確疊印嘅手工藝。睇完表演跟住就入廠上堂聽老細 sell 地氈；上堂嗰陣仲每人派咗支好奈冇飲過嘅細支玻璃樽裝汽水，相當着數。上完堂跟住就返酒店食午飯。可能昨晚餐飯實在令團友們有點失望，領隊跟酒店爭取讓我地團人去酒店另一間陳設好一點的餐廳食飯，同啲餸菜亦比昨晚豐富了點。食完飯再繼續下午嘅行程。 下午第一站我地先去遊覽古天文台。 呢個天文台始建於1728年，在印度古時各種天文設備，同可供量度各星球位置的儀器，都可在此處看到；當中包括經緯儀、日規等。yantra 的譯意是指工具，也就是儀器的意思。嗱明白嘅話各位鴨仔就跟我過嚟呢邊，聽呀 sir 講書 ...
各位團友首先嚟睇睇呢件名為 Laghu Samrat Yantra 嘅東東，呢件嘢主要係用來計時，其中一面牆身傾斜 27°，亦即是齋浦爾個緯度，以正切方向可測量出太陽的傾斜角度。日規兩邊是一個呈四分一圓周的計時儀，每邊分為6小時，每小時再細分60分鐘，每分鐘分60秒，每邊分別以日規的影子測量早上與午間的時間。
跟住呢件叫 Jai Prakash Yantra，由天文學家杰耶．幸合 (Maharaja Sawai Jai Singh) 研製，儀器為一半球凹洞，呢個窿窿茶實係代表一個倒轉咗嘅地球，凹洞裝有六塊大理石板，石板刻有分、秒及12個標誌天球赤道的刻度，以球狀原理觀察太陽的運行。
呢件笑晒咀嘅叫 Chakra Yantra，兩個圈圈以石柱固定，個圈圈以七種合金精鑄而成，可避免風雨侵蝕影響刻度的準確性，每個圈圈刻有 360° 刻度，可轉動指向地球兩極，中間小洞可安裝一管狀儀器，量度行星角度及子午延伸時間。
呢兩塊餅餅叫 Yantra Raj，又係由七種合金鑄成，中間有個小洞指向南北極星方位，餅餅外圈刻有24小時刻度，內圈為360°刻度，可安裝碟狀儀器測量星體位置，星體相對地軸的轉動速度，計算日出日落，日蝕月蝕等天文現象的發生時間。
呢件叫 Kapali Yantra，中午時份企 o岩位可以睇到自己個影。儀器刻有 0°-90°，90°-180°刻度，中間以鐵線固定一個鐵圈，從鐵圈的影子可測量地平經度、海拔高度、太陽斜角及本地時間。
上完呢堂大家有冇問題呢? 如果有問題的話茶實我都幫你唔到。冇問題嘅話大家可以放學離開古天文台，因為下一站城市宮殿就響隔離，我地就步行前往參觀。
留言
發佈留言