今朝本來諗住六點鐘起身，因為計劃明日朝早去水上菜市場打個白鴿轉，想今朝早啲起身睇吓咁早有冇 Shikara 會經過我地船屋，如果冇嘅話就要今日下午約定船仔天朝嚟接我地。點乜知原來達爾湖係有 morning call 嘅服務；一到朝早5點鐘湖上嘅居民就會開始早晨念經，我響船屋道兩個朝早都係比啲念經嘅聲音嘈醒。
我醒咗之後響張床道典咗陣，起身梳洗完出去露台差唔多都六點鐘。嗰陣個天都仲好黑，周圍靜嚶嚶，我當時個結論係咁早應該係截唔到船，都係要今日揾個時間約定條船明日嚟接我地 (不過原來呢個鐘數係可以截到 Shikara 嘅，呢個遲啲寫到菜市場嗰陣再講)。我響露台道行行企企，到個天光少少嗰陣開始見到有啲載住遊客嘅 Shikara 經過，我估應該係向菜市場方向駛去。冇幾奈有隻賣花嘅艇仔駛埋嚟兜生意，我幫襯佢買咗幾包種子番香港做手信。
再響露台坐多陣影吓相，跟住船屋屋主亦走出嚟同我地吹吓水影吓合照，冇幾奈廚房亦幫我地預備好早餐。
食完早餐接我地出發嘅 Shikara 亦已經到達船屋門口，成朝早攪完咁多嘢個日頭先至出晒嚟，果然早起身啲時間係好用好多。
今日早上嘅節目係去古爾瑪玩騎馬仔，呢個係自費活動，個團收 US$ 15 一位。我響網上一個 blog 道讀過一位驢客自己上古爾瑪騎馬嘅價錢，當時係 08 年，佢地3個人3隻馬加一個馬伕一粒鐘收費 rs300 一位，後來佢地加多個馬伕當幫幫當地經濟呢個再加 rs300，3個人總共使費 rs1200，平均每位 US$ 10。咁計落個團個 markup 都唔算太貴，同可以預期山上嘅當地人為爭旅行團生意情況會幾混亂，我地再自己去玩到時可能會亂上加亂，加上未必有足夠時間響山上自己安排馬匹馬伕，所以出發前我地都係諗住跟個團去玩呢個自費活動。
Shikara 駛到碼頭，幾架四駒車已經停響碼頭一旁等我地上車出發。古爾瑪位於斯里納迦西面，夏季期間遍地開滿鮮花，冬季則是積雪深厚，適合從事健行、騎馬和滑雪等各種戶外活動。從斯里納迦駒車前往約兩個多小時車程。唔講咁多住，有冇興趣跟我上車欣賞一吓去古爾瑪呢程車沿途上嘅風光呢~
~
架四駒車行咗個零鐘頭比較直嘅山路，就響中途站停一停比我地去一去洗手間，響中途站一帶已經開始見到一啲幾靚嘅風景。上番車之後就係一段比較多彎嘅山路，行到咁上下我都開始見有些少暈車浪；如果食暈浪丸對你係有效的話，建議出發前拍定劑以備無患。
差唔多十一點我地終於到達花之牧場；出車前領隊已經叮祝我地到達之後唔好開車門落車住以免引起混亂。我地部車一停低，已經見到又人又馬圍住我地個領隊，十分鐘左右佢地終於傾掂數，19隻馬拉過嚟我地團人一人一隻，上馬然後向花之牧場進發。
行咗十零分鐘，馬隊響牧場一個較高位置停低比我地落馬影相。途中我地亦可以交部相機比馬伕幫手拍照。
影完相上番馬，我地個馬伕見我地開始熟習，響一些比較平坦嘅路段馬伕會放開韁繩比我地試吓自己控制馬匹。再騎十零分鐘路程番到起點，完成呢個花之牧場策騎之旅。
落馬之後再響周圍影咗陣相，跟住我地就上四駒車回程番斯里納迦。
番船屋食飯前領隊先響一個市集停一停比我地睇吓嘢買吓嘢。個市集叫 Meena Bazar，google map 坐標 34.0980166666667, 74.8103033333333。響嗰鼠你可以買到 All Kinds of Readymade Garments, Partywear, Kidswear, Hosiery, Cosmetics & Suit Cases etc (
~ 廢話)。個市集隔離有間清真寺，響網上我都見過好多響入面影嘅相，不過領隊只係比我地十零分鐘時間停留，結果我都冇入到去參觀。
差唔多點幾兩點我地至番到船屋食午餐。
我醒咗之後響張床道典咗陣，起身梳洗完出去露台差唔多都六點鐘。嗰陣個天都仲好黑，周圍靜嚶嚶，我當時個結論係咁早應該係截唔到船，都係要今日揾個時間約定條船明日嚟接我地 (不過原來呢個鐘數係可以截到 Shikara 嘅，呢個遲啲寫到菜市場嗰陣再講)。我響露台道行行企企，到個天光少少嗰陣開始見到有啲載住遊客嘅 Shikara 經過，我估應該係向菜市場方向駛去。冇幾奈有隻賣花嘅艇仔駛埋嚟兜生意，我幫襯佢買咗幾包種子番香港做手信。
再響露台坐多陣影吓相，跟住船屋屋主亦走出嚟同我地吹吓水影吓合照，冇幾奈廚房亦幫我地預備好早餐。
食完早餐接我地出發嘅 Shikara 亦已經到達船屋門口，成朝早攪完咁多嘢個日頭先至出晒嚟，果然早起身啲時間係好用好多。
今日早上嘅節目係去古爾瑪玩騎馬仔，呢個係自費活動，個團收 US$ 15 一位。我響網上一個 blog 道讀過一位驢客自己上古爾瑪騎馬嘅價錢，當時係 08 年，佢地3個人3隻馬加一個馬伕一粒鐘收費 rs300 一位，後來佢地加多個馬伕當幫幫當地經濟呢個再加 rs300，3個人總共使費 rs1200，平均每位 US$ 10。咁計落個團個 markup 都唔算太貴，同可以預期山上嘅當地人為爭旅行團生意情況會幾混亂，我地再自己去玩到時可能會亂上加亂，加上未必有足夠時間響山上自己安排馬匹馬伕，所以出發前我地都係諗住跟個團去玩呢個自費活動。
Shikara 駛到碼頭，幾架四駒車已經停響碼頭一旁等我地上車出發。古爾瑪位於斯里納迦西面，夏季期間遍地開滿鮮花，冬季則是積雪深厚，適合從事健行、騎馬和滑雪等各種戶外活動。從斯里納迦駒車前往約兩個多小時車程。唔講咁多住，有冇興趣跟我上車欣賞一吓去古爾瑪呢程車沿途上嘅風光呢~
~
架四駒車行咗個零鐘頭比較直嘅山路，就響中途站停一停比我地去一去洗手間，響中途站一帶已經開始見到一啲幾靚嘅風景。上番車之後就係一段比較多彎嘅山路，行到咁上下我都開始見有些少暈車浪；如果食暈浪丸對你係有效的話，建議出發前拍定劑以備無患。
差唔多十一點我地終於到達花之牧場；出車前領隊已經叮祝我地到達之後唔好開車門落車住以免引起混亂。我地部車一停低，已經見到又人又馬圍住我地個領隊，十分鐘左右佢地終於傾掂數，19隻馬拉過嚟我地團人一人一隻，上馬然後向花之牧場進發。
行咗十零分鐘，馬隊響牧場一個較高位置停低比我地落馬影相。途中我地亦可以交部相機比馬伕幫手拍照。
影完相上番馬，我地個馬伕見我地開始熟習，響一些比較平坦嘅路段馬伕會放開韁繩比我地試吓自己控制馬匹。再騎十零分鐘路程番到起點，完成呢個花之牧場策騎之旅。
落馬之後再響周圍影咗陣相，跟住我地就上四駒車回程番斯里納迦。
番船屋食飯前領隊先響一個市集停一停比我地睇吓嘢買吓嘢。個市集叫 Meena Bazar，google map 坐標 34.0980166666667, 74.8103033333333。響嗰鼠你可以買到 All Kinds of Readymade Garments, Partywear, Kidswear, Hosiery, Cosmetics & Suit Cases etc (
~ 廢話)。個市集隔離有間清真寺，響網上我都見過好多響入面影嘅相，不過領隊只係比我地十零分鐘時間停留，結果我都冇入到去參觀。差唔多點幾兩點我地至番到船屋食午餐。
留言
發佈留言